أضف سؤال أو موضوع جديد          

لا انصح بتركيب كفرات عند محلات البنشر.معاناتي الشخصية....

up 26 down 5
mmmohd 271
قبل 5 سنه و 3 شهر



السلام عليكم ياشباب وكل عام وانتم بخير .
ما اطول عليكم .اخذت الاهل و قلت نسافر للسعوديه منها سفر وتغير جو ومنها اغيركفرات لسيارتي لان اسعار الكفرات في السعوديه اقل بنسبة 30 % عن عندنا تقريبا . ورحت للثقبة تحديدا لقربها من الجسر و كثرة المحلات في شارع ثلاثين .... واخذت اول محل بنشر ع اليمين . و نزلت اتفاوض مع الجماعه بدون ذكر اي تفاصيل عنهم ... و قالي فيه وفيه وفيه وفيه ...قلت له جيب افضل شي ... قالي خذ هذه الماركة الماني جوديير .... وتوكلت على الله واخذناها والحمدلله ركبها ورصصها .... الى هنا الامور طيبه .... طبعا انا كان معاي الاهل و العيال و قعدنا في غرفه انتظار الزباين و 15 دق بالكثير ركبو وخلصوا كل شي .... الى هنا الامور طيبه .... نط لي واحد منهم قالي السيارة نفحصها لك اذا فيها حذفه او وزن اذرعه او او بالمجان ....قلت فرصه بالمجان يالله افحص .... رفعنا السيارة و يحط الحساسات على الكفرات و اخذ  يلعب بالكمبيوتر ويقولي سيارتك يبغالها وزن اذرعه و مقصات و ما ادري شنو والتكلفه 400 ريال .... قلت له اوف 400 ليش ... قال توك مغير كفرات اصليه و غاليه ماجات على 400 تحافظ على السيارة و الكفرات و لا تتاكل من الاطراف .... قلت له اخرها كم قال 350 ومن هنا وهناك الى 250 بالقوة والله ... المهم قعد يشتغل فيها ساعه و العشاء اذن و ماخلص. خلصنا بعد العشاء . وركبت السيارة و تعشينا في الثقبة ورجعنا البحرين وزحمة ماهي طبيعيه ولا قدرت افحص الموتر والكفرات زحمة ومب قادر ادوس .... رجعت البحرين ثاني يوم الصبح الى الدوام و دوامي بعيد و خط طويل وقلت فرصه افحص شغل الجماعه .... للاسف شغل تعبان .... سيارة تحذف يسار بقوة .... و ترج على سرعه 80 وتزيد مع ازدياد السرعه .... اتصلت عليهم يقولي رجعها ونفحصها .... قلت له انا بالبحرين وين ارجعلك يالطيب .... قلت يالله خلنا نوديها واحد من عندنا .... فحصناها وزن اذرعه تعبان و فيها فرق كبير وشغل تعبان.... وزن كفرات تعبان بس وازن داخلي وليس داخلي وخارجي .... والاكبر من هذا هواء في الكفرات كفر 42 وكفر 39 وكفر 31 وكفر 37 .... تخيلوا .... يا اخي شغل تعبان تعبان تعبان بس الحلو بس يعلب عليك بالفهلوه و بس ويقنعك ... تكلفت الشغل تقريبا 350 ريال لكن رجعت وكالة ماشاء الله.
نصيحتي لك واحد .... روح لمركز معتمد او وكيل للاسف البناشر ومكاين الوزن وفحص كمبيوتر وحتى ساعه ضغط الهوا كلها تعبانه وحتى العمالة تحتاج تدريب وتاهيل لان شغلهم شغل ناس عليميه او فهلويه .....
وتقبلوا تحياتي 
اخوكم بوخالد
مملكة البحرين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوض عليك باللي خسرته والغلط منك اول  شي انت جاي للثقبة حتی نوع الكفرات ما تدري وش تاخذ وهنا فتحت عين النصابين عليك كان من الاساس عندك معرفة بنوع الكفرات اللي تبيها وثانياً حرام تروح لبنشري روح للوكيل افضل واسعاره اقل من البناشر وتركب وانت مرتاح انا ركبت جوديير مقاس 17 لليوكن بسعر 595 ريال عند الوكيل الراشد وثالثا هذا بنشري وش دخله بالوزن هذا حده يرقع كفرات ويغير زيوت فقط 
علی العموم الدنيا تجارب والله يوفق الجميع


up 6 down 0
ابوخلوودي1 5071
قبل 5 سنه و 3 شهر



فعلا شغلهم ها البناشر من تالي مش حالك حتى وزن الهواء
ماوزنه قمة الامبالاه وبالنسبه للميزان الميزان الي عند البناشر 
لاتشتغل عنده لانه كلام فاضي


up 1 down 1
خالد ___الرياص 1331
قبل 5 سنه و 3 شهر



اولا حياك الله في ديرة اخوانك   ولو ادري انك جاي  كان قابلتك وضبطتك بحكم اني من اهل الثقبه  لكنن حصل خيير

شوف ياغالي اولا البناشر اللي بشارع 30 ذولا كلهم نصابين وماعنهم سالفه  ولا افكر اجيهم خير شر مع ان المسافه بيني وبينهم 3 دقايق

المفترض انك حدت نوع الكفرات اللي انت تبيها  وفعلا الفورد اغلب شي يضبط عليه القوديير

القودير وكيله اسمه الراشد هنا بالخبر المفترض تكتب بالـGPS  وتبحث عنه ويوصلك له وتغير وتسوي ترصيص مجاني معه  والكفرات تكون موديل السنه مو مخزنه وبالسعر الرسمي وتضمن انك ركبت شي يستاهل بعكس هالنصابيين ابو يمن اللي في البناشر

عموما احتفض بالفاتوره لان ضمان الكفرات مرتبط بهالفاتوره


up 6 down 4
شكلين مابحكي 3160
قبل 5 سنه و 3 شهر



ما ادري وش تفكير الناس غيرت كفرات أوزن أذرعة ليش 

لو مركب اذرعة جديدة او مقصات سوي لها وزن لكن كفرات وتوزن اذرعة مالها داعي

و 400 كثيرة السياره لو فيها مشاكل 200 ريال وزن كامل امامي وخلفي 

ولكن هو قالك غيرت طقم كفرات ما جات على 400 ريال

المفروض قالك فيها حذفه وغيرة انت تعرف سيارتك اكثر منه

كان جربتها يوم يومين ولو شفت فيها حذفه روح سوي وزن اما تسوي قبل ما تجرب هنا الضحك على الناس


up 9 down 4
التركي 1403 12
قبل 5 سنه و 3 شهر



يااخوان
مو كل ماغيرت كفر لازم وزن
اذا جيت تغير كفر وفيه مسحيه

سوي وزن عند محل معروف
انا بالنسبه لي اوزن عند القحطاني في الدمام
200ريال وزن بالكمبيوتر


up 5 down 0
thamer jumaan 76
قبل 5 سنه و 3 شهر



اول قودير او جودير  شركه امريكيه وليست المانيه  وتقدر تبحث في قوقل ووكيل حقها جودير  يعني انت روح خذها من الوكيل لا تاخذها  من البناشر  

 مثلان كفرات  هنكوك الكوريه وكيلها بن شيهون   كفرات ميشلان  وكيلها ميشلان 


up 1 down 1
سكودر 14927
قبل 5 سنه و 3 شهر



ابراهيم  بعضهم يوزن الاذرعه  خايف على الكفرات زي السحيقه او خايف ينمسح عليه الكفر  على جنب  


up 2 down 0
سكودر 14927
قبل 5 سنه و 3 شهر



تروح قصدك تغير زيت بس يقولك الفلتر يحتاج تغيير والسياره يبغ لها وزن ادرعه السياره يبغي لها فلتر مكينه السياره يبغي لها كفرات جديده الامامي
وهي مافيها شي عامل فيها ابو العريف وهو يسحب فلوسك على غفله


up 1 down 0
user78user 3
قبل 5 سنه و 3 شهر



شكرًا لك يا اخوي ابو خالد 
والله يكثر من امثالك 
----------
انا ساكن بجده ودامي في مكه 
في مره رحت داومت يوم خرجت من الدوام وأمسك الخط اللي هو مكه جده 
وانا ماشي حول ١٠٠ السياره تحذف يمين ..شكيت في نفسي ..
شوي كذا الا السياره تحذف يمين بقوه قلت خلني اكمل أصول جده وبعدين اشوف لها حل 
...صلت جده .رحت عند البنشري علمته ..قلي اوووه هذي يبغالها توصين ووزن أذرعه 
.. قلت له شايف الترصيص والوزن الأذرعه انا اقدر أصلحها بنفسي ..قلي كيف ...قلت له تعال معي ..رحت أخذت المنفاخ ومقياس  الهواء
قست الهواء (الكفر الأيمن ) ويطلع ٢٠ ..عبيته لما وصل ٣٥ .. واشوف الكفر الأيسر الا هو ٣٥
قست كل الكفرات طلعت ٣٥ ....قلت له مع السلامه
وصلت البيت اخذت غفوه وفي الليل صحيت ويوم أني مسكت خط ماشاء الله تبارك الله والله لا يمين. ولا يسار...
شوفو كيف لو سمعت كلام البنشري والله انه يسلخني على الأقل ٣٠٠ الى ٤٠٠
والتوفيق للجميع  


up 8 down 2
bssam13 252
قبل 5 سنه و 3 شهر



شكرا على كل من تفاعل مع موضوعي  والشكر واصل للاخ شكلين و ان شاء الله نحتاجك في الشي الكبير .... 
ياشباب المثل يقول اهل مكه ادري بشعابها او مايقارب من هذا الكلام ...انا ما اعرف كثير عن السوق السعودي و قطع الغيار و كفرات وغيره. وانا لا يقع اللوم علي بالعكس انا رحت الشارع اللي يعتبر اكثر شارع فيه محلات كفرات وقريب مني و للاسف انا فاتتني اسال عن وكيل القوديير.... و طبعا وانا مع الشباب واقولهم اللي صار معاي يقولون لي هم لين يجون بس يغيرون كفرات بحكم رخصها عن البحرين بكثير ولا يرصون ولا شي وحتى لو رصصها البنشر هم يجون البحرين ويرصوصونها مرة ثانية .... لكن الحمدلله الحياة تجارب والواحد عرف ايش يعمل المرة القادمة..... وترى السيارة ماكان فيها حذفه. لكن من باب الحرص الزايد مني قلب النتيجه عكسية ...انا انصح اذا بتشتري كفرات اشتر منهم اسعارهم معقوله ومنافسه و اكيد ليست الارخص ولكن اسعار منافسه . اما اذا تدور خدمة او جودة عمل واتقان وكفاءة فهذه اغسل ايدك منها ولاتفكر فيها روح رصص في مكان ثاني و اوزن اذرعه عند مركز محترف. 



up 5 down 1
mmmohd 271
قبل 5 سنه و 3 شهر



الله يعوض عليك وترا لها ضمان شهر دام وزنتها بكمبيوتر
واغلبهم ترا مايضبطها 
وفيه ناس تضبطها وكالة بدون كمبيوتر لهم خبرة بالوزنية 
الوزنية كانت على 80 واخر مرة وزنت على 150ريال كمبيوتر ودايم
اطلع وارجعلهم حتى يضبطوها حسبنا الله عليهم
ذحين كل مالهم يرفعوا الاسعار بكيفهم ولازم تكاسرهم على اخر شي
حتى تعطيهم حقها


up 2 down 0
ابو عبدالله احمد 3502
قبل 5 سنه و 3 شهر




هناك كفرارت لاتتحمل سرعة 200 او وزن 2000

قبل وزن الاذرعة ممكن تحتاج تغيير او مقصات تغيير



up 1 down 0
bandar333 14
قبل 5 سنه و 3 شهر