تنده الجراند ماركيز حلولكم ي الغالين

والله يا غالي ما عندي علم عم محلات الرياض

لكن ولد عمي قد شال تنده كامل حقت لينكون تاون كار وما اثرت
وكمان جاري قبل فتره نفس الشي شال تندة فورد كانت جلد تقطع مع الشمس وشالها

هذا الي بغيت افيدك فيه وباقي الاعضاء ما بيقصرون معاك

جزاك الله خير يبو عبدالله

يعني افهم من كلامك انها تنشال لان رحت عند باكستاني حق تنجيد وقال ما تنشال لان بصراحه مضيقه صدري

والله الهارتوب لو تعرف الممميزات اللي فيه ماتشيلة الهارتوب يحفظ الحرارة داخل الغمارة ويخلي المكيف يبرد بسرعه
واكثر ماتشوف الهارتوب في المواصفاتا لامريكية بالفورد لان هناك عليه طلب كبير

صادق يظافر بس شكله مضايقني يالغالي

عادي ينشال بس تحتاج ترش مكانه بويه لابد الورشه تكون مزبوط لنه اذا مطول بيكون فيع فرق بالون من غير الغرا 

افا الدعوه فيها رش 

طيب ي برنس الغرا مايطلع بالتلميع ؟ 

لاتفكها لاني سويتها قبل وطلع شقوق بالبدي 

لانهم خرمون التنده علشان يركبون ارتوب 


الحل الوحيد انك تنجد الجلد نفس لون الموتر 

هو الرشه الظاهر انك رراش راش 

واذا كان فيه شقوق السمكري راح يظبطها لك 

بس دور لك واحد شغله تمااام 

افا ي ذا العلم
دام الدعوه شقوق وحوسه والله انني خايف و ممتردد

على العموم يالغالين اللي عنده العلم الوكاد لايبخل

ايه يا غالي تقدر تشيله
واعقد لازم ينرش لان الحفر الي محل المسامير والازياق تحتاج طمس

الله يكون بعونك

اخوي الفورد الي عندي كان نص تنده
وديته محل سمكره وبويه قلتله شيلها 
شالها لي ولقيت تحت شويت صدا وغرا
با النسبه لفتحات المسامير تراها صغير وسواها لي با لحام وبعدين صنفرها لي با الصاروخ
وسوالي صنفره وبويه التنده كامل وربي طلعت السياره احلا من اول بكثير

ونسيت اقولك انه
بافي فيه فتحات المسامير في الزيق الصغير الي تحت القزاز فقط
وهي صغير مره  وما تبان الي اذا قربت مره
واذا تبي تشيلها روح للتشليخ خذلك الازياق وتجي فيها جلده 
خذلك يمين ويسار 
با النسبه لي اخذت شطرطون نيكل ووديته لحقين التضليل وجلدها لي ومن احلا ما يكون

اؤؤكد لك يالغالي انك لاشلته راح تندم كثير لان الطبقة اللي في التنده حقت العزل شايلينها الشركه
لانم حاسبين حساب الهارتوب يكون عازل وراح تتغير حرارة الموتر من داخل وتحس بفرق كبير

بتاكلها بالحر السيارة من جوه لو شلتها بتصير حريقة وقت الظهر لانه عازل عن الحرارة وحتى المكيف مايبرد زي اول بسرعة

وش الي حدك على نص تنده   

 عمومن لو شلتو تحتاج ترش التندت كامله بسبب وجود صدا اكيد تحتها   وغرى  يعني الله يعينك تنده بترش 

ظافر بن حليمان
شرككه فورد تصنع كميه من الفورد وتطرحها في السوق
وعند شرائك للسياره تطلب الموصفات الي تبيها انت مع دفع الفرق
التنده وحده لا تقولي حاطين نص التنده عازل ونص لا لانهم بيركبون تنده
التنده عليها عازل كااااامل

جزاكم الله خير 

والله شكلي بخلي التندة وبس لان الدعوه حوسه وقلق 

مشكورين ي اخوان ولكل من رد على الموضوع

لايك للجميع ي الغالين

طيب لاهنتم شباب انا موتري ماركيز2007
وودي اخذ لي من التشليح نص تنده بس تركيبها سهل ؟ مكلف
وهل لازم يخرمون البدي ؟