ناوي اشتري فورد تورس ورأيكم يهمني

اذا بتستحمل قطع غيارها اشترها ..
انا معي 2010 وكالة والى اليوم معي ولكن يبيلك تاخذها نظيفة اولا ً وممشاها من 100 الف واقل ..
ثانيا ً لا تاخذ دفع رباعي نهائيا ً
وخذ دفع امامي لأن الدفع الرباعي فيه دبل مستمر ويبيله متابعة تغيير زيوت كل 60 الف .. بس الدفع الرباعي ارسى واثقل من الدفع الامامي ..
ثالثا ً : يبيلك تحافظ على زيوتها للمكينة في بترومين 10w30 مع الفلتر كل 5 الاف خمس علب ونص .. ولا يلعبون عليك الوكالة ويقولون كل 8 الاف ولا بتطق عليك المكينه
وزيت القير كل 30 الف غيره ولا بيطق عليك لأنه بدون فلتر .. 
وزيت الدفرنس كل 60 الف غيره ولا بيطق عليك .. واذا بتاخذ دفع رباعي = تغيير زيت الدبل + الدفرنس الخلفي كل 60 الف ولا بيطق عليك الدبل 
قطع الغيار غاليه في الوكالة :
الشمعة الامامية الوحدة ب 2600 ريال بعد الخصم 30% 
والشبك بـ 2000 ريال
والصدام كامل بـ 4000 ريال
الدبل في الدفع الرباعي اذا خرب عليك بـ 3500 ريال بعد خصم 30% 
العكوس بـ 1200 
والفحمات بـ 600 خلفي وامامي
والبطارية 350 من اي محل بطاريات وبالوكالة حول 600 
كراسي مكينه حول 2500 ريال
جلد مقصات حول 600 ريال
شف عموما ً اذا بتاخذها وبتحافظ على صيانتها الدورية = صيانة خاصة فيك دفتر وقلم وتكتبها اولا بأول وتصلحها كل خراب بوقته
تسوي فحص بالعضيب ب 50 ريال وبعدها اي ورشة مزبوطه وتصلح خراباتها ولا بتتراكم عليك وبعدها الله يعينك
الله يوفقك .. هذي بعض النصايح من تجربة للموتر .. وقريب بأبيعه لأنه استنزف جيبي .. بسبب اهمالي له على بالي انه ما يطلب مثل الياباني .. 

السلام عليكم
شباب انا نويت اشتري توروس ليميتد فل كامل فتحه من احد المعارض الي بالرياض
السياره موديل 2013 وممشاها 60 كم

الحين ابي نصحيه منكم عن السيارات الامريكية :
1- شو عيوبها بشكل عام وشو تنصحوني اعمل اول ما استلم السياره وين افحصها
2- شلون اعدل برمجة الراديو FM واحدث شاشة الملاحة بحكم برمجتها على خرايط امركا
3- هل في اختلاف بالقطع الغيار ولا لا

انا رحت صناعه ام الحمام وسالت بخصوص برمجه الراديوا وتحميل الخرايط الملاحه بس ما حدا فادني بشي

شباب الي يعرف ورش تعملي الخرايط ومجربة ياليت تدلوني