أضف سؤال أو موضوع جديد          

الفرق بين الفكتوريا والماركيز والمارودر

up 9 down 4
الساهر55 1314
قبل 6 سنه و 6 شهر



بسم الله الرحمن الرحيم

السلام عليكم ورحمة الله وبركاته

اهلا ومرحبا باعضاء وزوار المنتدى الاعزاء والغالين

وان شالله انكم بخير

اليوم يا اخواني واحبائي حبيت اني اقول الفرق بين انواع الفورد

(فكتوريا - ماركيز - مارودر)

والفرق بين السعودر والامريكي
اما بعد:


احب ان نبدا بالاختلاف بين السعودي ولامريكي هو

اولا السعودي يكون فيه مكيف خلفي ويوجد فيه مبرد قير وتكون التكايه الامامية

قطعه واحده اما الامريكي قطعتين والسعودي يكون فيه شكمانين اما الامريكي

شكمان واحد والسعودي ما يفصل بعكس الامريكي

هذا الفرق بين الامريكي والسعودي وانا حبيت اذكرها لاني لاحظت كثير
يسالون عنها

الان نجي للفرق بين الفكتوريا والماركيز والمارودر

اولا المارودر واحب اقولكم ان المارودر يكون الواجهه تكون للماركيز والجنب

يكون للفكتوريا والخلفيه للفكتوريا

والاختلاف بينه وبين الفكتوريا والماركيز هو اول شي واهم شي المكينه حقت
المارودر تكون حقت فورد موستنج كوبرا وهي اقوى طبعا
وفي صوره للماكينه تحت

ثانيا:الطبلون يكون مختلف تماما عن الفكتوريا والماركيز ويكون فيه ار بي ام

يكون له جنوط خاصه لا تاتي في الماركيز والفكتوريا

وطبعا اقوى فئه في هذة الانواع هو المارودر

وبعد نقول الاختلاف بين الماركيز والفكتوريا

لا يوجد اختلاف طبعا هذا كلام الشركه لكن المتداول بين الناس وانا من مجربين النوعين فاقول ان فيه فرق وسنذكر كل شي

الفرق هو ::: الماركيز يكون فيه تخشيبه في البيبان والطبلون اما الفكتوريا

ما فيه تخشيبة في الابواب الماركيز يقولون انه كشخه وفيه اكسسوارات بس انا ما ادري كيف قالو انه فيه اكسسوارات ومافي فرق بينه وبين الفكتوريا غير التخشيبة
على العموم من تجربتي للسيارتين اقول ان الفكتوريا يتحمل اكثر من الماركيز والماركيز يهربد بسرعه بعكس الفكتوريا يتحمل اكثر بفارق بسيط
ولاحظت ان الفكتوريا في المقاومات احسن من الماركيز


وانا ذكرت الفروق الطفيفه والبسيطه واكيد في فروق ثانيه بس هذي اللي اذكرها الان

وان شالله اني اكون قد وفقت في اللي قلته وان شالله اني لم اخطئ

وانا ابي ان كلنا نتناقش وكل واحد عنده ملاحظه او معلومه يطرحها

والله يوفقكم ويخليكم لنا يا اعزائي واحبابي واخواني زوار الموضوع وزوار المنتدى الكرام

ودمتم بود

والسلام عليكم ورحمة الله وبركاته

$$الساهر$$











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفرق بينهم بالتخشيبه على الابواب والفكتوري فيه على الطبلون ولكنها صغيره بالنسبه لمبرد القير كلها نفس بعض ولكن السعودي اكبر مبرده من الامريكي الامريكي الدنمو صغير بينما السعودي اكبر بعض الامريكي يجي شكمانين نفس السعودي السعودي يجي اقسا من الامريكي بسبب المساعدات الي على السعودي غير الامريكي وبعضهم يلاحض انه الامريكي لين في الخط وكله بسبب المساعدات اما الماردور  فهو اقوا بسب مكينته ميكنة موستنق وعليها سوبر شارج وتوهقو ناس كثير مايعرفونه يحسبونه فورد لمتد ولا فورد بس مواصفات ويحسبونه يفصل على 180 ولا عزمه ضعيف  وهناك ناس تقول الفورد يعيبه قيره اربع نمر الماردور طبلونه 240 وقيره نفس الفورد اربع نمر بالنسبه للكرف فهي متقاربه لبعض مافيه اختلاف الفكتوريا تجي هدروليك وهذا الي جعل البعض يفضلها على الماركيز لنه الاغلبيه بدون هدروليك اما بالنسبه لتسارع فهي نفس بعض وتفصل كلها السعودي والامريكي على 180 القديم فقط الي مايفصل اما الجديد  كلها تفصل الفكتوريا البعض منها يجي كارونه اكبر وهاذا السبب جعل عزمها اقوا بينما الاغلبيه كارونتها وحده عكس البوليسي الي الفرق فيه الكرونه وتيوب الهوا اكبر وبعضهم يقول مبرمج وهو ليس برمج انما كارونته غير والتيوب اكبر لدخول الهواء فيعطيه تسارع وعزم اكثر من العادي سبب انه العاديه عزمه عزم عادي مع انها 8 سلندر هو الكرونه وكله لتقليل استهلاك الوقود وجعله مثل السيارات ال4 سلندر بس هناك ناس تبي تذم الفورد موعارفه كيف لدرجة انها خلته اخس سياره وافشل سياره صنعت ولا التاته الهنديه 



up 7 down 0
princ 18863
قبل 6 سنه و 6 شهر



كلامك صحيح اخوي princ
بس في شي ابي اقولك عليه ترا الهيدرولك كلها زي بعض الماركيز يجي منه هيدروليك والفكتوريا يجي منها هيدرولك ولا واحد يجي منه الاغلبيه
واكثر الناس اصلا تبدل الهيدروليك بيايات فكيف هي الميزة!!!
وشكرا على النقاط اللي طرحتها
ولك احلى لايك


up 2 down 0
الساهر55 1314
قبل 6 سنه و 6 شهر



اظن المارودر قيرها ارضي



up 3 down 0
checkpointksa 543
قبل 6 سنه و 6 شهر



ايوة صحيح المارودر قيرها ارضي
ويجي منه في الماركيز والفكتوريا بس في السبورت
اما المارودر ما يجي الا ارضي
وشكرا لمشاركتك معنا
ولك احلى لايك


up 3 down 0
الساهر55 1314
قبل 6 سنه و 6 شهر



الله يعطيك العافيه الفكتوريا يجي حت الاستندر هدروليك واغلبها اما الماركيز نادر وهو على طلب الزبون ونادر الي يطلب  هاذا النقطه الي اتكلم عنها لجل كذا اقولك الفكتوريا اكثر من الماركيز بالهدروليك 


up 1 down 0
princ 18863
قبل 6 سنه و 6 شهر



يا اخوي العزيز والله العظيم انهم زي بعض انا كان معي استاندر وما فيه هيدروليك ومع واحد زميلي نص فل وما فيه هيدروليك ومع واحد ثاني 2007 وما فيه هيدروليك وكلهم فكتوريا
كلهم نازلين زي بعض وانت تاكد واسال والمعلومه هذي انا متاكد منها ميه بالميه
واقرب دليل ادخل حراج السيارات ودور وشوف كل الموديلات في الفكتوريا
راح تلقا قلييييييل اللي فيه هيدرولك نفس الماركيز كلها زي بعض ياغالي
وانا اتحدى اي واحد يجيبلي استندر فيه هيدروليك مستحيييييل
ولك مني اجمل تحية على مشاركتك معي
ولايك لك


up 2 down 0
الساهر55 1314
قبل 6 سنه و 6 شهر



للاسف اللي يبدل الهيدروليك ماجرب هيدروليك الالماني الواحد قيمته 3000 فقط 

مقارنه بهيدروليك الفورد الاثنين ب1700 ويجلس معك خمس سنوات عمر افتراضي 

اللي يقول الفيكتوريا يتحمل والماركيز يهربد   فهذا الكلام غير صحيح

كلها نفس بعض مع اختلافات بسيطه في انظمة الكهرباء 

قوة المحركات زي بعض   

كان عندي فيكتوريا 2000  وكنت اشتري القطع من الحاج حسين لانه ارخص واشتري مساعد ماركيز نفس المديل واركبه على فوردي نفس المديل ويركب وهو نفسه اجل شلون الفورد يتحمل والماركيز مايتحمل اذا كانت نفس القطع  !!

لحد يقول الفورد يتحمل لانهم يستخدمونه بوليسي  !!!

الفورد البوليسي معدل تعديل اجرامي من ساسه لراسه 

والاكسسوارات من توكيلات الجزيره 

ولعلمك في امريكا يصدرو مديلات حسب رغبة العميل وممكن تلقى ماركيز او فيكتوريا فيه هايدروليك  والدليل :::

ماركيزي ال اس وفيه هايدروليك وشكمانين ودفرنس بوليسي بس الطاره نفس طارة الاستاندر مافيها الا تحكم بمثبت السرعه !!

ممكن تقولي هالموصافات كيف جات من المصنع   !!!

يعني سيارتي فيها مواصفات ماهو موجوده في افخم انواع الماركيز   وفيه مواصفات موجوده في الاستاندر

وجايه من وكالتها كذا  !!  ممكن تفسر شلون جات مواصفات ماركيز كذه  ...  اعتقد انهم يصدرون مواصفات على حسب رغبة العميل

اما الهيدرليوك انا اتقوع انه الماركيز يجي فيه اكثر من الفيكتوريا وهذه الشي انا ملاحظه

وبالنسبه للهايدروليك  والله حرام تفرطون فيه او تشتري فورد بدون هايدروليك لان وظيفته يخلي السياره لينه ويرفع السياره اذا نزلت

يعني ماهو معقد مثل الالماني وغالي  !!!

بعدين هي بالونات ماهي هايدروليك   لكن الناس مسكت معاها هايدروليك




اخواني افادكم الله ارجو افادتي اريد شراء سيارة وامامي خيارين كامري 2009 او جيب هونداي توسان 2008 ولو حبيت ابيع بعد الاستخدام ايهما سعرة ماينقص كتير ؟ الكامري ب 54.000 الف ريال ممشا 112.000 ؟؟ والتوسان ب 35.000 الف ريال وممشاة 126.000


up 0 down 0
esambob8
قبل 6 سنه و 6 شهر



يا هلا فيك اخوي شاقح منور يا غالي
كيف حالك ان شالله انك بخير
طيب انت تعرف ان الهيدروليك اصلا بالونات هو البالونات هي الهيدروليك
وفي نوع ثاني من الهيدروليك اللي هو مواصير
الشي الثاني ان كل الناس تقول الفكتوريا عملي واقوى وانا ما قلت كذا الا من تجربه واقعيه
والمساعد اللي ركبته اكيد بيركب ولاكن ليس بجوده حق الفكتوريا
وانا اقول الفرق بسيط
واخيرا اقول
لك احلى لايك اخوي شاقح
ومشكور على مشاركتك معنا وافادتنا
جزاك الله خير


up 0 down 0
الساهر55 1314
قبل 6 سنه و 6 شهر



معليش نسيت نقطه
الهيدروليك الالماني افضل من الامريكي بكثير عشان كذا غالي
والامريكي ما يجي الا في الخلف اثنين في الخلف بس
وما يسوي شي غير انه يرفع السيارة اذا نزلت
اما الالماني ينزل السيارة في السرعات العاليه ويكون في الاربع عجلات
ويجعل السيارة ما تحوس اذا انفقع كفر ولا شي ويخليها تفرش في الخط
عشان كذا سعرة غالي
هذا اللي حبيت انبه عليه


up 1 down 1
الساهر55 1314
قبل 6 سنه و 6 شهر



و في نطقة مهمة يمكن راحت عليكم

الهيدروليكـ يرسي السيارة على لا تروح لا يمين و لا يسار


up 2 down 0
عبدالله الأمير 121
قبل 6 سنه و 6 شهر



كلامك صحيح اخوي عبد الله
ومشكور على مشاركتك ولك احلى لايك



up 0 down 0
الساهر55 1314
قبل 6 سنه و 6 شهر



السلام عليكم اخواني انا ابي اشتري فورد فكتوريا98 الجزيرة عداد الكتروني مكيف لمس ابي اعرف هل هو يتحمل الكرف والمشاوير البعيدة وهل تنصحوني فيها وابي اعرف اكثر عنة وش عيوبه ارجو الرد اخوكم متعب


up 1 down 0
مكسيما95 5
قبل 5 سنه و 3 شهر



وعليكم السلام 

ياهلا ياخوي 

اذا محركات ممتازة والكهرب ممتاز اخذه ولا تشاور 

الفورد موتر كد ومد وموتر في الخط ممتاااز جدا جدا 

ويتحمل الكرف ومريح جدا 

ومببروك مقدما 



up 0 down 0
الساهر55 1314
قبل 5 سنه و 3 شهر



لو الواحد يدور مثله نظيف وين ممكن يحصل ياغالي


up 0 down 0
meno_4_ever_ipad
قبل 4 سنه و 10 شهر



طيب والفرق بين الفكتوريا ستاندر والبوليسي وش



up 0 down 0
kaney2m
قبل 4 سنه و 4 شهر



انا باخذ فكتوريا امريكي ان شاء الله سمعت انه في اشياء 
لازم اغيرها زي اللديتر اتمنى الافاده ع صحة الكلام


up 0 down 0
mirror911
قبل 4 سنه و شهر



سلام عليكم الله يسعد الجميع 
عندي موظوع وارجو الافاده بعد اذنكم  عندي فورد ٢٠٠٢ ماركيز يصرف بنزيم دبل التانكي عندي افلله يمشيني ٢٣٠نظفت البخاخات غيرت بواجي غيرت كويلات غيرت صفايت البنزيم نظفت البخاخ ماخليت شي ماسويته والله اتعبني الي له خبره ولا مر عليه هاذه الشي في الصرفيه يطرح الفكره لي اكون له شاكر والله يعطيكم العافيه


up 0 down 0
خالد الحارثي. .
قبل سنه و 10 شهر



والله انا ودي تعلموني وش الفرق بين الماركيز والميركوري 


up 0 down 0
mohammed 5711
قبل سنه و 4 شهر