أضف سؤال أو موضوع جديد          

تجربتي بتغيير علبة الفرامل تاون كار 2003

up 14 down 1
عبدالله الأمير 125
قبل 7 سنه و شهر



السلام عليكم ورحمة الله و بركاته

تجربتي بتغيير علبة الفرامل لتاون كار 2003 أمريكي


كانت عندي مشكلة بالفرامل بمعنى لما امسك الدعسة تدخل لداخل و بالكاد تمسك السيارة يعني استيعابها بطيء و كم مرة بغيت أصدم بسببها 

إلى أن وقف الشارع  وأنا ماشي 60 مسكت فرامل لأخر شي abs شغال لكن دون فايدة لين صدمت اللي قدامي بعدها قلت يا أصلحها  ولا أبيع السيارة لأن الفرامل مهمة جداً

طبعا رحت سألت ميكانيكي أعرفه بالصناعية بدلت عنده فحمات قالي عندك علبة الفرامل 

طبعا خراب علبة الفرامل الدعسه تهوي تدخل إلى داخل بسبب ان العلبة تدفع الزيت للاماميه دون الخلفية و بكيذا ما تمسك بسرعه
و خراب الباكم الدعسة محجرة و لما تضغط عليها تسمع صوت هواء

أنا مشكلتي بالعلبة طبعا رحت لمحلات قطع الغيار و سألت عنها قالي أصلية بـ 460 ريال و تجاري ب 160 ريال طبعا الفرامل ما ينمزح معها أخذت الاصلي ب 460 و شغل يد الميكانيكي 120 ريال 

ركبها الميكانيكي و نسم للكفرات الاربع و حطيت زيت أصلي 21 وهذا أهم شي الزيت يكون أصلي و قيمته 7 ريال 

بعد التركيب الفرامل رجعت شد بلد استجابتها سريعة و الدعسة ما تهوي  وعلى طول تمسك بصراحة فرق ودك كل شوي تمسك فرامل بعد المعاناة اللي عانيتها أول 

و في النهاية الفرامل ضروري تركب الأصلي لأنها تتعلق بحياتك ..

تحياتي ...









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههههههه اجل جبت الغايبه باللي قدامك . 


up 2 down 0
حسن محمد 11 50
قبل 7 سنه و شهر



قالوها اخوانا المصرين 
ثنين مالهومش امان الفرامل والنسوان 


up 9 down 0
عبدالله العطوي 123 51
قبل 7 سنه و شهر



شكراً عالتجربه ــ وحمدلله عالسلامه 


up 0 down 0
محمد عبدالله عمر 635
قبل 7 سنه و شهر



كذلك دعسة الفرامل لها وزن معين
بس السباكين مايعرفون يوزنونها
يقولك اخليها لك على الشعره وهذا خطأ وتتلف الفرامل
وللتجربه خذلك سياره فراملها وكاله وسياره فراملها اتصلحت
عن السباكين وجرب
الخلاصه: يوجد مساحه حره عند دعس الفرامل
وتختلف من سياره الى اخرى على مااعتقد
كلامي عن الفرامل كان مكتوب فكتلوج سيارتي
الكرسيدا


up 1 down 0
نوار الوذيناني 510
قبل 7 سنه و شهر