ماهي عيوب اكسبلورر 2010 ؟

فيها عيب واحد وهو القير دايم يخرب ،، وأصحاب الاكسبلورر طايحين توظيب وتغيير في ذا التشاليح والمستورد

والسبب حساس خارج القير طبعا اتكلم عن موديلات ٢٠١٠ ونازل الشكل الاول 

الحساس هذا جاي فوقه كوع التبريد 

طبعا كوع التبريد يقطر عليه مع الوقت يروح الشحم اللي يحمي الحساس

وبالتالي الحساس يعطي قراءة خاطئة للحساسات اللي داخل القير 

وتبدا بعضها تنتع وبعضها ماتبدل وبعضها تفوت نمره الخ

الحل بسيط / انك تغير مجرا الكوع بوصله ويصير مايندي او يقطر ع الحساس ،،

والورش والصناعيات اغلبهم يعرفون الخلل البسيط ذا

ويهول على المواطن الغشيم المغلوب على أمره ويروح يوظب

او يغير القير بل اعرف واحد باع سيارته بعد ماغير القير مرتين فيها والسبب من الكوع 

وليس من القيور .. 

والمفروض الواحد يسال ويتطقس حتى لو أخذ وقت سواء قير او غيره ..

اما بالنسبة للسيارة الاكسبلورر بشكل عاام فهي سيارة رااااائعه وسلسة بما تعنيه الكلمة

وقطعها جداً جداً معقولة مقارنة بمثيلاتها من السيارات الاخرى

من رأيي اذا جزمت تاخذ اكسبلورر خذ ( ايدي باور) 

فيها تبريد وتسخين مراتب ٦ سيديات تحكم من الطارة وغيرها من المميزات

واستخير قبل كل شي

من عيوب القساوه 

والعزم ضعيف 6 سلندر

الردود السابقه  ردود صحيحه مشكورين ماقصرو الاخوان هذي ابرز العيوب

العزم لك عليه شوي السياره ثقيله شوي كنت ناوي اشتريها  وجربت سواقتها مع خويي وغيرت رئيي وشريت جيب كيا سورينتو 2011  

اذا سعره  حول ال 50  وممشاه معقول   خذه وتوكل    اذا غالي  انصحك بالبديل   التكييف لك عليه 

بالتوفيق ان شالله 

اهرب هروبك من الاسد 
القير ماله حل نهائي 
والدفرنس  يطلع صوت 
بنظري اسوء سيارة بتاريخ  فورد الاكسبلورر وخاصه موديلات ٢٠١٠ ونازل
عيوب حتى  اضعف الشركات ماتحصلها في سياراتهم

عندي واحد وغيرنا القير لكن سياره رائعه

العزم مشكلة سيارة ضعيفه تغرز ماتطلع ضعيفه جدا

مين يصلحه في الرياض