أضف سؤال أو موضوع جديد          

غلطه بسيطه تجبلك المكينه... ثلاجه الماركيز 2007

up 22 down 3
خالد--الحربي 195
قبل 4 سنه و 11 شهر



كيف حالكم ي الربع عساكم طيبين




اخواني ابي أفيدكم عن الي صار معي حتى ماتغلطون 
نفس غلطتي الأغلب يفعلها الحمد الله لحقتها وجت ع الثلاجه  
  








عندي ماركيز جاتها تفتفه وكشفت كمبيوتر طلع كويل رقم 1 و 7  
طبعا كنت مشغول ب الدوام وضايق معي الوقت 
وماتفضيتلها الزبدة بعد  يوم رجعت طبيعية وراحت التفتفه وعلامه تشيك راحت طبعا هنا انا فرحت 
 واهملتها وبعد شهرين 
رجعت التفتفه رحت شريت طقم كامل كويل مع باوجي طقم 




وصفايه بنزين رحت الصباح مروق وواثق الا شوي 
يقولي الرجال ثلاجتك مسويا بلاوي انا انصدمت قلت شلون 




وش جاها 
هربت ألمياه ع الكويلات وضرتها والسبب يرجع قبل سنه من مكيف الحرارة علق علي وحطيت بوجي في لي الحرارة  كل عاده كل الفردات يحطونه وهذا يقولي اكبر غلط مع الوقت يهرب خفيف. ف انتبه ما تقفل المويه عن طريق البوجي 
راح يضر علا ثلاجه المكينه يسبب ضغط على الثلاجه وتنشرخ لانها بلاستك لازم المويه تمشي فيها
  انتبهو ي اخوان اذا صارت معك لا تسوي مثلي 
مديك تفصل الحار بطريقه امينه متاثر على الثلاجه  من عند 
الدرج تقفل الحار من نفس جهاز المكيف والله يعوضني بشريلها ثلاجه وسويت قفل الحار من الجهاز ونزلت البوجي 
من الي وهذا موضعي انتبهو اشوف الناس تحط البوجي وبثقه ونا مثلكم لأكن الله ستر والمكينه سلمت انتبهو وشيكو ع الثلاجه من تحت غطا المكينه يبان الماء الخفيف جدا والحمد الله على كل حال 
















 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمد لله وزين انك لحقتهاا وجااات ع لثلالالاجه ومعوض خير يبن العم وبالتوفيق


up 2 down 0
أبونواف00 803
قبل 4 سنه و 11 شهر



لاهنت اخوي خالد على التنبية المهم والافادة الف شكر لك


up 1 down 0
الرفاعي33 13911
قبل 4 سنه و 11 شهر



اخوي الفتحه اللي عليها البوجي وين مكانها بشيك عليها عندي وبشوف عندي فتحة الحار اللي من الطبلون بمناديل مقفله فتحة الثلاجة وين مكانها ي ليت صور اخوي


up 1 down 0
جاسم 12 -250
قبل 4 سنه و 11 شهر



حياكم ربي ومشكورين على المشاركة
اسعدني مروركم. 



جاسم مكان البوجي في لي الحار شيك عليه تلقاه في ركن الكبوت الأيسر لين جمب بعضها  



up 1 down 0
خالد--الحربي 195
قبل 4 سنه و 11 شهر



اسمح لي اصلح معلومة الميكانيكي. 
ثلاحات الفورد دائما تنمسر بسبب انها بلاستيك وكثير من اصحاب الفورد يعانون من نفس المشكلة وكثير منهم يسكر اهواز المكيف الحار بعد مايلغيه ومش بس الفورد الي يسكرونه.
اصلا الضغط موجود حطيت بوجي او ماحطيت بسبب ارتفاع الحرارة. 
هذا الميكانيكي امتشف لك المشكلة في الثلاجة لكن السبب الي ذكره ليس هو السبب الحقيقي.
وللمعلومية ثلاحة الفورد تنكسر حتى بدون الغاء مواسير المكيف الحار وتسكيرها ببوحي لانها بلاستيك ولاتتحمل الحرارة الزايدة ويعتبر هذا عيب مصنعي. 


up 2 down 1
iadnuyh 840
قبل 4 سنه و 11 شهر



الطريقه الصحيحه مجربها لإلغاء الحار ليست البواجي لأني جربت البواجي وبهذلت الدنياعلى ماركيز ٢٠٠٣ وفورد ٩٩
الحل انك تفصل واحد من الليات اللي بثلاجة المكيف الحار والثاني تخليه يرجع على نفس الثلاجه فيصير يدور الماء وبكذا تنسى
المشكله نهائيا بإذن الله  


up 2 down 0
0562318080 192
قبل 4 سنه و 11 شهر



تهريب موية الثلاجه او كسرها يس له علاقه بألغاء مكيف الحار

دايم تخرب ثلاجة المكينه  وتهرب المويه على البواجي

لما طلع لك في الفحص ان الكويل رقم 1-7   هل فكيت الكويلات وشفتها ؟   لو شفتها راح تلقا ان داخلها مويه بسبب تهريب الثلاجه

صارت معي وغيرت الثلاجه مره والمره الثانيه   صارت معي نفس مشكلتك بالضبط    بس وقتها كانت السياره في ورشة فلبيني

اللي سواه الفلبيني فك البوجي ونظفه وجاب الشطرطون الابيض حق المواصير ولفه ع برغي البوجي وسكره ورجع العزم وزانت الامور

اللي يخرب الثلاحه  هو لما تشغل المكيف بوقت الصيف وتكون قيادتك شوي حاره وتدعس للموتر  وأسأل مجرب 


up 0 down 2
شكلين مابحكي 3159
قبل 4 سنه و 11 شهر



ع فكره  انا وقتها سواقتي حاره  وخربت علي مرتين  وموتري 2003

واخوي عنده واحد موديل 99  سواقته  ماشالله  اهداء ماتتخيل   ولا عمرها خربت الثلاجه عليه 


up 0 down 1
شكلين مابحكي 3159
قبل 4 سنه و 11 شهر



طيب اخوي الفتحتين اللي طرف الكبوت وش علاقتها بثلاجة المكينة معليش غشيم شوي ببعض الامور لكن شيكت عليها عندي وفيها مناديل مالقيت بوجي


up 1 down 0
جاسم 12 -250
قبل 4 سنه و 11 شهر



هذا عيب الفوردات 
ثلاجة المكينة والمكيف الحار 
عندي ماركيز اللغيت مكيف الحار 
والثلاجة كان فيها كسر من المكان اللي يركب عليه ليات 
المكيف وسكرته بمعجون حديد وبوجي وبعد سنه 
طاح البوجي ومادريت له وبهذلتني بالحرارة ومافيه 
شي ماغيرته واخر شي عرفت ان المشكلة من الثلاجة 
بعد ماخبطت المكينة !


up 1 down 0
w.asa 2028
قبل 4 سنه و 11 شهر



 شكلين مابحكي )

احترم رأيك لأكن ب العقل 

شُف اخونا w.asa نفس مشكلتي وراحت الثلاجه وانت تقول مالها شغل كيف مالها شغل انا أكلمك عَنِ واقع مريت فيه انا والأخ العزيز لاتسمع من الناس وتعطينا العلم الناقص خل الاخوان ينتبهون  
( لا تصدق) 
اي مكانيكي الا اذا تعرفه عز المعرفة


up 0 down 0
خالد--الحربي 195
قبل 4 سنه و 11 شهر



iadnuyh  

كلامك مضبوط , وازيد ان ثلاجة الفورد في قطع الغياره الجديده حديد مهي بلاستيك وسبق وغيرتها في سيارتي كراون فيكتوريا 2003 
ولي مكيف الحار مثل ماهو شد بلد لا قفلته ولا يحزنون


up 0 down 1
ابو فرهود 357
قبل 4 سنه و 11 شهر



طيب لي الحار له تأثير ابو فرهود يكتم المويه 


up 0 down 0
خالد--الحربي 195
قبل 4 سنه و 11 شهر



صح.   ماخربت ثلاجتي الا بعد البوجي.  قعد اشوف الحل ومريت موضوعك.  فعلا


up 1 down 0
عبدالله الشفيعي 1440
قبل 3 سنه و 8 شهر



انا خبطت مكينتي بسبه البوجي

قفلته وبعد سنه هرب ولا ادري عنه وغرق المكينه ماء


up 1 down 0
انت السبب_1 1
قبل 3 سنه و 7 شهر



والله ماخربت ثلاجتي الا بعد البوجي فعلا ولسا مركب ثلاجه


up 0 down 0
عبدالله الشفيعي 1440
قبل 3 سنه و 3 شهر