ازعاج المرواح ماركيز

اعتقد الرديتر عندك صغير 

على سرعة 120 المفروض تكون السياره مرتاحه والحراره بمستواها الطبيعي

لكن انت على 120 وتشتغل المراوح هذا يدل ان الحرار فوق المستوى الطبعي بشوي 

والمفروض صوت المراوح ما تسمعه الا لو كنت واقف لكن على سرعة وتسمع صوت المراوح

اكيد عندك مشكله او فيه ريشة من المروحه مكسورة عشان كذا المروحه مزعجه واكيد فيها هزه بعد

السيارة شكلها جاية من منطقه بارده في امريكا صح ؟

السياره امريكيه بس الحراره على النص طبيعي 

من قالك النصف طبيعي

الناس تفكيرها اي سيارة الحراره ما تعدت النصف خلاص طبيعي

لو طبيعي ما كان اشتغلت المراوح على اعلى سرعة حتى تطفيها

اكيد زايده عن الطبيعي شوي 

والدليل ان حساس الحراره مضبوط والمراوح ماهي مشبوكة دايركت

انها ما تشتغل الا بعد نصف ساعه من المشيء وتبقى معلقة

ولله ما اعرف شسالفه فيه ناس قالو ان القير اللي يحتر وغير المبرد لان حق الامريكي يجي صغير

القير يحتر تشتغل المراوح ؟؟؟

قلت لك الحراره عندك زايده شوي عن الطبيعي بلا قالوا بلا كلام فاضي

وممكن الرديتر عندك ماهو اصلي او حجمه اصغر شوي

توني شاري كابرس كان عليها رديتر صيني ونفس الكلام الحراره فوق الربع بشعره والمراوح معلقة عندي

ما تطفي حتى اطفي السياره وغيرت الرديتر اصلي الحراره نفس الشيء بالعداد

ولكن المراوح ما صارت تشتغل مثل اول

الله يعطيك العافيه بجرب اغير الرديتر 

غير الرديتر برديتر حق فورد سعودي سواء مستعمل او جديد وكاله او اردني المهم ركب حق السعودي 
لان الامريكي تجي طباته صغيره واقل من السعودي ولو سرعت ترتفع الحراره لان الرديتر مضغوط 
وصارت على سيارات كثيره جات من امريكا 
الحين نزل الرديتر وركب رديتر حق السعودي زي ماقلت لك واسال الناس وشوف افضل نوع وشوف حجمه لازم يكون كبير
ودق له مويه رديتر ميتسوبيشي او اي نوع يعجبك واوزن المويه وحط المقطر صح وحط بالقربه برضه وبعد يومين زود الرديتر والقربه
لان لازم تنقص المويه لان الرديتر ناشف بيتشبع بمويه الرديتر 
وباذن الله ماعاد تشوف او تعرف الحراره

احمد شريف

انا غيرت رديتر سيارتي بنفسي وكنت اشوف نقص - بين يوم ويوم وكنت ازود شكيت في نفسي ان ما زبطت الشغل لاكن الان الاوضاع مية مية توني اعرف ان لازم تعبي موية بعد يومين ^^>>> كنت شايل هم وبفتح الرديتر تاني مرة لاكن الموية اصلية حرام اخسرهاااا

جب قطعة الobd واشبكها لا اشتغلت المراوح شوف الحرارة كم واصله في البرنامج 

اذا بين ال90 وال 97 طبيعي والله فوق ال100 اعرف ان فيه مشكلة 

المراوح تشتغل على ال105 اذا ارتفعت اكثر من 105 تشتغل على السرعة العالية

يا احمد شريف ماعندك سالفة الفوردات شفنا وعندنا وملكنا سعودي وامريكي بمختلف الانواع كلها نفس مبرد القير والرديتر وكلام الشريطيه ذا اللي تقوله خلاص قديم والحرارة كلهم نفس البلف واصلا طريقة تبريد زيت قير الماركيز والفكتوريا من 2006 الى 2011 تم استحداث فكره جديده وتم وضع تبريد زيت القير اسفل رديتر الفريون
تقريبا 8 او 9 رصات من اسفل تكون مواجهه للهوائ والامريكي والسعودي كلها واحد ونفس الشيء

جاك مني العلم
رديتر الفورد امريكي سعودي هندي كلها واحد 
مايختلف مسمار الا بعض الاكسسورات والشكمان

المشكله اللي عندك
القير ترتفع حرارته ومعروفه هالمشكله بالموديلات 2006 2007 2008
ركب له مبرد قير
بس قبل كل حاجه شيك على حرارته 
واذا تبي تتاكد خل السياره شغاله وواقف بدون ماتمشي شوف ماراح تتشتغل على اعلى سرعه بس جرب تمشي فوق 100 لمده فتره وجيزه
تلقاها تشتغل و تعلق 

طبعا الموديلات الجديده يجي مبرد زيت القير برديتر المكيف من تحت ..
واعتقد فيه بلف حراره ولايتغير ..
اخبر واحد حصلت عنده نفس المشكله واضطر يغير رديتر جديد وانحلت مشكلته
بس تاكد قبل اي خطوه ولاتمشي بالسياره كثير والمروحه معلقه ممكن القير محتر فعلا وبعدها يودع

يالغالي صارت معي في الماركيز وتعبت معها ماخليت شيء 
واخر شيء جربت ابدل المراوح مع واحد من اخوياي 
ليومين واشوووف وسبحان الله بعد التبديل  اختفت الحنه 
من عندي وصارت في موتر خويي !!!!! وعلى طول التشاليح 
واخذ مروووحه نظيفه واركبها عندي والحمدلله لي ٣ سنوات والصوت
مختفي