سرقة علامة السيارات

بيني وبينك خربو الحدايق 
وكسرو اللمبات 
وكسرو الشجر
علامت موترك هذي يشلونه بكل سهوله

ايه تنسرق يمكن واحد ناقصه عنده ومر ع موترك وفكها وراح ترا بعض الناس كذا اذكر واحد ايام الثانويه
كان يدور جنط
لسيارته وكان غالي
راح للتشاليح الساعه
2 وحولها باللليل وفك جنط نفس جنط سيارته واخذه يوم قلت له حرام ليش كلها 500 ادفعها قال هذولي ياخذون الجنط بـ100 ويبيعونه 500 حلال فيهم
عموما اللي بقوله لك انتبه ترا بعض الناس يسرق اي شي اكواب الجنوط سبق وانسرقت من سيارتي رغم انها اكواب عاديه حقت جنوط الدمعه واحد من العيال برضه انسرقت اكواب اللنكون حقته بمواقف الجامعه الظاهر يبيلنا نكهرب السيارة والا نحط اسلاك شائكه :)
صرت تخاف توقفها وتروح لو دقيقه

لا تتنازل عن حقكك امام الله سبحانه و ادع على ذا السارق الله 
يقطع وجهه

شي عجيب صراحة. اشياء غير مكلفة ومع هذا تسرق. يسرقونها وكان الموضوع هين!
يقول الله سبحانه وتعالى: {والسَّارقُ والسَّارقةُ فاقطعوا أيْدِيَهُما جزاءً بما كسبا نَكالاً من الله والله عزيزٌ حكيمٌ}
يخوان لا تستهينو بالسرقة. كل شخص عنده ذنوب فالافضل يزاحم الذنوب بالطاعات مو يزيد ذنوبه.
مجرد سؤال .. هل عندك استعداد اخي السارق ان تقابل ربك يوم القيامة وانت سارق؟ طبعا الاجابة لا وستستحرق نفسك.
فالافضل لاي شخص قد سرق .. ارجع ماسرقت او تصدق عن ما سرقت والله غفور رحيم.

و عليكم السلام و رحمة الله و بركاته
اذا علامات موترك عادية و موترك عادي
تخريب ليس الا
و اذا علامات موترك مرغوبة فسرقة
الله لا يوفقهم في كلا الحالتين

سرقه ماهي تخريب ي خوي انت مستغرب؟ شوف لما يصير حادث لواحد مزركش سيارته تحصل الاستيكرات تنسرق والله ياما سمعنا وهو استيكر

شوف بزران الحاره تلقاهم ملصقينها على السياكل 

والله صارت لي سرقوا عليا الطيس اللي تركب فالجنط ورحت الوكاله و120 ريال الحبه لكن م اسامح اللي سرقها وعوضي وعوضك عند الله .

يارجال زين انها وقفت على شعار ماسرق جنوط ولا كسر قزاز 

انصحك تغير موقف سيارتك 

تصدق مره انسرقت غطيان الصواميل الجنط ههه , بس وش نقول شي تافهه وينسرق بس زين جت على علامه مو يسرق سياره كلها

ي رجال يسرقون اي شئ
طيس
صواميل
علامات السيارات 
التمثال اللي بالمقدمة ( زي المرسيدس والسنتينال والكرسيدا )
العلامات الخلفية 
الستيكرات 
اللوحات 
اي شئ يمكن انتزاعه من السياره يسرقونه السرابيت 

يارجال انا انسرقت علي اكواب الجنوط ومشيتها المره الاولى

قلت يمكن كان محتاجهم 

وشريت اكواب ثانيه والقهر ما سرق الا 2 طيب انا وش اسوي

بالثنيتين الباقيات ههههههه

الله كريم خذت درس ما اوقف يم ذاك المكان الا والاكواب بالشنطة

الي يقهر يسرقون علامة السيارة بمفك ويجرحون الشنطة او الكبوت بالمفك واذا ما خرجت معاه كسرها 
حسبي الله ونعم الوكيل فيهم

انا بعد ماعينت الشعار الامامي مدري طايح ولا اغلب الظن مسروق