يا اهل الفورد يا اهل التوريس مهم جدا

لاحول ولاقوة الابالله يعني ماقنعتك حتى سرعه 175؟
اخوي انا مالي خبره
لكن نصيحة اخ ومحب
ولاتاخذها بمحمل شخصي
والله فرق 50 كيلو ماتسوى حياتك ماتقارن بـ عشر دقايق او حتى نصف ساعه تاخير

يالطيب لو تبي تبرمج وتفك فصله ووو الخ.  صحيح بتوصل فوق ال٢٠٠ لكن بقولك شي 


اذا سويت برمجه او فك بالفصله عند الورش او الكراجات ترا ماراح ترجع مثل وكالتها ولو تبي ترجعها مكلفه مكلفه. 

يعني لو رحت لواحد بورشه بيفكلك الفصله او بيبرمج الكمبيوتر اكيد بعد زمن بيأثر هذا الفعل بعدين ترجع تدور الوكاله

اذا تبي نصيحه خل الموتر وكاله على ماهو ونعمه ١٧٠ 

(وترا فيه ناس بالبيت ينتضرونك ) خليك من السرعه   
وشكرا

اكيد في اضرار على القير 

الفصله وضعت عشان القير وسرعة 175 هي المناسبة 

نفس الفصله على الاكسبدشن والf150 السعودي 

خذلك فورد ST طبلونها 280 وفلها

هذي مشكله الامريكي 

من عام الثمانينات و الفصلة على 175 ما تدري وش الغرض منها

يعني معقولة اكثر من 30 سنه ما عرفوا يطورونها

هي مافيها ضرر لو تفك الفصلة ابدا ولكن هم حاطينها أمان للركاب وليس للسيارة

قيور شركة فورد لاتتحمل السرعات العالية 
هم وضعوا الفصلة 175 لانهم اعرف بمدى تحمل قيورهم
لذلك اتركها وعود نفسك على هذي السرعة

الفيكتوريا والماركيز واللينكون
كذا واحد فكو الفصلة وصارت لهم مشاكل

فك الفصلة ماهو بعادي
لان فك الفصلة يتطلب عدة امور
برمجة تبديلات القير لازم تتغير توقيتها
حجم الكرونه لازم يتغير 

ابسط مثال
افتح باب فيكتوريا بوليسي وشوف كلمة AXLE بتلقى مكتوب تحتها Z5 طبلونه 220
افتح باب فيكتوريا عادي  وشوف كلمة AXLE بتلقى مكتوب تحتها C8 طبلونه 180

حتى البوليسي عليه مبردين قير مب واحد عشان يتحمل السرعات العالية 

السيارة ماهي رياضيه عشان تعدل عليها وتلعب فيها
تبي سرعة خذلك موتر رياضي

اما تشتري موتر عادي وتقول ليه مايسرع !!

هذي فورد عطتك سيارات رياضية
تورس شو
فوكس ST

اما تروس الامريكي تفصل على ١٧٥

ماقصر اخوي شاقح انا مستغرب اللي يبي طبلون الفورد 200 وعليها طيب ترا نعمه ان القير يوصلك
170
وبعد الضغط على 2
شي جميل صراحة
تفك الفصله وتجهد القير ليه

اناا فاااك الفصله بالجمس ولا جاني ضرر ولي حول خمس سنين  .. 

اذا فكيتهً
قول ع القير السلام
والمكينه ابشر بنقص الزيت

معاي. تورس لمتد تفصل ٢١٠.
فصلة وكتلتها. ،،. بس ما ذكرت لنا هل هي دفع رباعي او امامي. لان الامامي. يمشي اكثر من الرباعي

الاخ اللي فوق يقول الاكسبدشن يفصل على 175 خطأ معنا واحد سعودي 11 يمشي ماشاء الله 200 وكاله واما الماركيز حقي امريكي 11 زي ماهو معروف الفورد يفصل على 180 واعرف راعين فوردات فاكين الفصله ماجاهم شيء طبعاً بالنسبة للقير وذا حتى بدون مايركبون مبرد قير ثاني لانهم مايجلدون الموتر ودايم يسرعون عليه اما اللي بيجلده ابد يفك الفصله ومبرد قير ثاني والله يستر عليه

شكرا لكم جميعاَ على الافاده

بس للمعلومية السياره دفع امامي والمشكله انا نفس سيارتي سعودي تمشي اكثر من 175 ...


وشكراً لكم على النصائح يا شباب بس للضروره احكام

السعودي يفصل على ٢٠٠ والأمريكي يفصل على ١٧٥ 
مافي ضرر على القير لان قير التورس ٦ غيارات ويتحمل لو يمشي ٢٦٠