أضف سؤال أو موضوع جديد          

زيت موتر كرافت ارتفع سعره او انضحك علي

up 2 down 2
أبو منصـور.. 35
قبل 5 سنه و 7 شهر



السلام عليكم ورحمة الله وبركاته 
اسعد الله اوقاتكم بكل خير .. يااخوان اتمنى تفيدوني بسعر الزيت موتر كرافت 10 - 30
لان اللي اعرفه من توكيلات الجزيره سعر العلبه تقريبا 20 ريال 
وانا اتعامل مع مؤسسة الثمالي بالطايف وكيل معتمد واخذها من عنده ب 17 ريال 
اللي حصل جيت للبنشر بيوم الجمعه مضطر اغير الزيت .. سالته عندك موتر كرافت
10 -30 قال موجود .. طيب بكم قال ب 25 ريال للعلبه ؟؟ 
قلت تمزح انت قال والله هذا سعره ..  قلت له قفل الكبوت تبي تضحك علي انت ؟
المهم وسافرت لجده على نفس الزيت ورجعت وهي بخاطري .. ماسكه معاي هالبنشري 
والله واروح اليوم لتوكيلات الجزيره اسال عن سعر الزيت قالوا ب 21 ريال للعلبه؟
انا هنا دخل الشك براسي .. واروح اسال عن سعر الزيت عند الثمالي قال ب 15 ريال 
واشتريت منه 6 علب مع سيفون واخذت فاتوره
واروح للبنشري قلت له شوف بكم العلبه والرجال تلخبط .. قال ياخي الموزع معطينا بهالسعر 
ومن هالحكي . قلت وانت تطلعها من ظهورنا ؟ ان كان توكيلات الجزيره تبيعه ب 21 
وانت هنا شاطح ب 25 ريال 
بالاخير جاني واخذ العلبه قال هذا مغشوش اللي معك .!
قلت شلون مغشوش وانا ماخذه من وكيل معتمد 
الفرق طلع بين اللي معاي ومعاه .. اللي معاي تحت العلبه مكتوب f30
واللي معاه مكتوب f10
هنا تلخبطت انا ، بس قلت ياولد خلك واثق وخش بعينه 
حتى هو ارتبك بالاساس وقال بشوف واتاكد من الموزع .
الحين يا اخوان وش معاناتها هذي f10 و f30 ؟
هل انضحك علي والا سعره كذا ب 15 ريال 
وعلى فكره اللي زاد الشك فيني يوم كلمت الفلبيني اللي بالثمالي قلت له ليش انتوا 
ب 15 و الجزيره ب 21 . فرق 6 ريال !
قال حنا ارخص من الجزيره وكذا . سالته هل هو اصلي 
قال اي اصلي حنا وكيل الجزيره ، هنا شكيت بالوضع 
بس بالنهايه شريت من عنده .. وجيتكم هنا قبل اغير للسياره تعلموني وش الوضع 
طولت عليكم بس والله محتار وخايف بنفس الوقت اغير زيت ملعوب فيه 
لان بالسعر فرق كبير مع العلم انه نفس الثمالي كنت اشتري منه العلبه ب 17
واليوم ب 15 ، ياليت تفيدوني باللي قاعد يحصل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يسعدكم جميع 
وماقصرتوا ، على المشاركه 
يا أخوان ، نقطة الخلاف مو على مكسب البنشري .. بالعكس من ابسط حقوقه يكسب وهذا حق شغله 
بس المشكله تفاوت الاسعار ، يعني سالفة انه ياخذ على العلبه مكسب 10 ريال ؟ 
انا ما احسده في رزقه ، بس ياخي طلع مكسبك بشي معقول مو تكسر ظهري وتضحك علي وتقول ابي اطلع 
ايجار محل وشغل يدي !
وبالنسبه لـ لائحة الاسعار ، صحيح شفتها وسالت البنشري قلت له من حط هالاسعار 
قال وزارة التجاره . وكان صريح معاي قال انا انزلها من الموزع ب 10 ريال .. ويبيع العلبه ب 17 ريال 
وهذا من حقه ، بس بصراحه الفتره الاخيره شفت فيه فرق كبير بالاسعار 
وشوركم وهداية الله .. من الحين ورايح بتعامل بالكرتون افضل وأوثق 
يعطيكم العافيه ياشباب ، استفدت منكم للامانه .


up 0 down 0
أبو منصـور.. 35
قبل 5 سنه و 7 شهر



وكان نفسي اعطي كل واحد فيكم ، لايك 
بس للاسف .. النقاط اللي عندي ماوصلت للحد المطلوب ان اقيم الموضوع او العضو 
موفقين ان شاءالله ..


up 0 down 0
أبو منصـور.. 35
قبل 5 سنه و 7 شهر