أضف سؤال أو موضوع جديد          

مقبل على شراء فورد فكتوريا بوليسي

up 4 down 3
fahad alzhrani 144
قبل 5 سنه و 6 شهر



 السلام عليكم ورحمة الله وبركاته 
أخواني انا مالك هيونداي سوناتا 2007 والحمد لله  مريحتني قطع وسواقه 
 بس جا الوقت  اللي ا عطي فيه  اخوي السياره 
واشوف سياره تمشي الحال  قطعها وسواقتها  تكون مريحه 
وطاحت عيني على الفكتوريا 
 وبالتحديد البلوليسي  2003 - 2004
 واغلبه يكون  مرشوش  ونادر ما يكون في شي نظيف 

 تنصحوني  فيه وكم  يسوى تقريبا 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم اخوي معي فورد 2008 سعودي استاندر 
مايفرق عن البوليسي في شي غير 1 الكارونه حقت البوليسي تتحمل لسرعة 220
2.. عداده 220 بعكس العايدي 180
اللي معي عداده 180 فقط ولكن عزم قوي جدا وقلبت شكله خارجي بوليسي ولو نفترض انك اخذت عادي راح يجيك انظف  
يمديك تفك الفصله وتقلبه خارجي بوليسي في النهايه بيعطيك القوه اللي تحتاجها والعزم بعد.. والفورد معروف مكده وحق خطوط  
وفي الهايه ابدا ما انصحك بالبوليسي لانك بتاخذه مكروف وغير كذا السرعه مافيها خير وانا اخوك وبالتوفيق 


up 13 down 1
nawaf-55 76
قبل 5 سنه و 6 شهر



لو تاخذ من الموديلات القريبة
٢٠٠٥ وتحت اذا مالقيت نظيف بيكرهك شي اسمه فورد


up 2 down 0
كورلاوي 67
قبل 5 سنه و 6 شهر



 امسك الطاره زين ترا الفورد يلفلف على كيفه 


up 8 down 2
رابح 337 107
قبل 5 سنه و 6 شهر



جمل الله حالكم والله هذه المشكله وين النظيف
 


up 0 down 1
fahad alzhrani 144
قبل 5 سنه و 6 شهر



مافي نظيف يافهد 

آخر أيام النظيف في العام اللي منع استيراد السيارات 


خلاص بح .......

مامعك إلا الإمارات وبطاقة سكانيه إذا فلوسك قليله جدا 

أو تشتري جديد بما يناسب وضعك المادي 
حفاظا على وقتك ودراهمك 




النظيف بالسعوديه يابطاقة جمركية 
او سياره مطلعها شخص وكاله وتعرفه انت شخصيا 
أو موتر عمره سنه او سنتين 

مع الحرص التام والفحص الفائق والشديد عن الشراء 

السيارة المستعملة بالشرق الأوسط من اسواء السيارآت

الوكالات تسوي صيانه صاحيه 

لا مستهلك يستخدم زيوت جيده الا نادرا 
ولا شوارع تساعد ع المحافظه 

لا ورش صاحيه 


up 2 down 2
مدرس عاطل -4
قبل 5 سنه و 6 شهر



عادي اخوي وانا كنت بشتري زيك لكن اهم شيء تاخذ مخزنات في نظاف ماشيات قليل وبعضهن ماعدا حتى 70 الف زي حقات الادلة الجنائيه اهم شيء افحص زين وسقه وجربه وادعس عليه وتاكد منه اذا هو فورد صاحي او لا واذا كان طيب خذه وهو احسن من العادي شكل وقوة وتحمل مع ان العادي مايقصر وكذلك اقل ممشى لان زي ماذكرت بعضها مخزن ونسبة نظافة مكاينها في التسعينات


up 1 down 1
فيصل طلال... 151
قبل 5 سنه و 6 شهر



اما عن السعر حسب الممشى والنظافة واذا حكومي او لا والاغلب اللي بتلقاه حكومي وبسبب قلة ممشى اغلبها فاسعارها في ال23 كذا


up 1 down 0
فيصل طلال... 151
قبل 5 سنه و 6 شهر



الفورد دايم مشاكله الكهربه تاكد من الظفيرة اذا نظيفة تمام واذا سمعة صوت تكايت البلوف انحش عنه وان شاء الله
 تحصل نظيف.


up 0 down 2
متعب2300 572
قبل 5 سنه و 6 شهر



 الله يجزاكم بالخير  استفدت منكم 

 حصلت مرشوش وماشي 150 فيه مشكلتين 
الكيف دفعه خفيف يقول من المروحه او الثلاجه 
فيه صوت ورى يقول انه رمان   وخايف بيطلع بالكرونه 
 وحاده عليه 24500



up 1 down 0
fahad alzhrani 144
قبل 5 سنه و 6 شهر



اخوي فهد الفورد البوليسي اصحابه رافعين سعره والفروقات اللي فيه ما تستاهل 
بالعكس لو تاخذ فل اشوف افضل حتى البوليسي ما فيه اي مواصفات داخليه راح تطفش وانت سايقه 
انصحك تردو على نظيف اذا لقيت ولا تحصر نفسك بفئة البوليسي 
والفورد اللي انت حصلته سعره جدا غالي 


up 2 down 0
bafaba 359
قبل 5 سنه و 6 شهر



 جمل الله جالك مشكور حبيبي ودي قيمتك بس  التقييم وصل حده 

 وفعلا هذا  اللي خايف منه اخذخه واخر شي يطلع زيه زي  العادي  فرق ما يستاهل


up 2 down 1
fahad alzhrani 144
قبل 5 سنه و 6 شهر



اذا ماحصلت فورد فكتوريا انا انصحك كمان بالماركيز نفس المكينة ونفس القير ونفس الشكل بس افخم شوية 
مجرد اقتراح ..


up 0 down 0
كلاسيكي1 -46
قبل 5 سنه و 6 شهر



وترى اسعار الفكتوريا والماركيز غالية وبعضها مبالغ فيه بسبب توقف تصنيعه عام 2011
وتخيل موديل 2011 ينباع بحدود 60 - 50 الف واذا مانقطع كان تحصله حدود 35


up 1 down 0
كلاسيكي1 -46
قبل 5 سنه و 6 شهر



نصيحة الفورد العايدي لاتفك الفصلة 
انا كان معي واحد ومن خذيته مافيه فصلة ومستانس 
امشي عليه تحت الميتين لين ماضرب علي القير لان قيرها 4 غيارات ومايتحمل تمشي عليه تحت الفصلة 

وبلشت فيها وضبت قيرها وبعتها ف نصيحا لاتفك الفصلة 

هاذا الكلام للفورد العايدي البلوسي مدري عنه 


up 1 down 0
عبدالعزيز العنزي40 21
قبل 5 سنه و 6 شهر



 مشكورين  والله يجزاكم بالخير اخواني

 استفدت  من كل كلمه  اللي باخذه بوليسي بحت وبتأكد منه بعد



up 1 down 0
fahad alzhrani 144
قبل 5 سنه و 6 شهر



تقدر تتأكد ان كان بوليسي ولا عادي عن طريق رقم الشاصي
البوليسي يجيك عليه رقم 71 بعد حرف P
مثال : XXXP71XXXXXXXX
والعادي أو الستاندر يجيك رقم P72 ، والسبورت P73 ، والفل P74

بالتوفيق


up 0 down 0
Abu-Saad-212 387
قبل 5 سنه و 5 شهر