مقبل على شراء فورد فكتوريا بوليسي

السلام عليكم اخوي معي فورد 2008 سعودي استاندر 
مايفرق عن البوليسي في شي غير 1 الكارونه حقت البوليسي تتحمل لسرعة 220
2.. عداده 220 بعكس العايدي 180
اللي معي عداده 180 فقط ولكن عزم قوي جدا وقلبت شكله خارجي بوليسي ولو نفترض انك اخذت عادي راح يجيك انظف  
يمديك تفك الفصله وتقلبه خارجي بوليسي في النهايه بيعطيك القوه اللي تحتاجها والعزم بعد.. والفورد معروف مكده وحق خطوط  
وفي الهايه ابدا ما انصحك بالبوليسي لانك بتاخذه مكروف وغير كذا السرعه مافيها خير وانا اخوك وبالتوفيق 

لو تاخذ من الموديلات القريبة
٢٠٠٥ وتحت اذا مالقيت نظيف بيكرهك شي اسمه فورد

 امسك الطاره زين ترا الفورد يلفلف على كيفه 

جمل الله حالكم والله هذه المشكله وين النظيف
 

مافي نظيف يافهد 

آخر أيام النظيف في العام اللي منع استيراد السيارات 


خلاص بح .......

مامعك إلا الإمارات وبطاقة سكانيه إذا فلوسك قليله جدا 

أو تشتري جديد بما يناسب وضعك المادي 
حفاظا على وقتك ودراهمك 




النظيف بالسعوديه يابطاقة جمركية 
او سياره مطلعها شخص وكاله وتعرفه انت شخصيا 
أو موتر عمره سنه او سنتين 

مع الحرص التام والفحص الفائق والشديد عن الشراء 

السيارة المستعملة بالشرق الأوسط من اسواء السيارآت

الوكالات تسوي صيانه صاحيه 

لا مستهلك يستخدم زيوت جيده الا نادرا 
ولا شوارع تساعد ع المحافظه 

لا ورش صاحيه 

عادي اخوي وانا كنت بشتري زيك لكن اهم شيء تاخذ مخزنات في نظاف ماشيات قليل وبعضهن ماعدا حتى 70 الف زي حقات الادلة الجنائيه اهم شيء افحص زين وسقه وجربه وادعس عليه وتاكد منه اذا هو فورد صاحي او لا واذا كان طيب خذه وهو احسن من العادي شكل وقوة وتحمل مع ان العادي مايقصر وكذلك اقل ممشى لان زي ماذكرت بعضها مخزن ونسبة نظافة مكاينها في التسعينات

اما عن السعر حسب الممشى والنظافة واذا حكومي او لا والاغلب اللي بتلقاه حكومي وبسبب قلة ممشى اغلبها فاسعارها في ال23 كذا

الفورد دايم مشاكله الكهربه تاكد من الظفيرة اذا نظيفة تمام واذا سمعة صوت تكايت البلوف انحش عنه وان شاء الله
 تحصل نظيف.

 الله يجزاكم بالخير  استفدت منكم 

 حصلت مرشوش وماشي 150 فيه مشكلتين 
الكيف دفعه خفيف يقول من المروحه او الثلاجه 
فيه صوت ورى يقول انه رمان   وخايف بيطلع بالكرونه 
 وحاده عليه 24500

اخوي فهد الفورد البوليسي اصحابه رافعين سعره والفروقات اللي فيه ما تستاهل 
بالعكس لو تاخذ فل اشوف افضل حتى البوليسي ما فيه اي مواصفات داخليه راح تطفش وانت سايقه 
انصحك تردو على نظيف اذا لقيت ولا تحصر نفسك بفئة البوليسي 
والفورد اللي انت حصلته سعره جدا غالي 

 جمل الله جالك مشكور حبيبي ودي قيمتك بس  التقييم وصل حده 

 وفعلا هذا  اللي خايف منه اخذخه واخر شي يطلع زيه زي  العادي  فرق ما يستاهل

اذا ماحصلت فورد فكتوريا انا انصحك كمان بالماركيز نفس المكينة ونفس القير ونفس الشكل بس افخم شوية 
مجرد اقتراح ..

وترى اسعار الفكتوريا والماركيز غالية وبعضها مبالغ فيه بسبب توقف تصنيعه عام 2011
وتخيل موديل 2011 ينباع بحدود 60 - 50 الف واذا مانقطع كان تحصله حدود 35

نصيحة الفورد العايدي لاتفك الفصلة 
انا كان معي واحد ومن خذيته مافيه فصلة ومستانس 
امشي عليه تحت الميتين لين ماضرب علي القير لان قيرها 4 غيارات ومايتحمل تمشي عليه تحت الفصلة 

وبلشت فيها وضبت قيرها وبعتها ف نصيحا لاتفك الفصلة 

هاذا الكلام للفورد العايدي البلوسي مدري عنه 

 مشكورين  والله يجزاكم بالخير اخواني

 استفدت  من كل كلمه  اللي باخذه بوليسي بحت وبتأكد منه بعد

تقدر تتأكد ان كان بوليسي ولا عادي عن طريق رقم الشاصي
البوليسي يجيك عليه رقم 71 بعد حرف P
مثال : XXXP71XXXXXXXX
والعادي أو الستاندر يجيك رقم P72 ، والسبورت P73 ، والفل P74

بالتوفيق