أضف سؤال أو موضوع جديد          

الله لا يوفقه كان بينضحك عليا

up 13 down 9
abo shojon -39
قبل 6 سنه و 9 شهر



السلام عليكم ورحمة الله وبركاته 
صباح / مساء الخير للجميع 
حبيت اشاركم بمضوع صارلي مع شخص بدون ضمير
حصلت اعلان بالموقع لفورد فكتوريا 2006 فل كامل استخدام 
المهم انا وقتها خش مزاجي الفورد لان في الصور شفته نظيف الصراحة من بودي وداخليه...الخ
المهم تواصلت مع الرجال وتقابلنا وشفت السياره وحبيتها بس المشكله عندي ويمكن عند اكثر الناس (الثقة العمياء)
المهم اتفقنا على سعر معين( كان في نظري طيب وفي نظر الشريطيه غالي) 
عطيته مبدئيا عربون 2000 ريال لاني كنت خلاص ميت فيها شرراي شرراي
وقلت له عطني وقت لين اخر الشهر اجمع فلوسي وابيع سيارتي واجيك 
قدر الله وبعت سيارتي الحبيبي وكملت فلوسي 
وتقابلنا انا والرجال عند المرور لاجراء الفحص وجبت واسطه وخلصت له الفحص وتم تسديد قسائمه 
ومن طرفي انا جددت الاستمارة مع العلم ان فلوس التجديد من عندي (قلت شرراي)
المهم خلصنا من المرور وقلنا يلا علي المعرض لكي تتم المكاتبه هناك وجهزت فلوسي وانا طاير من الفرحه قلت خلاص
الليله بتزين الفرره هههههههههه 
اخذت السياره طبعا انا اسوق ولحسن حظي كان اخوية يمشي خلفي بسيارته 
دق علي وقال لي ( فيه دخاااان ابيض كثيف من الشكمان) قلت معقوله وللمعلوميه ان الفحص طلع نسبه الماكينه 85 
وقفت على طول وانا ماني مصدق وقلت للرجال وهو معي راكب السياره مبوشه قال لي لا هذا مو تبويش هذي البخاخات يبي لها تنظيف يبغا يضحك علي
المهم قال لي خل السياره عندك وقلب على راحتك وانا والله باقي نفسي فيها
اخوي قال لي شم ريحه الزيت
طلع حاط زيت ستوب حق التبويش.
المهم اخوي حاول يقنعني ولله الحمد اقتنعت بان السياره لا تستحق الاقتناء
لما فيها من ما فيها غير ان المكيف عطلان
المهم نقطة التحول دببلت بنزين السياره طفت بعدها قلت والله العظيم ماعاد اركبها
ولله الحمد دقيت على الرجال وقلت له خلاص مافي نصيب 
تعال خذ سيارتك وعطني فلوسي السياره فيها تبويش
قال يصير خير هذا الكلام شهر 4 السنه الماضيه 
صرت ادق عليه يعطيني مشغول وما يرد اخر شي ارسلت له رساله قلت له الفلوس وسخ دنيا وانا ماراح تغنيني ولا تغنيك الفلوس ذي 
حقي اخذه منك يوم القيامه.
بعدها اخذت سياره كرت 2015 ولله الحمد


هذا الحاصل ولا تغترون مهما كانت السياره نظيفه واهم شي فحص الكمبيوتر ما يبين ان السياره فيها تبويش

اسف على الاطاله 
والسلام عليكم ورحمة الله وبركاته. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


على شحم بس..........


up 0 down 0
da7my1413 106
قبل 6 سنه و 9 شهر