استفسار بخصوص ثلاجه للتبريد

اذا بتخليها شغالة والسيارة طافية بعد فترة بتفضي بطارية السيارة وتراها تسحب كهرب كثير لان فيها مروحة لكن مادري كم تاخذ وتفرغ البطارية وغير مأمونة تتركها شغالة على طول بدون مراقية.

هي فيها مروحه بس تاخذ وقت طويل لجل تبرد

يعني الاحسن ما اخليها مشبوكه 
صح؟

نعم.
اذا بتطفي السيارة افصلها خصوصا اذا انت مش جالس في السيارة او بتطول طافي السيارة .
اهم شي انك ماتتركها والسيارة طافية ومقفلة.

ياغالي الثلاجات هذي تسحب بطاريه بشكل كبير
 مو بسبب المروحه السبب قطعة سراميك
صغيره داخلها اسمها (بلتيير) هي اللي تبرد
وتسحب واط عالي ..ثانيا الثلاجات حقت ساكو
 كلها صناعه صينيه عمرها الافتراضي قصير
لدرجة اني كنت اشتريها وعلى طول اغير البلتيير
تبعها بواحد صناعه امريكيه عمره اطول وواط اعلى

شكراً على الموضوع أولاً ..

وثانياً أرجو من الأخ / إبراهيم الغامدي إيضاح نوع الثلاجات الأفضل للاكسبدشن الله يجزاك خيرلأني من فتره أبي أشتري ثلاجه ومتخوف من أنها قد تسبب مشاكل كهربائيه وأرجو أيضاً إذا لديك نصائح أخرى أن توضحها لي وللجميع لتعم الفائده .
وجزاك الله خير الجزاء ....

سيارات امريكيه احترقت من شاحن مشبوك بالولاعه والسياره طافيه كيف عاد ثلاجه ؟ لاتشغلها الا وانت تحتاجها غير كذا افصلها

يا غالي اعتقد اللي عندك تبريد يعني مروحه ,هذا النوع ما يسحب كهرباء ,بس الاهم احرص انك تفتح النوافذ شي بيسط من شان التهويه , وهناك نوع اخر من الثلاجات ويوجد فيها كمبرسور يعني تثليج وتبريد مثل الموجودة عند السنيدي مثل ثلاجة البيت ,هذا النوع يسحب با الساعه 35 واط ,يعني اذا شبكتها على السيارة وشغلتها على اخر درجه اي تثليج ,لازم كل 6 ساعات تشغل السيارة اقل شي ربع ساعه , لكن انت شوف مواصفات الثلاجه عندك وشوف كم واط تسحب يعني 10W وهكذا ,اما الاحتراق ما فيه خوف لان راس سلك الثلاجه فيه فيوز , اما اذا اردت ان تشتري ثلاجة تثليج وتبريد اي كمبروسر فهنا يتم سحب سلك من البطاريه ديركت ووضع فيوز من عند البطاريه ,لكن على العموم ثلاجات التبريد لدى ساكو اي تبريد فقط غير عمليه ولا تقوم با الواجب 

تسلمو واشكركم على تجاوبكم استفيد من كلامكم اني اخليها بكهربة البيت ووقت السفريات او التماشي اشيلها واخليها على ولاعة السياره

ياخوي اعطيك اولا بالتفصيل :
الثلاجات عندك انواع 
1.ثلاجه بكمبريسور (تثليج ) كفاءه عاليه وتثليج زي المنزليه وطبعا سعرها غالي وافضل شي اعرفه اسمها (ويكو الطمره ) طبعا تشتغل على كهرباء المنزل والسياره وحجمها كبير شوي
2.ثلاجة غاز امونيا للكرفانات وتحتاج انبوبة غاز طبخ يعني بدون كهرباء وهذي نادرة 
3. ثلاجة بلتيير (اللي عند ساكو) كفاءه قليله درجة حرارتها (5+) اقل شئ يعني ماتجمد وحجمها صغير وسعرها يتراوح مابين 200 ل 400 وتسحب كهرباء وعمرها قصير