تركيب عدسات زنون على الفورد

في واحد باليوتيوب اسمه محمد الغامدي (المحترف) تلقاه حاط رقمه بالوصف حق الفيديو .هو خبير بالاشياء ذي  

مايرد علي  يارجال

والله ماعرف ياخوي لكن اسال الوكالة باذن الله يعرفون لها 

معروف اي زينون يجي معه ظفيرة خارجية وكتاوت
توصل بالبطارية.وتوصل باي فيش من افياش الوكالة
حق اللمبات لاستقبال اشارات عصا النور الداخلية (تشغيل-تكبيس-اطفاء)

ويطلع فيشين من الظفيرة الخارجية للمبات الزينون

يعني مامنها خطر ابد ولو صار ماس فيه كتاوت تفصل

اذا تحصل كهربائي فاهم ويحط فيوز يتحمل ويحترق اذا زاد الحمل مامن مشكلة ان شاء الله.

مع الاعتذار لصالحب الموضوع
انا شاري سيارة جديدة و مشكلتي ان ضوء الكشافات الامامي
ضعيف .. هل يوجد حل رخيص او لمبات معينه ممكن اركبها 

في واخد في الرياض في البديعه يشتغل في بيته وشغله ماشالله تبارك الله ممتاز

ارسلت له واحد من خوياني معاه فورد وركب عدسات هيلا ومحولات vxrاصلي ٣٥ ولمبات فيليبس وماشالله تبارك الله يفرش الخط من قوته

هذا رقمه وحسابه في الانستقرام ومعذرة اني حطيت رقمه ولكن لعلكم تستفيدو منه

0555166122
انستقرام YARUBCAR@

العدسات انواع
والراجح بالسوق الصينيه h1 وهي الغالب بالمبيعات
ولها ظفيره خاصه عشان العالي حق العدسه
ومقاس لمبتها h1 ع اسمها والمحولات يفضل 35 

معليش ماقريت الموضوع كامل
بالنسبه للكتاوت ماتقدر اساسا تشغل عالي العدسه بالا بالكتاوت 
لان فيش عالي العدسه يحتاج الكتاوت حقها او تدخل بالتوليفات
وكل شيء على حسب العدسه والشغل اللي تتطلبه 
اتكلم انا عن h1 
في واحد هنا يبيع شمعات من ترهيمه دوره 
ومانصحك تشتري عدسات لحالها خذلك وحده مرهمه ع يد واحد فنان
لان مو اي واحد يطبق وزنيتها صح ويطبق الشمعه صح 

من واقع تجربه بالعدسات 

اذا العدسه تجاريه ماتنفع بريال 

لان راح يحترق العاكس حق العدسه وراح يروح عليك النور ولايعطي اناره صاحيه زي الاصليه 

يعني خساير على قل سنع 

وجرب ماامنعك 

بس ماراح تستفيد شيء اذا ماهي اصليه 

شف اخوي فيه واحد اسمه ابو خلف هذا رقمه 0537938342
الرجال شغله نظيف وتخصصه فورد وخليته يزبط الانوار لسيارتي تاهو وايضا عندي فورد وسوالي ياها شغله نظيف ومضمون 
نجي للسؤال كيف طريقه تركيب الزينون 

فيه طريقتين 
الاوله انك تركبها مباشره بدون عدسات على اضاءه السياره مباشره وهذي تعطيك نور افضل من حق الوكاله لكن ما تعطيك اضاءه فعليه على الشارع يعني تجهر الناس على الفاضي
وهذي الطريقه ما تنفع للسيارات الي العالي والواطي فيهم نفس الشمعه لان الزينون خط واحد بس ما يجي خطين اذا كانت السياره شمعتين فيصير يركب العالي له شمعه زنون والواطي له شمعه

الطريقه الثانيه العدسات 

والطريقه ان الي يبي يركب العدسات يفك الشمعات حقت الوكاله ويفك القزازه الاماميه ويركب عدسه في مكان الشمعه وهنا نجي لنوعين من العدسات
عدسه عاديه وهي تعتبر خط واحد يا عالي يا واطي
عدسه خطين يسمونها (باي زينون ) وهي تسمح لك ان الزينون يكون عالي واطي في نفس الشمعه ولا تحتاج وقت للتسخين علشان تشتغل اللمبه وهي افضل شي حاليا
فيركب لك العدسه هذي في وسط الشمعه ويرجع يغري الشمعه 

طريقه التركيب والكهرباء

اي واحد يركب لك زينون بدون كتاوت اعرف انه مايفهم وبيحرق لك الكباس او الظفيره 
طبعا حسب كهرب السياره يتحمل كم واط اذا ركبت الظفيره مافيه مشكله 

الامن 35 واط اضاءه جيده 
صاحبنا الي عطيتك يركب 55 واط وجربتها ومتتازه مافيه منها مشاكل 
فيه 60 واط لكن ما يتحمل بعض شمعات السيارت هذي الحراره 
وفيه اكثر تذوب لك الشمعه مع حراره جونا او يحرق لك عاكس العدسه 

الي يركب زينون لازم يركب لك كتاوت مباشر من البطاريه ولا يتدخل في كهرباء الوكاله  فقط كهرب الوكاله ياخذ منه الاشاره شغل/طفي بس والكهرب من البطاريه مباشره
اهم شئ في الزينون المحولات لان هذي المحولات كل ما كانت افضل تطول في عمر اللمبات الافتراضيه وتعطيك اللون الصحيح افضل لك تاخذ دينسو او فيلبس او موريموتو او باناسونيك

اذا جيت تشتري لمبات زينون لازم تعرف ايش تبي

تبغى اضاءه كويسه في الطريق تطلب شمعات قوتها من 4300 حتى 4700 اللون اصفر قريب من الابيض (انصحك بها اذا همك تشوف الطريق)
تبغى اضاءه كويسه في الطريق مع شكل مميز تطلب شمعات قوتها 5000 يجي لونها ابيض كريستالي 
تبغى اضاءه متوسطه ويهمك اللون خذ شمعات 6000 يجي لونها ازرق وتراها سيئه الاضاءه في الطريق 

هذا مالدي من معلومات اتمنى اكون قد افدتك

يعطيكم العافية جميعاً ﻻهنتوا

Mrx15 كلامه عين الصواب وافادك جزاه الله خير
بس وين احصل عدسات هيلا الجيل الاخير وبكم اسعارها ابي طقم للكامري
2010 لقيتها ب حدود 500 ياليت احد يفيدني القى الارخص منها 

كلم الرجال الي حطيت رقمه فوق عنده كل انواع العدسات مقاس 2.5 ومقاس 3

الكتاوت يا طويل العمر مثل الsafety او الامان للكهرب يعني لو صار اي شي في الزينون راح يطفي على طول بدون ما يأثر على كهربة السيارة و بعدها بتبدل تقريبا راس الكتاوت ب 20 ريال او مبلغ قريب منه
هذا لو صار شي في الزينون لا سمح الله........لكن لو التركيب ممتاز و الكهربائي فاهم ما راح يكون في اي خطر بإذن الله