أضف سؤال أو موضوع جديد          

تجربة شراء زيت المكينة والسيفون من الوكالة

up 9 down 1
mmmohd 271
قبل 6 سنه و 4 شهر



السلام عليكم ورحمة الله وبركاته
كل عام وانتم بخير و عيد سعيد وتقبل الله طاعاتكم .
اليوم نويت اغير زيت المكينة و السيفون لسيارتي و لقطع الشك باليقين ذهبت للوكالة وسألت عن الزيت المستخدم عندهم طلع موتر كرافت  10w-30 هو اللي يستخدمونه من سنين و الموصى عليه من فورد لكل دول الخليج . 
ورحت لمندوب قطع الغيار وشريت زيت موتر كرافت 10w-30 تاريخ الانتاج 2015 امريكي SN زيت تخليقي .طبعا المندوب قال السيارة تاخذ 6 علب و ربع تقريبا مع السيفون ولهذا شريت 7 علب . و شريت سيفون اصلي امريكي . كل هذا طلع ب 125 ريال. وان شاء الله العصرية اروح اغير الزيت والسيفون للسيارة واعطيكم اخر الاخبار.
طبعا مذكور على غطاء المكينة انه الزيت 5w-20  ولكن فورد يقولون انه ماينفع الاجواء الحارة وللاستخدام اليومي ولاوقات طويلة لهذا المناسب هو 10w-30 .
الزيت هذا هو نفسه للفورد الكراون فكتوريا بانواعها وموديلاتها و للميركوري جراند ماركيز بانواعه وموديلاته ولللينكولن تاون كار بانواعه وموديلاته.
نسأل الله ان يوفقني لما هو فيه صالح لكم و في لخدمتكم.
اخوكم بوخالد -مملكة البحرين












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالتوفيق ان شاءالله وانابغير زيت موتري اليوم لاني طالع الاردن بعيد هناك 
وكل عام وانتو بخير 


up 0 down 9
جون سيلفر -187
قبل 6 سنه و 4 شهر



هالزيت من سنين استخدمه
معاي كرتون شاريه من الوكاله وكل ماغير فوكالة هونداي اخليهم يستخدمون هالزيت وادفع لهم قيمة التغيير والفلتر 

ماعاد اتعامل الا هالزيت


up 3 down 1
شويخ من أرض مكناس 2824
قبل 6 سنه و 4 شهر



شريته قبل اسبوعين 

و حطيت للاكسبدسشن و اللومينا 

ما أعجبني 

كنت أستخدم اي سي ديلكو كان افضل بصوت المكينه و الهدوء


up 2 down 3
ابرااهيم التركي 12
قبل 6 سنه و 4 شهر



زيت موتر كرافت ممتاز جدا نصف تخليقي واخر تصنيف
SN وقيمة العلبه في قطع الغيار المعتمده بـ ١٥ ريال

وتمت تجربته على سيارات غير فورد واثبت جدارته 
وانا احد مستخدميه من فتره طويله وانصح الجميع
بزيوت موتر كرافت بجميع لزوجاته 

والله يوفقك 

http://cutt.us/EO5oZ



up 1 down 0
عبدالله 711 791
قبل 6 سنه و 4 شهر



وعليكم السلام ورحمة الله وبركاته
تجربة موفقة
و نصيحتي لك..
اشتري كرتون 12 حبه من محلات الجمله ب 145 ريال يعني الحبه تصير ب12
و اشتري كرتون


up 1 down 0
الفارس المميز 2654
قبل 6 سنه و 4 شهر



واشتري كرتون فلتر ب150 ريال يعني الحبه ب12.5

سيارتك مثل سيارتي
تحتاج 6 علب زيت مع الفلتر و ليس 7 .. كلام الرجال غير سليم
انا دائما أغير مع الفلتر و ال6 علب كافيه جدا بالمقاس


بهذه الطريقة يصير حسابك:
6 × 12 = 72 ريال + 12.5 ريال فلتر =84.5 ريال

مقدار التوفير= 125 ريال انت شاريها من الوكيل - 84.5 ريال سعرها بالكرتون= 40 ريال


بالمناسبة..
ليس من المعقول أن تنتج الشركة سيارات خاصة بالشرق الأوسط بل بمواصفات خاصة بالسعودية و تنسى موضوع الزيت!!!!
الشركة كاتبة الزيت هو 5w-20 وهذا هو الأفضل للسيارة لكن الدرجة التي اخترتها أيضا مقبولة لذلك لا تخدعك الوكالة و تقول ان الزيت الموصى به للشرق الأوسط هو 10w-30 .. وهي تقول ذلك لأنه يظهر و الله أعلم بأن 5w-20 غالي على الشركة لذلك هي تريد التوفير.
وكيل جراند ماركيز السابق الحاج علي رضا كان يغير للسيارة 5w-20 و ليس كما تفعل التوكيلات


بالتوفيق يا حبيب


up 1 down 1
الفارس المميز 2654
قبل 6 سنه و 4 شهر



ترى موتور كرفت العلبه 945
وليست لتر
يعني اقل من اللتر بشوي
يعني السياره تاخذ 5 علب
لازم تضيف عليها نص علبه تصير 5 علب ونص لان العلبه اقل من لتر


up 0 down 0
شويخ من أرض مكناس 2824
قبل 6 سنه و 4 شهر



الفورد حقي ياخذ ست علب واشوف العيار مضبوط 

كيف ست علب وربع 


up 0 down 0
088mansour 799
قبل 6 سنه و 4 شهر



ريال بحريني 
ريال سعودي


up 0 down 1
زايد الشرقي 65
قبل 6 سنه و 4 شهر



ريال بحريني 
ريال سعودي


up 0 down 0
زايد الشرقي 65
قبل 6 سنه و 4 شهر



شكرا لك من تجاوب مع الموضوع وسيارتي هي موديل 2010 خليجي
الحمدلله غيرت الزيت و اخذت 6 علب وربع بالضبط مثل ماقال موظف الوكالة مع تغير السيفون
بالنسبة لنوع الزيت ومدة الاستهلاك وحتي نوع الصيانة المطلوبة في السيارة وحتى للتاكيد ممكن اللي لغته الانجليزية ممتازة يدخل ويتاكد من موقع فورد الشركة الام عن موضوع الزيت المناسب لجو الخليج الحار و طبيعه الارض واستخدام الشخص للسيارة
حتي انه انا لاحظت انهم يمتلكون جدولين للصيانة واحد للاستخدام العادي وفي جو معتدل يتم تغير الزيت كل (8 الاف ميل )  و الاخر للاستخدام الشاق والجو الحار وهو المناسب للخليج وهو موجود فيه ان يتم تغير الزيت كل  (5الاف ميل) . الوكالة تنصح بالتغير كل 8 الاف كيلو وهي ال5 الاف ميل مفس توصيات الشركة الام.



up 1 down 0
mmmohd 271
قبل 6 سنه و 4 شهر



اخوي صاحب الموضوع من قال لك لزوجه 20w5  غير مناسب لاجواء الشرق الاوسط 
هذا الكلام غير صحيح لان درجه حرارة المكينة الداخلية اضعاف حرارة الجو 
بعدين 10w30ثقيل على المكينة جربته على اكسبدشن ثقل وضعف في العزم وصرفيه 
عاليه بعدها حولت على 20w5 الحمد لله ارتحت وراح الثقل وضعف العزم 
نصيحه لوجه الله لا تغير زيت الا على المكتوب على غطاء الزيت المكينة 
اللي صنعها ادري فيها بعدين الزيت الثقيل يخرب عليك طرمبة الزيت وشكرا


up 0 down 2
aburakan9479 148
قبل 6 سنه و 4 شهر



يالطيب 6 علب مع سيفون من موتور كرافت
او زيت اخر خمسه ونص لان موتور اقل من لتر


up 0 down 0
أهل القلوب الرحيمة 1150
قبل 6 سنه و 4 شهر



للفكتوريا 6 علب من زيت موتوركرافت لانه اقل من اللتر 
واي زيت اخر لتر كامل يكون 5.7 لتر على حسب الكتالوج 



up 0 down 1
fx2y -207
قبل 6 سنه و 4 شهر



حسب الكتلوج للماركيز والفكتوريا
السيارة تحتاج 6 Quart لتعبئة الزيت
علبة موتوركرافت الواحدة حجمها 1 Quart 
بالتالي ستحتاج 6 علب موتور كرافت 


up 0 down 0
فورد530 1323
قبل 6 سنه و 4 شهر