ماسبب خفة طارة الفورد

انا اتوقع انه طبيعي مافيه شي وانت راح تتعود عليه مع الوقت 

اخوي رح لمحل هيدروليك وتاكد ان الدودة مشبوكة بالحساس حقها ماهو دايركت بعض الاحيان يخرب الحساس يلغونه ويشبكوه دايركت تكون خفيفة كل الوقت 

غير زيت دركسون عند محلات هيدوليك كان عندي ثقل موطبيعي بالدركسون وغيرت 
الزيت الحمد لله ضبط 
غير الزيت ممكن يكون الزيت رايح فيها اللزوجة 

الله يسعدكم يااخوان
راح اشيك واشوف ان شاءالله

كان عندي فورد سعودي2009 وكاله طارته ثقيله
بعد ماشريت استخدام امريكي طلعت طارته خفيفه

توقعي الكبير ان الامريكي طارته خفيفه والسعودي طارته ثقيله ها بالنسبه للمديلات الجديده 

انا عندي فورد 97 امريكي و طارته خفيفة و عندي كلشي تمام مافي مشاكل ما بعرف ليش 

واحد من الجماعه معاه مديل2000الطاره خفيفه حيل

طيب ذا الزين وش لك بالطاره الثقيله
عيش جو المرسيديس

معروف الفورد اذا مشيت كذا وحتى اسرعت تبدأ تخف طارته
عندي ماركيز 11 امريكي نص فل وجربت موتر واحد من اخوياي فكتوريا سعودي 12 طارته نفس ثقل طارتي .
وبعدين من يقولك طارة 2006 ثقيله خخخ بالعكس كل ماكان الموديل اجدد كانت الطارة اثقل وكل الفورد فالنهاية سوا .

فيصل طلال

الفوردات من اول مديل لا اخر
مانزلو عليها نظام اللي يخلي الطاره تثقل اذا اسرعت وتخف اذا مشيت بشويش

يا ثقيله ياخفيفه

بعض السيارات فيها نظام اذا اسرعت تصير ثقيله واذا هديت تصير خفيفة
وهذا هو المفروض يكون 

انا سقت اكثر من فورد وبموديلات مختلفة ، الامريكي دايم طارته خفيفة واخف من السعودي


لكن حتى السعودي وهو طارته ثقيلة يخوف في المنعطفات

بالتوفيق ، وموترك مافيه الا العافية لا تروح لهم يلعبون فيه وتخسر فلوسك ووقتك هذا الفرد من عرفته