أضف سؤال أو موضوع جديد          

شباب شريت جراند ماركيز

up 3 down 1
محمد ال سلمان 820
قبل 6 سنه و 5 شهر



السلام عليكم ورحمه الله وبركاته تقبل الله منا ومنكم صالح الاعمال انا ياخوان شريت جراند ماركيز ٢٠١١ قبل سبوع لاكن لافت انتباهي شيء هو ثقل في السياره المعروف عن الماركيز انه خفيف لدرجه اني ازيد ادعس على الاخير عشان يضبط العزم طبعا سقت حق اخوي ٢٠٠٨ كان اخف في العزم رحت الصناعيه قالوا نزيل لك دبه التلوث وناس قالوا كالتشات ناس قالوا قير احترت من الرغم ان تبديلاته الموتر سليمه لاكن الموتر فيه ثقل بالدعسه العزم لا درجه اني اشد الموتر مادري وش الحل ازيل دبه التلوث هل دبه التلوث له دخل بالموضوع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ما امداها دبات التلوث انعدمت 
موديل 2011 بدري حتى لو امريكي 

لو فرغتها بتندم بسبب الكربون و الازعاج و ممكن تصرف بنزين
اعتقد مشكلتك بعيده عن الدبات 
حساسات الشكمان تضعف العزم لكن تظهر لمبة cheek 
اعتقد تحتاج تغير بواجي و تتظف البخاخات و تغير فلتر البنزين 

و لو مره موسوس اكشف كمبيوتر ب 100 ريال و شوف


up 2 down 0
rraammooss 965
قبل 6 سنه و 5 شهر



اول شي الله يعطيك خيره ويكفيك شره ...

بالنسبه لدبات التلوث انا عندي فكتوريا 98 كل شي فيه بلد ودبات التلوث موجوده 
الى يومك هذا واذا ثقلت السياره نظفت الافياش والحساسات احيانا يظبط واحيانا اغير البواجي والصفايه كل سنه 

والان مبوش له سنه وعزمه ماساء الله اختلف شوي بس .


up 0 down 0
وسم 6wasm 1178
قبل 6 سنه و 5 شهر



عفوا : ماشاء الله


up 0 down 0
وسم 6wasm 1178
قبل 6 سنه و 5 شهر



غير جميع الفلاتر الموجودة عندك و زيت و بواجي و صفاية بنزين و بعدين احكم على السيارة ممكن راعيها الاول مو مغير شي 


up 0 down 0
001 يحيى الخطيب 136
قبل 6 سنه و 5 شهر



السيارة ماهي متعوده علي الدعس يمكن لاها فتره واقفه 
يبيلك تمسك بها خطوط بعدين تزبط ولاتنسي غير الفلاتر 
والله يعطيك خيرها ويكفيك شرها 


up 1 down 0
ابو ريم 42
قبل 6 سنه و 5 شهر



السياره ماله فتره مستورده ماشيء ٧٧ الف انا احترت السياره حتى صافيه لاكن الموتر ثقيل 


up 0 down 0
محمد ال سلمان 820
قبل 6 سنه و 5 شهر



يعطيك خيره ويكافيك شره قبل كل شي ثانيا سوليه تصفيه شامله تنظيف يخاخاه وتغيره طرمه وبواجي وحط دواب ستب مع البانزين وتوكل على الله ةان شاءالله الامور بتظبط


up 0 down 1
عاش بو علي 500
قبل 6 سنه و 5 شهر



صار معي بماركيز ٢٠٠٥ لكن اخف من كذا 
اولا القير الاتوماتيك العادة انه يضرب مرة وحدة خاصة الامريكي
من واقع تجربة
ثانيا مشكلة سيارتي وقتها طلعت من منظم الهواء
وتأكد تطلع عندك لمبة برتقالية على شكل مفتاح


up 0 down 1
أأبو نوااف 1641
قبل 6 سنه و 5 شهر



معي اكسبديشن بجدة فيه شوي تفتفه خصوصا بالليل

بمكه و الطايف مع الهدا ادعس كامل الدعشة صافي

بس بجدة شكله الرطوبة تأثر على حساس الايرماس هههههههههه 


up 0 down 0
ابرااهيم التركي 12
قبل 6 سنه و 5 شهر



ياصاحب الموضوع موترك مافيه إلا كل خير ولاتخلي احد يلعب عليك انا معي كراون فكتوريا ١١ طلعته وهو ماشي ٥٠ الف كيلو باقي جديد وخويي معاه ماركيز ٠٧ وماشي ٣٠٠ الف لكن طلع علي بفرق عمود تقريباً مع ان موتري نشيط وفيه عزم لكن الدعسه ثقيلة جداً يوم تدعس عليها بينما دعسة سيارته خفيفه مره ومجرب اكثر من ماركيز ٠٨ و٩٩ كلهم دعساتهم خفيفه بعكس ١١ والسبب في كونها مختلفه مدري وش هو 


up 0 down 0
c a p r i c e ss 258
قبل 6 سنه و 5 شهر



مدري وش الحل خوفي لايكون القير وش الفايده اذا سويت تصفيه بذيك السعر احصل السياره ماتغير فيها شيء لان ماعندي استعداد الخساير ان مشت معي ولابعتها مو معقوله ٢٠١١بثقل ذا 


up 0 down 0
محمد ال سلمان 820
قبل 6 سنه و 5 شهر



مقاس الدفرنس له دخل بعزم الموتر وقومته
انا معي كراون ٢٠١١ امريكي فل كامل مقاسه C8 يعني ٢،٧ وهذا اضعف رقم بس بالخط المكينه مريحه على سرعه عاليه يعني سرعة ١٤٠ يكون الضغط على ٢


up 0 down 0
عبدالرحمن النوفل 108
قبل 6 سنه و 4 شهر



لا تلعب في موترك مافيه شيء
انت بس امسك فيه خط مدة ساعه كذا نص ساعه على سرعة 120 عشان اذا كان فيه كربون يروح
وغير زيوته والشغلات الاستهلاكية هذي وامشي فيه بركادة على اساس انك تمرنه على سرعات عالية من الصفر الى 100 كذا وامش بهداوه يعني لا تدعس
وانا معي ماركيز زيك 11 امريكي
وبالعكس الثقل يدل على ان الموتر جديد وفيه رساوه وتذكر بعد يمكن يكون واقف كثير وماقد دعس الامريكي عليه ابد
ومبروك عليك والله يعطيك خيره ويكفيك شره
واخوك ماركيزه وش سعودي ولا امريكي
ترا رقم الكارونه له دخل شف الباب حق اخوك تحت كلمة alex وش مكتوب اذا زيك c8 فهو نفس كارونتك اللي هي اضعف كورونه


up 0 down 0
فيصل طلال... 151
قبل 6 سنه و 4 شهر



جزاك الله خير يافيصل انا الحين ماسك فيه خط غيرت الزيت وبواجي صفايه فرغت الدبه تلوث ان شاء الله يزين للعلم الموتر ماشيء ٧٧ الف كيلو 


up 0 down 0
محمد ال سلمان 820
قبل 6 سنه و 4 شهر




ًًًًً.     الموتر امريكي 


up 0 down 0
محمد ال سلمان 820
قبل 6 سنه و 4 شهر



الموتر ماتغير فيه شيء ولي لفت انتباهي ان في وحده من التبدديلات فيه تاخير


up 0 down 0
محمد ال سلمان 820
قبل 6 سنه و 4 شهر