أضف سؤال أو موضوع جديد          

خسرت 1200 ريال عشان مشكلة حرارة وبالاخير طلع حساس سعره 50ريا

up 18 down 13
eng.mob 127
قبل 6 سنه و 10 شهر



يا اخوان عندي فورد ٩٧ حرارته مولعه ومابقيت شي مهم الا سويته 
رديتر جديد وكلتش مروحه وخراطيش ودبابت جديده ولا كاني سويت شي مع الورش الحراميه عيال ال٦٦ ...... استغفر الله ماوده الواحد يسب ويغلط 
وبالاخير طلع حساس الحراره يعطي قرايه لامبير الحراره غلط 

الخلاصه من الموضوع 
افحص عند ورشه معروفه ومشهوره وثقه فحص كمبيوتر بميه وخمسين وريح راسك من اللفلفه عند السباكين وكل واحد يفتي من راسه 
الشي المهم الثاني ابدا باسهل الحلول واسهلها لحل مشكلة سيارتك وعادة الحلول تحصلها بأتفه الاشياء 

حبيت اسرد لكم اللي صار معي عشان تعم الفايده لكم 
وكل عام وانتم بخير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيه على الفائده



up 0 down 0
ألو مرحبا 1895
قبل 6 سنه و 10 شهر



شكرا. لافادتنا.   وموفق


up 0 down 0
sell 236
قبل 6 سنه و 10 شهر



دايما اذا جتك مشكله و الكهرب له علاقه سوي فحص كمبيوتر عشان تعرف هل للكهرب دخل او لا 


up 0 down 0
khalidoo 1167
قبل 6 سنه و 10 شهر



انا فحصت بلاش عند مركز السويلم بعد ميزان الهدى بجدة بين شارع شبك المطار وشارع الامير سلطان بن فهد فحص كمبيوتر وطلع له مشكلة فحص الظفيرة وكل الحساسات وغير الكمبيوتر حق السياره اخر شي ماطلعت مشكلة كهرباء خت سيارتي من غير مايطلب فلوس
واي سياره تجيه غالبا يفك الكمبيوتر ويطلب واحد يجيب له نفس الكمبيوتر ويجرب اذا فيه خلل او لا ممتازين وانيين بس انتبه لقير سيارتك اذا توماتيك لأنهم يخلونه يتكي ع الp


up 0 down 0
ibo3276 448
قبل 6 سنه و 10 شهر



هذا كلامهم اذا انحشر ولا لقى شي قال كمبيوتر مثل محل فحص رحت له بخصوص مشكلة طفيت السيارة اسمه المركز السعودي صناعية شبك المطار السيارة تطفي فجأة و اذا شغلتها تشتغل على طول من اول دقة و غلى كذا الحال فحص و حسيت انه من جمبها قلي كبيوتر طبعا انا فهمتها انها تصريفة كنا متفقين على 150 للفحص بعد ما خلص عطيته 50 ريال و مشيت ولا اتكلم المشكلة طلعت من حساسات الشكمان بعد ما رحت لواحد اسمه حسن عبدو خبير تعديل في جدة والحمدلله الادمي مع ان شغله تعديل لاكن ساعدني و صلح المشكلة لي ...هاذي مشكلة الكرايسلر اغلب الورش ما تفهم فيها


up 0 down 0
shadowz33 1098
قبل 6 سنه و 10 شهر



تعيش وتاكل غيرها يلاموخساره اعتبرها صيانه للموتر قدام حق خمس سنين


up 1 down 2
جون سيلفر -187
قبل 6 سنه و 10 شهر



هذي المشكلة ماتلقى ميكانيكي صادق معك ويخاف ربه الا قليل 
يوم تجي للورشه ياتلقاه مايعرف شي ويتعلم على سيارتك 
او تلقى مشكلتك بسيطه وماتسوى ويحاول يقنعك ان الشغله تطول وصعبه 
ويبي لها قطع ومن غير شغل اليد وهي ماتطول معه دقايق 
قبل يومين مغير مكينه لسيارتي وصارت تطفي وعيت تشتغل  الكهرب واصل 
بس يوم ابي اشغل مايوصل كهرب والعدادات والطرمبه ماتشتغل وكلن يفتي من عنده 
اللي يقول سويتش والثاني يقول ضفيره تحت الدركسون ويبي لها شغل ومطوله والمشكله
اللي اجيهم مراكز ومسوين فيها اللي فاهمين كل شي وهم ماغير مظبطين شكل المحل وشغل نصب 
على الخلق >> الوكاد اخر شي سحبتها لكهربائي باكستاني ورشته صغيره وظبط لي اياها
طلع سلك السلف مقطوع .. وماخذ مني ولا ريال 


up 0 down 0
w.asa 2028
قبل 6 سنه و 10 شهر



رحت أنا وخويي عنده جيب تماتيك القير خربان فيه صوت ويفصل وان شوف ذاك المحل اللي وش كبره بشارع الإسكان تصليح القيرات قال 
خلنا نشوفه قلت رح جينا عند الزلمه وان نفسي والله كعت قلت له نبيك تشوف ذا القير قال فحص بلكمبيوتر ب٣٠٠ريال قلت يبين الخراب ضحك 
بستهزاء وشموخ وقال لك شو مشترين هل جهاز ب٤٠٠٠٠
حتى نلعب سوني عليه قلت في خاطري والله تلعبون علينا قلت المهم يبين العله قال ايوو روح ادفع الفلوس في المكتب وتعال وأجرت الكمبيوتر تخصم من اجرت التصليح
اذا بتصلح عندنا دفعنا وجاء الفلبيني وشبك جهازه وقال خلوه ربع ساعة يتعرف الجهاز ونحن نطامر ساعة من يمينه وساعة من يساره وهو تقول يلعب لعبة الحنش هههههه وجاء المعلم وقعد هوياه يسولفون بلنقليزي 
وخويي يقول شوف العلم ويين وصل بعد كم سنة تصلح سيارتك من اليابان عن طريق الوتساب ههههههه ايام ماطلع الوتساب ههههههه تفاءل جدا 
المهم خلص وقال رحو للمكتب. شغل تحليل للفلوس واعطوهم التقرير تقل مستشفى وجينا قال المهندس الكبير هذ الخلل في القير قلت طيب لازم نفكه 
قلت وش الخلل قال طبعا بعد مناحلة ولف ودوران خلل كهرباي وخلل مكنيكي قلت أنا عارف انه به ذا الخلل بس حدده زيت ناقص ترس هلالة كاتاوت حساس 
رمان بطيخ اي شي قال المهم بيكلفك ٨٥٠٠ وضمان ستة شهور قلت لا هات ال٣٠٠ أنتم نصابين وارتفع الصوت وخويي 
راعي الوتساب يهديني ويوقول تعوذ من الشيطان يعني بتعرف احسن من الكمبيوتر خلاص عرفنا العلة مكنيكية وكهربائية قلت له بكيفك حبلك بقرنك 
قال أبشّرك سوو لي خصم ٢٥٠٠عناد في وحتى متتلوث سمعت المحل 
قلت له براحتك أنا بمشي وطلعت من الورشة وهو يقول افا عليك وذاك هو شانه بياكلوني بعيونهم اكل قلت يارجال ابعد والله وامد من الورشة مسافة ومااسمع 
الا صيحت ذاك الكفر والله وان خويي يقول اركب بطلنا فيهم 
هههههه فلم تركي وأركب معه وقلت له ٣٠٠ قال يارجال شغل أيدهم 
وتعبهم وخصم لي ١٠٠ ريال قلت مالت عليك وتركناهم الله يسامحهم ويهديهم


up 0 down 0
wasa33 40
قبل 6 سنه و 10 شهر



نفس الشي حصل معاي 4000 ريال النصابين


up 0 down 0
user1981
قبل 6 سنه و 10 شهر



اشكر كل من شارك ورد على موضوعي 
بفضل الله الحراره بعز الحر والظهر مع المكيف صارت ماتوصل النص حتى ماشاء الله تبارك الله 

الله يبعدنا وياكم عن شر النصابين وحرامية الورش ويكفينا شرهم 


up 0 down 2
eng.mob 127
قبل 6 سنه و 10 شهر