أضف سؤال أو موضوع جديد          

فورد كراون فكتوريا

up 3 down 0
الشيخ 60 169
قبل 8 سنه و 9 شهر



كل عام وانتم بخير وتقبل الله منا ومنكم صالح الأعمال 
اخواني لدي كراون فكتوريا موديل 2006 شريتها قبل 4 اشهر لولدي استخدام امريكي وماشاء الله تمام التمام بس ظهرت لي مشكلة الآن لها اكثر من اسبوع بالقير لما اجي اعشق القير ابي احطه بالدي يكون قوي مايتعشق بسهولة ولا شديت عليه عشق بس اسمع صوت طقه كانه انكسر به شي  مع انه اول زي الحلاوة يتعشق بسلاسة راح ولدي لكذا ورشه اللي يقول توضسب واللي مدري ويش ومن هالكلام الفاضي وقال له ميكانيكي به قطعة اسمها اصلاح  او حساس حق الفرامل يتغير ويرجع زي اول المعذرة طولت عليكم لاكن ابي اعرف وش ذا الخراب وكيف تصليحة يالغالين ولكم احلى دعوة بظهر الغيب يالحبايب اصحاب الفوردات







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابشر بالخير اتبع نصيحتي يمكن تفيدك اذا وقفت السياره حط القير على N واسحب جلنط ثم حط القير في p لانك الان ماسك القير على الفرامل لزم يطلع صووت وشف الفرق


up 0 down 0
البرنس 2006 2085
قبل 8 سنه و 9 شهر



لانك كنت تمسك الجلنط على p وهذااا غلط


up 0 down 0
البرنس 2006 2085
قبل 8 سنه و 9 شهر



ماقصرت يالبرنس بس انا فعلا امسك الجلنط على n وبعد كذا على ال p مااتوقع انه هذا السبب يالغالي  والله محتار


up 0 down 0
الشيخ 60 169
قبل 8 سنه و 9 شهر



ياخوي القير اذا تبديلاته سليمه فيعني انه سليم


ويمكن تكون المشكله يامن حساس مثل ماقالك الميكنيكي او قطعه انكسرت حقت عصى القير بسبب سوء الاستخدام


كانت معي تورس 2002 والقير حقها ارضي


كانت تعشق وكل بس بعد فتره صرت لمن احط القير من ال N ال R القير يعلق ولازم احاول كذا محاوله عشان يمسك في ال R


لفيت الوش كلهم يقولون توضيب


واخرتها لقيت حديده طويله مثل المسطره طالعه من عصى القير ومثبته في اصبع طالع من القير واللي ماسكها مسمار


وطلع المسمار مفكوك وعلى وشك انه ينكسر ومره يمسك ومره مايمسك


رحت غيرت المسمار ورجع القير تعشيقاته من ال N الى R خفيفه ومره وتشبك بسرعه


عشان كذه انا اتوقع المشكله عندك انه فيه حاجه مكسوره من عصى القير وموصله الى القير نفسه


لازم تفحص عند اكثر من ورشه وتااكد من عصى القير وحساساتها رغم اني متاكد انه فيه حاجه مكسوره وليست حساس دام يطلع صوت


فاكيد فيه شي رابط وصل بين عصى القير والقير نفسه مكسور


اما القير عندك سليم مره



اخوي عندي لك الحال
واللي يقولك توضيب استغفر الله حرامية
الزبده مشكلتك وحده من الثنتين اولا يا انك توقف السياره على دحديره او نزلة وتحطها في الدي وثم تمسك جلنط وبكذا السياره تتكي على القير ولما تجي تعشق يصير قوي ولما ينزل يطلع صوت او عندك حساس دعسه الفرامل اللي يفك قفل القير خربان



up 1 down 0
م.بن عبدالله 2027
قبل 8 سنه و 9 شهر



ونسيت اذكر لك اذا جيت تطفي السياره او توقفها حطها في N وثم اسحب جلنط عشان تتكي السياره على الجلنط وثم حطها في p هذي افضل طريقه


up 1 down 0
م.بن عبدالله 2027
قبل 8 سنه و 9 شهر



كل عام وانتم بخير ........ وان شاء الله تتصلح سيارة ولدك الله يحفضة لك ...


up 0 down 0
مستر بن . 10379
قبل 8 سنه و 9 شهر



تسلمون يالغالين وكل سنة وانتو طيبين بالنسبة للفورد يا اخ شاقح الغالي لما اعشق القير من p الى ال d يطلع زي ماتقول حاجة كسرتها احيانا واحيانا ماشاء الله يعشق بسلاسة مو طبيعية ومدري عن هالوالد معي هاوشته كثير بانه مايعرف يعشق زين الله يصلح لنا ولكم الذرية الصالحة كمان لما امشي بالسيارة تكون حنة السيارة قويو وارفع رجلي عن الدعسة يخف ضغط عداد الضغط ويعشق تما والله مدري يمكن رجلي انا اللي ثقيلة مو الولد 


up 0 down 0
الشيخ 60 169
قبل 8 سنه و 9 شهر



انت جربت تفحص عند اكثر من مكان ؟


بالنسبه للحنه فالقير هذي مشكله ثانيه غير مشكلة عصى القير !!!


يبيلك تشيك على حساست القير ولازم تسوي فحص كمبويتر لان مشكلت طلعت غير عصى القير


ابيك تطرح مشكلتك هنا لانه فيه ناس اخبر مني فالفورد


http://www.ford4arab.com/vb/f9/



السلام عليكم 
اخوي فيه تامين للفورد العصا ما تنزل الا لما تدعس فرامل اتوقع هذي المشكله عندك شيك على الفيوزات او الفرامل 


up 0 down 0
ابو همس201
قبل 5 سنه و 12 شهر