كيف احذف الموضوع

الفين وباقي تبي تشوف المشكله من وش عليك وعلى الوكاله 
حلل ضمان سيارتك اذا ماستفدت من الضمان على شغلات زي كذا 
على كذا ليه الواحد ياخذ سياره جديده ؟؟

الله يعينك يخوي وروح الوكاله 

تسلم على الرد ياغالي فعلا كلامك صحيح ومو مخليهم
بس كان ودي يفيدوني من له خبره
اذا طبيعي او سوء استخدام بخلي التشييك مع ال 8000
لان مالي خلق لهم وفوق كذا اقرب مركز يبعد 400 كيلو وتو جاي من سفر  :(

وقف وفض القير ثم اضغط هالزر بعدين عشق وامش
لاتشغله وانت ماشي لانك راح تفاجئ القير بتبديل مفاجئ  مثل الصدمه الكهربائيه فجسم الانسان

بخصوص ان ماعندك مركز صيانه الا بعد 400 كيلو

هذي الميزه الي كنت اتكلم عنها فتويوتا رغم ان ماعمري امتلكت تويوتا واكرهها
لكن ميزة تويوتا صيانه قطع غيار فكل مكان  رغم ان فيه خيارات افضل من تويوتا وبنفس السعر لكن الخدمه من صالح تويوتا

المشي على زر tow/hual مايضر 

لو تمسك به خط عادي
المشكله هي انك لما تضغطه وانت تمشي وتطفيه وتكرر العملية
وهو وظيفته يأخر التغيير ويحشر النمر لين يحس القير ان الموتر دفعه خفيف
يغير بعدها للنمرة الي بعدها ويرد نمره من نفسه متى ما احتاجت السيارة للعزم 

الزبده ان الكمبيوتر حس ان فيه شي مب طبيعي وحب يراجع نفسه 
هههههههههه تعبير بسيط بس ترا حقيقه فعلا 

اي حساس مثلا لو يخرب ولا ينفصل
كمبيوتر السيارة يعطي اشارات لكل الحساسات بأن فيه مشكله فتتعطل اغلب الحساسات وتتوقف عن العمل
حساس الاي بي اس وحساس التراكشن وحساس القير
لين تراجع المشكله وعشان ما تتفاقم ايضا 

قد خرب علي حساس الثروتل 
اشتغلت لمبة المكينة والتراكشن والاي بي اس والـ TOW/HUAL 
ومعد تستجيب الدعسه والفرامل

اللي حصل معك سببه ارتفاع درجة حرارة القيربوكس
انت ماشاء الله عليك كل ماشفتها هدت في طلعة تروح تضغط الزر ، حرام عليك
شي طبيعي انها تهدي لان في الخط المستقيم الحمل يكون موزع بانتظام على محوري السيارة الامامي والخلفي ، في الطلوع او النزول يختلف توزيع الاحمال على المحاور بالتالي في الطلوع الحمل او الثقل يكون اكثر على المحور الخلفي فيشكل قوة سحب تؤثر على المحرك فتضطر الى زيادة قوة المحرك لمواجهة قوة الجر
عموما الموضوع يطول شرحه
لكن الطريق بين الباحة والطائف لا يوجد به اي عقاب او طلعات قوية تستوجب ضغط الزر الموجود بعصا القيربوكس ، ماعدا في منطقة اسمها شمرخ ممكن هنا تثقل النمرة في الطلوع والنزول
اما غيرها لا ، واذا شفت طلعة وحسيت انها قوية زود دعستك شوي فقط عشان تاخذ نمرة 

وعلماً انه يوجد فرع لتوكيلات الجزيرة في الباحة 

^^^ صحيح كلام الاخ فورد530

صارت معي وكنت متابع حراره القير في شاشه المعلومات ترتفع وترفع معها حراره المكينه
وبعدين فضى القير و وقفت طلعت برا الطريق وفتحت الكبوت حوالي ربع ساعه ونزلت الحراره ومشيت طبيعى +1 لايك للجميع

الله يعطيكم العافيه صراحه كلامكم ريحني
ودام الباحه فيها فرع لتوكيلات الجزيرة شي طيب قريبا مننا الباحه
وودي اعطيكم لايك بس الظاهر يبي لي نقاط 

أخوي هذا شيء طبيعي وخاصه إذا كانت السياره جديده
أنا معاي اكسبدشن ليمتد 2014 ماشي 3000 وتوني جاي من أبها قبل يومين ماشاءالله تبارك الله غير فكرتي عن عدم إستخدامي له من فتره وكان كل اعتمادي على الجموس
سيدي الفاضل أدخل على موقع فورد العربيه وستقرأ مواضيع كثيره من أناس حدث لهم ماحدث معك بالضبط
وآخر موضوع قرأته عن الاكسبدشن مع شخص مسافر الى الرياض وبعد ماتجاوز الطائف في طريقه للرياض ومعه عائلته طفت عليه السياره فجأه وحاول يشغلها مره أخرى ولم تعمل معه
وبعد يأسه وأخذه وقت أكثر من ربع ساعه يفكر في حل قال أجرب وأشغلها والمفاجأه إشتغلت طبيعي ولا كأنه حدث شيئاً معه ووصل الرياض وكتب موضوعه للنقاش في منتدى فورد العربيه وكانت أغلب الردود عليه أن إختلاف درجة حرارة الطائف وخروجه لطريق الرياض إختلفت على السياره ولم تتعرف عليها فأخذت الوقت الكافي ليتعرف عليها الكمبيوتر .

فلم هندي صح هههههههههه

أؤكد لك إني قرأت هذه الردود ولم أقتنع للآن
ويمكن عشان أنا كبير سن وعقليتي قديمه ماني راضي أقتنع إن السياره تتعرف على أسلوب قيادتك وتاخذ وقت لذلك
وأيضا تتعرف على إختلاف الأجواء لتتكيف عليها ويمكن تطفي لدقائق ومِن ثَم تعمل مره أخرى
لكن كل شي جائز في وقتنا الحالي ....
كما ذكرت لك ياطيّب أدخل موقع فورد العربيه كلّه شباب مستخدمين لسيارات فورد بأنواعها ومن أبناء البلد وكلٌ منهم يحكي تجربته فتأكد بأنك ستستفيد بما أنك تمتلك فورد .