دلوني على ورشه بالرياض

الله يرحم والديكم
تكفوووووووووووووون
لايكات ابغا انزل موضوع لخدمة والدي

و عليكم السلام و الرحمه
وش مشكلة مكيف سيارتك بالضبط ؟

ياسر اسلوب انك ترد على كل موضوع اول واحد
و تبي لايكات بينعكس ديسلايكات
كنك قطعت سالفة راعي الموضوع
انتظر الى كم رد بعدين اعطي رايك و اطلب لايك ان ما جاك على رد
انا لي سنة و نص بالمنتدى ما نزلت و لا موضوع 
و الحمدلله مجموع نقاطي هذا من الردود فقط

حياك الله ابو نجوى 

مشكلة المكيف عندي اني اعبيه فريون ويشتغل تمام وبعد ساعات معدوده يرجع حار أعتقد تنسيم في الفريون
لكن حقين الصناعيه انت خابرهم ما قصروا فيني يقولك الكمبرسر خربان والثلاجه مخرومه والمواصير يبيلها تغيير
وما خلوا عيب إلا قالوه وهذا شي غير معقول ان كل هالخرابات تجي بوقت واحد

فعلا .. المكيف يبي له فني محترف بنتظار تجارب الاخوان

وعليكم السلام ورحمة الله وبركاته

الفريون اكيد فيه تهريب ولكن ما يوضح مكانه

روح محلات متخصصه مكيفات حقين بيع قطع الغيار الزيوت يعني

فيه عندهم محلول اعتقد لونه ازرق عشان يوضح لك مكان التهريب وين

يصير تحط المحلول هذا ويعبون هواء بعده او ما ادري وش طريقته بالضبط

ولكن الفائدة ان اثر التهريب يكون واضح بعد المحلول هذا

تعرف هو من الرديتر او جلد المواصير او وين

ولو من الثلاجة صعب يطلعون التهريب الا بفك الطبلون كامل

كلمني ياغالي وابشر إن شاءالله باللي يرضيك

نصلح المكيفات ونوضب المكائن بشرط كل القطع اصلي لانقوم بتركيب التجاري نهائيا ً

0531811096

تاكد من ضغط الفريون انه مضبوط يمكن يصير حار او  ان البلف يقفل مثل مشاكل السوناتا و الايزيرا من 2011-2014 او حساس و اذا كان الفريون ناقص كثير فا الكمبرسر ما راح يشبك و يصير حار فا رح عند اي واحد عنده ماده صفراء تحط داخل المواصير و استخدام السيارة فتره و ارجع له و هو يعلمك وين مكان التهريب و الثلاجة مخرومة بشكل كبير لا تلحمها غيرها باصليي ولا تاخذ تشليح لكن ما تعرف هي اصليه او لا   خذ الاصلي و ارتاح  

اذا يشتغل البارد وبعد مدة يفصل ويصير هواء فقط ما هو بارد احتمال كبير من حساس الحرارة << مو متاكد من الاسم , لكن قطعة مثل بطارية الريموت وضيفتها تنظم تشغيل الكمبرسر حسب الحرارة ويفصل عندك معناها في خلل في القطعة , هذا احتمال مو اكيد لكن سعرها 60 ريال للفورد جرب غيرها وممكن هي السبب