حراره التورس اللي له خبره يفيدني

وتسخن عند الوقوف والازدحام فقط في الظهر والتوروس لدي من اربع سنوات وهي ممتازة ولكن اقلقني تسخينها في الصيف
،اولا تاكدوا من انها تحمل مروحتين وليس مروحة واحدة كالتوروس الامريكية
فالتوروس السعودية مروحتين

واليكم ما فعلتة مع التوروس 2011:-
لتوليف المروحة :- ( توروس 2011)
إختيار الكهربائي لمروحة بيجو لانها الوحيدة مروحة امامية وليست خلفية كباقي السيارات ولان صوتها منخفض وقوتها جبارة وحديثة وليست قديمة ك المرسيدس95 وأصلية «فرنسية» وهي مروحة السيارة الاساسية وليست مروحة مكيف فقط
اشتري مروحة من بيجو موديل السيارة2013 اسمها 308 او 307
واشتري معاها كتاوتها الخاصة تجي فوقها حديدة للتبريد ( ب 550 مع الكتاوت بعد الخصم من الشركة )وخذها معا من الشركة بعد كذا روح التشليح وخذ ضفيرتها يجي طولها ،2 متر تقريبا قصها من سيارة مصدومة ( (عشان التوليف يكون مية في ال100 ))يجي فيها سلك للمروحة وسلكين راكبة في الكتاوت < منظم سرعات المروحة> ( يعني 3اسلاك ،واذا ماحصلت بيجو 308 او 307 دور سلك ستروين C4 لانها نفس مكينه البيجو 307 و308 ونفس القطع ) وواصلة للكمبيوتر ، طبعا الكهربائي حيوصلها بالبطارية مباشرة ويخليها تتطفي مع السوتش وخذلها فاصل اصلي طقتين من عاطف للاكترونيات باشوقية مكة
ب 15 ريال وخذلة سلك ارضي 2 ملي للفاصل 6 متر عشان تشغل المروحة وقت ما تحب في الظهر وبدرجة عالية وفي الليل لزيادة التبريد اخليها على طول درجة منخفضة .
وروح لكهربائي يفك لك الصدام وبعدة اتجه لحداد يولفلك قاعدة للمروحة وقاعدة للكتاوت بلقرب من المروحة لانة كتاوتها تحتاج لتبريد وياريت تشوف مروحة بيجو 308 كيف راكبة مع كتاوتها عشان تسوي زي شغل بلدها، واشتري مسامير مقاس 10 سته حبات مع صواميلها وورداتها،(((( وخلي الحداد يفصلك حديدة على شكل ماصورة صغيرة جدا وضعها داخل الاربعة الجلود ثم حيكون المسمار يدخل داخلها حتي يتم التثبيت باحترافية لان المروحة ماشاء الله قوية وتحتاج تثبيت قوي)))))) ولتوليف قاعدة المروحة يجب ان تكون المروحة بعيدة شوية عن لديتر المكيف عشان ما تحتك بية وتكون بعيدة عن الشاص الامامي شوية حتى ما تحتك بية والكتاوت ( منظم سرعات المروحة) بالقرب من المروحة حتي يتم تبريدة وروح لحداد فنان واخيرا ركبلها فيوز 70 او 80 امبير متوفر في التشليح واصلي 4 حبات ب عشرة ريال طبعا تحتاج واحد فقط وما كتبت الموضوع ذا الا عشان يستفيدوا الناس وعشان حرارة مكة وارتفاع حرارة التوروس، وطبعا لاتنسوا تغسلوا لديتر التورس من الخارج بالمسدس اللي بمغاسل السيارات بالماء والصابون كل فترة من الزمن لان اللديتر مساماتة صغيرة وينسد بالاتربة ، وباذن رب العزة والملكوت رب كل شئ ومليكة تختفي الحرارة، ولا تنسونا من دعائكم يا اخوان.