نقل المعلومات من منتديات أخرى
40
38
إضغط هنا للإخفاء
السلام عليكم ورحمة الله وبركاته
حسب مشاركتنا بمنتدى حراج صرنا نعرف من اللي عنده خبرة ومن اللي يشارك يكتب اي كلام
بدون سابق علم ولا شيء بس مجرد مشاركة ولا يدري عن صحة المعلومة
بالنسبة لي اصبحت اقرأ اسم كاتب الرد قبل قراءة الرد نفسه
واعرف من اخذ منه الكلام يكون صحيح ومن يتكلم وهو ماهو حولها
الغريب بعض الاعضاء يجيب لك اجابات او مواضيع منقولة من منتديات أخرى
وكأن المنتديات الاخرى جميع الاعضاء بها من ذوي الخبرة
هم مثلنا فيهم من ذوي الخبرة وفيهم ناس ماهم حولها
ولكن البعض يصدق المنتديات الأخرى ولا يثق بمنتدى حراج
وهم بالنهاية فيهم الصح والغلط
وبعض الاعضاء يقرأ مشكله بموضوع يروح قوقل يبحث ويجيك يقول سوي كذا وكذا
طيب كاتب المعلومة تدري هو كم عمره هو وش خبرته هو يفهم بالسيارات او لا
مجرد تنقل المعلومة وبس
منتدى فورد العربية بعد ما شريت الاكسبديشن سجلت فيه لعلي استفيد منهم
نزلت موضوعين ما جاتني ردود عليها
واحد من المواضيع عن بلف الحراره ابي اركب بلف ينزل الحراره عن النصف
لان حراره الاكسبديشن الطبيعية النصف وابي بلف بديل يركب ينزل الحراره ما لقيت اجابة
الثاني عن تنظيف ثلاجة المكيف ولا لقيت اجابة لا صح ولا غلط ابدا الموضوع فاضي
قلت خلني اتصفح المنتدى واشوف وش فيه
لقيت ردود غريبه واحد يسأل عن رجه بالمكينه والسياره واقفه
واحد يقوله تأكد من الكفرات او يمكن جنط معفوط ؟؟؟
السياره واقفه وتأكد من الكفرات سلامات
وواحد يسأل عن نوع البنزين المناسب وجاه رد
يقوله اي سياره عبي بنزين 95 لأن بنزين 91 يخرب البخاخات بعد فترة ؟؟؟
والكثير من الاجابات الغلط
صار والله صعبه تثق بأحد عندك مشكله وعندك لو شوي خبرة جرب حلول بنفسك افضل
اذكر ايام الكامري
نزلت موضوع اختبار للأعضاء قلت لهم انا بجدة وبسافر بالكامري للقصيم ومستعجل
ووحده من المراوح خربانه هل اقدر اسافر على مروحه وحده
المشكله الموضوع انحذف من الادارة من زمان
ولكن اللي اذكرة ولا رد واحد قالي سافر كلهم يقولون صلحها وسافر وبستخن عليك
والحقيقة بأن مروحة السياره مالها اي فائدة بعد سرعة 80
تكتفي بالتبريد الخارجي
ومثل موضوع لا تعبي بنزين فل تنفجر السياره وكلام فاضي
من وين جات المعلومة كلها من منتديات اخرى من واحد جالس يطقطق او قرأ معلومة غلط
او واحد يستهبل معاه وهو صدق قاله لا تعبي فل تنفجر السياره
ونزل موضوع وانتشر الموضوع وهو غلط اصلا
زبدة الكلام لا اشوف واحد ناقل معلومة من منتدى ثاني بمصع اذانه هههههههههههههه
إبلاغ
الردود
2
3
ولا سالك احد زعلت بس ماش
قبل 9 سنه و 5 شهر