اللهم صل وسلم على نبينا محمد

الله يعطيك العافيه اخوي 

والله ذبحونا السباكين 

واللي يذبحك اكثر لاغشوك وماطلع منه الخراب 

بعضهم يتهرب من دفع قيمة القطعه ولازم تدخل انت وياهم بمشاكل

وبعضهم يدخل السياره عنده على اساس انها تتصلح ويرقعون

له بقطع التيوان ويسرقون القطع السليمه بسيارتك

فاالاغلبيه لادخلت سيارتك

قال تعال بكره تستلمها جاهزه وهذا اكبر غلط 

يفكفكون بسيارتك ويرقعون لك

الله يعطيك العافية ياريت تعطينا عنوان او جوال اللي عالج المشكلة الاولى .

تعجبني  والله العظيم بصبرك


خاصه الاجانب  ورب البيت انه مايشوفك الا  كانك  معك بنك متحرك



سافر  برى الاردن  او مصر  واسأل مجرب  والله العظيم يستغلونك في كل شيء 



يسمعوا ان السعودي   شبعان وحق فلوس 



وشكرا

اي والله كثير نصابين الله لايربحهم ب حياتهم يارب 


انا كام عندي صوت تكتكه يزيد مع الدعس ويروح مع الدعس الشديد رحت كم ورشه شخصولي المشكله انها من السبايك والتكايات وقالولي يحتاجلها نص توضيب وشغل يدهم 2000والقطع 5000الاف اجمالي 7000الاف


وتخياو طلعت المشكله من طرمبة الزيت وانا كنت شاك فيه ودخلت الانترنت وقريت واخدت فكره سعر الطرمبه 290شغل يد 800ريال اجمالي1100تقريبا !!


لا وفي مشكله ثانيه سار يطلعلي دخان كثيف احيانا واحيانا بسيط مع الدعس القوي وهيا واقفه الكلام دا قبل لا غير الطرمبه لاني كنت مضطر ادعسلها علشان تختفي التكتكه 


وكنت الاحض نقص زيت بسيط احيانا بعد 4000الاف واحيانا لا قالولي شنبر وتحتاج توضيب او تغير المكينه ! طلع السببه من جلد البلوف !! لا وبعد خليتها ماغيرتها لانو يقولك تطلعلك مشاكل بعد تغيرها 


وازيدكم من الشعر بيت ههههه قبل كم يوم انحرق عمدي كتاوت المروحه وذابت علبت الفيوزات مكان الكتاوت رحت لورشه قلي لازم افك العلبه واصلحلك السنن وحوسه ومدري ايش ب 200ريال قلت خير رحت لورشه ثانيه غيرت الكتاوت وركبه اشتغلت المروحه ب30ريال بس قيمة الكتاوت .وسبب حرقه انو اتماتيك المروحه متعطل عمدي ذكرته للفايده وب اسويله موضوع قريب


ف انتبهو ياخوان بغيت اخسر مبالغ طائله بسبت الحراميه هذول الي مايخافون الله الي اكثرهم اجانب ! ! 

اخوي ياليت تدلنا على الكهربائي فين محله

وهل هو بالرياض

ليه الدس لايك ! ! ! اشك انو الي يعطونا دس لايك وممتحنين اهلنا ب الدس لايك كل يوم اصحاب الورش ابو فسيه

وهاذي من عندي . باجيرو عندي ينقط زيت من الرديتر حق الزيت قلي الميكانيكي لازم تغير القطعه كامل التكلفة اكثر من 2700 ريال 
اخر شي طلع جلد الصره التكلفة 70 ريال مع شغل اليد 

اخوي وين مكان الكهربائي وصف لنا اياه لاهنت يالغالي المكان باالضبط

ياكثرهم..ابذكر لك موقفين:

الأول:غسلت السيارة...وجاني العامل قال الكبوت مهو راضي يتقفل وجيت اقفله ع عجل قلت خلاص فيه ورشه هنا امرهم..مرييت ينظرون واشوفهم يتكلمون بينهم..هاه ياولد ايش فيه قال لازم ميزانيه 100 ريال..ايييش..والي بعده..نفس الشي ....اخر واحد ينظر ويتفحص....ثم دخل يده جوه وجلس يحفر وطلع حجره صغيره هي الي كانت راده الكبوت انه يتقفل...ولا التكلفه بلاش.


الثاني:السيارة معي كانت تكتتتتتم ووصلت في احد الايام انها خلاص ياالله تمشي مزيت اثنين...من الميكانيكيين المعروفين قالوا المكينة باقي فيها 1% وتخبط...ياولد يعني كيف...قال توظيب...وامر واحد ثالث والسيارة يالله تدف نفسها..قال لا هذا مهو توظيب ان شاء ...انت خلها وانا اتصل عليك...دق علي بعد كن ساعة وقال الراس يبي له مسح..وتغيير جلد بلوف..والتكلفه الاجمالية 2000 ريال...والحمد لله الان السيارة معي سنتين ماسك فيها الخطوط...ولو كنت بوضبها..اقل شي 5000..

99 % من حقين التكييف بالذات أكبر نصابين 

علبة الفريون جنترون 400 ريال الأمريكي الأصلي والموجود حالياً في السوق
تعبي إلى حد أقصى 20 سيارة وحد أدنى 10 سيارات 

أول ما يشيك يقول الفريون ناقص ويحتاج تعبأة

ويا ليت يعبي لك من الأمريكي الأصلي يعبي لك صيني أبو كلب 
ويحاسبك سعر أصلي 

وبعضهم يزود فقط على فريون سيارتك وتطلع بارد ولا يآخذ فترة ويخرب عليك 

إذا بتعرف إنه نصاب قوله بعد ما يقنعك إن الفريون ناقص

كم عبي أنا في فريون عند صديق كم عبي بس يعني شغل الساعة والفلم حقهم 

وشوف كيف يسحب عليك ويعرف إنك فاهم نصبهم

أنتبهو أنتبهو أنتبهو والله صرت إذا بأصلح عطل أطق شهر أحياناً وأنا أسأل في الورش والنت وأصحاب الخبرة

وانا صار معي غيرت مره صامولة صرة كاريتر 
زيت المكينه لفورد ٢٠٠٧ واروووح بعدها وخربت الصرة 
مره ثانيه واركب وحده اصليه على كلام العامل وخربت 
مره ثالثه قال البنشري رح شفلك ميكانيكي والله اروح 
لميكانيكي هطف قال لازم تغيير كارتير السنون حقت الصره 
انتهت ولاينفع معها خرط. واروح لواحد ثاني قال بسوي لها 
خرط واحررررك من عندهم وقلت بدال ما اخسر نفسي ليه
ما اروح الوكاله واخذ صامولة صره وكاله بـ ٣٥ريال ومن بعدها 
لي يمكن سنه ماعاد خربت الحمدلله وعرفت ان اللي كان يبيعني 
الصاموله نصاب يقول اصلي وهي تجاري لاني قارنت عند التبديل 
والصناعيه حراميه وانتبهوا من الشد الزايد للصره والسيفون 

مشكورين على التفاعل يا شباب، بالنسبة للي يسأل عن مكان الكهربائي اللي صلح المكيف موقعه في خميس مشيط الصناعية 
المدخل الثالث ( شارع الديزل ) اسمه اسحاق وأخوه شغال معاه اسمه عيسى ( سعودي ) 

وهذي احداثياته 

18.400817, 42.702654

بالتوفيق

فعلا ، كلامك صحيح وأذكرلك مثال لموقف صار معي

كان عندي ماركيز 2003 فيه رجفة في السيارة سببها القير تظهر أحيانا

رحت لأكثر من ورشة كلهم قالوا توضيب قير ، فحصت كمبيوتر قال القير يبغاله توضيب

قلت بجرب أول أغير زيت وفلتر وأشوف وفعلا انحلت المشكلة

طلع السبب اني حاط زيت قير type M والمفروض يكون mecron V

طبعا زيت القير للفوردات من 2002 وتحت يستخدم type M

ومن 2003 الى 2009 تستخدم زيت mecron V

ومن 2010 وفوق تستخدم زيت LV

المهم انه انحلت مشكلتي والسبب نوعية الزيت فقط وكلهم كانوا يقولون توضيب !!

عندي حاليا فيوجن واخترب المكيف صار يطلع هوا حار

رحت لأكثر من عشر ورش أغلبهم يقولون كل شي سليم ومانعرف السبب

وفيه واحد قال ثلاجة وواحد فحص كمبيوتر وقال حساس الهوا الحار

وآخر شي حصلتلي واحد فاهم قالي ثرموستات المكيف وفعلا غيرته وانحلت المشكلة

حسبنا الله المشكله الورش بالذات لاعليها رقابه ولا شي يذكر بعضهم 
يفكفك ويتعلم ويخرب ويصلح ولاحد درى عنه خصوصا إذا قالك ارجع 
بكره إلى من رحم ربي

ليش مايحددون أسعار شغل اليد على الأقل في الأمور الرئيسية 
مثل التوظيب أو فك وتركيب العضلات أو السمكرة .... بيقل التلاعب
وبتقل نفخة الاتراك في الورش
نداء إلى وزارة التجارة