شريت اكسبديشن2014 جديد.........مساعدتكم؟

اول شي تغير الزيت بعد الف كيلو فيها تشييك على السيارة و تغيير زيت 
و التمرين 1800 كيلو يكون فيها التمرين ما تضغط على السيارة بقوة يعني عداد rpm لا يتعدى الاربعة 
و اول الف كيلو تغير الزيت بسبب ان الزيت اللي يكون في السيارة خفيف علشان ما يثقل على المكينة 
ثم عاد تغيره كل خمسة الاف كيلو للزيت العادي
و التخليقي عشرة الاف 

و نوع الزيت موتر كرافت 
و الوكالة غبية حاطة الصيانة كل 8 الاف كيلو (يعني غيرالزيت في البنشر و اسحب عليهم)
بس صيانة الاثنين و الثلاثين الف و الاربع وستين الف رح غيره في الوكالة لان فيه تغيير زيت القير

»


اسالتك كلها اجابتها فالكتالوج !

مبروك الله يعطيك خيرها ويكفيك شرها وعسى الله يهنيك فيها . زين ماخترت .

الزيت كل عشرة الاف كيلو وليست بالكثيرة ابد ، كل المحركات الجديدة المنيوم وتتوافق مع انواع كثيرة من الزيوت وتعطيك مسافات عالية . عندك مثلا بعض انواع الزيوت تمشيك لغاية 15 الف وانت مرتاح وبعضها 25 الف كيلو ,. نصيحة مجرب غير زيت 10w30 موجود بعدة اسماء مثل كاسترول او فوكس او ماتشاء وامش عليه عشرة الاف وشوف لون الزيت بتلاقيه لازال فيه لزوجه وماصار اسود .  

الوكالة تشترط الصيانة عندها وحالياً في تصريحات لمعالي الوزير / الربيعة بان ليس من حق الوكالات اجبار العميل على الصيانة . 

السيارة حلوه وممتازة وركب لها حماية للوجهية وتضليل من نوع ممتاز وتوكل على الله 

انت شاري موتر جديد عشان كل 5 الاف او 10 الاف توديه صيانه

ولا عشان تمتمع نفسك فيه وتنسا الصيانات والقروشه والورش وايجار السياره البديله

الوالد عندي مطلع اكسبدشن 2014 وله صيانه مجانيه الى 64 الف ولا قد طب الوكاله  

وابشرك مايغير الزيت بعد في بترومين , شرا له زيوت جمله بنفس اللزوجه الموصى فيها ( 20 في 5 ) سعر العلبه فقط 15 ريال وتقدر تاخذها من الوكاله

ويمشيك 10 الاف هالزيت بالتحديد ( 20 في 5 ) وانت غيره من باب المحافظه على 8 الاف كيلو

وطبعا الوالد يغيره ب 15 ريال عند اي محل زيوت ( السيفون سعره 15 او 20 من محلات الجمله خذلك 3 4 وحطها بالسياره )

والوالد اقوله موترك جديد وانت شاريه عشان يخدم معك بدون مشاكل ( مو عشان كل 10 الاف اوديه صيانه ) ولا كان اخذت مستعمل اجل !!

واصلا سيارتك ( جديده ) يعني بإذن الله تمشيك 100 الف وبعدها نروح نصينها كامل ب 5 الاف بالكثير وممكن اقل من مساعدات وجلد مقصات واشياء من هالقبيل ان احتاجت لكن نقول كحد على 5 الاف ريال بالكثير

وزيد كملها الى 200 الف ان شاء لله وصينها

لان السياره جديده توها ما بعد مشيت الف كيلو ولا 5 ولا 10 وتجي الوكاله تغيرلك اشياء !!

 حتى لو الوكاله بتغيرلك اشياء بتغيرلك اشياء اصليه اصليه من المصنع وفيها عمر لان السياره جديده

وبتركب لك من قطعهم الصيني الدرجه الاولى وممكن ما يظبطها لك وراح تحس بفرق بسواقتها 

فهذا تلخيصي للموضوع بشكل كامل

الزيت خذه من الوكاله ب 16 ريال العلبه او من محلات الجمله ب 15 ريال وممكن اقل نوعه 20 في 5 موتر كرفت فورد عليه الختم الاصلي

مكتوب انه يمشي 10 الاف كيلو ولكن حفاظا على المكينه غيره على 8 الاف وفيه ناس اعرفهم يغيرونه على 15 لكن مو لهالدرجه انا بايع موتري ومسترخص فيه

وغير الزيت ب 15 عند اي حفره

وعش حياتك والف مبروك والله يعطيك خيره ويكفيك شره

طبعا نسيت اذكر

كل 50 الف

 غير زيت القير + لو حبيت تغير البواجي + وشيك على الفحمات فقط ( تشيك ) لان حقت الوكاله اللي تجي من امريكا اصليه اصليه وتمشي يمكن 100 الف

وانت بتجرب لا غيرتها , حتى وهو اصليه من الوكاله ما راح تمشي 50 الف والا وهي منتهيه وهذا يدل على ان قطع المصنع اصليه اصليه

موفق

كثرت كلام

لكن هذا رابط للزيت

وللعلم ( كل الفوردات ماركيز و فكتوريا و حتى لنكون و اكسبدشن ) والمازدا ايضا 

زيت موتر كرفت يعتبر الاصلي لها 

وتقدر تحطه على اي سياره اخرى ايضا مقاس لزوجتها 20 في 5 ويمشيك اكثر من ابو 10 في 30 اللي تغيره ب 20 او 22 ريال و ينتهي كل 5 الاف وينحرق او ينقص

http://ford.montada.haraj.com.sa/52142/

هذا موضوع شامل كل شيء وفيه وصف المحلات و فيه كل المعلومات

التمرين هو 1000ميل يعني تقريبا 1600كيلو وليس 1800كيلو

1000 1000 1000 مبروك الله يعطيك خيرها ويكفيك شرها 

انصحك تبعد عن الزيت 10-30 يثقل المكينه والعزم طايح عن تجربه ركب نوع الزيت 
الموصي به مكتوب على غطاء المكينه 5-20 ممتاز وافضل زيت موتر كرفت 

.
.
.
.
.
.
الوالد امس ذااا 
يقول اش رايك نستري اكسبدشن 2014 

قلت له بقيمته بنحصل دينالي 2012 نظظظيف مره لولوي 
اكشخ واحلى
.
.
.
.

الف مبروك واللهه يعطيك خيرها ويبعد عنكك شرها

اسمعع النصيحه الصيانه كلها بالوكاله افضل ومنها تستفيد بالضمان لان فيها عيب مصنعي 

المساعدات تخرب 

صبي بني البشر
فيه فرق بين سياره مستعمله وبين سياره اصفار وكاله 
عارف السوق كيف مضروب ووين تلقى موتر نظيف 


المهم الغريب انك شريت الموتر وماسئلت الوكاله 
الزيت صار يتغير على 10 الف ماعاد فيه احد يغير الف كيلو

كل اسالتك مكتوبه بالكتالوج  من نوع زيت و المده و و التمرين 



معلومه بخصوص تغيير الزيت اول 1000 كيلو من وجبتوها هذي كثار اللي يقولونها و لا يعرفون ليش وش الفايده .
افضل و اجود و اطول انواع الزيوت و الوجيه اللي في السيارة الجديدة اللي تجي من المصنع فا ليش تغييرها بدري .


- نصيحتي لا تغيير الزيت لا في الوكالة ولا البنشري ليش : لانهم نفس الشيء بس اختلاف الديكو و العامل و السعر بس لانهم ما يعرفون كم تاخذ السيارة من (ملل) و يغييرون الزيت بسرعه ما يخلنوه ينزل كامل .

افضل طريقة اشتر كرتون بمواصفات الزيت الصيحيحة و غيره بنفسك بحكم ان السيارة مرتفعه و اذا ما لك خلق تشتغل اقرا كم الكمية و رح لبنشري يعبيه لك 5 لتر مثلا و لا تخليه يبي الباقي خذ الباقي معك و ارجع البيت و زود الزيت بطريقتك لان الوكالة و البناشر يبعون الزيت في الغالب بزياده الزيت من 200-300 ملل و هذا يضر الصوف على المدى البعيد  و غير كذا يستخدمون زيوت تمشي مع جميع السيارات ( زيت ثقيل ) 

الاكسبدشن 2015 مع الوالد و هرب زيت المساعد  امامي ايسر وهو ماشي 3000 كيلو و غيره على الضمان