للفائدة.. تم حل مشكلة الحرارة و فوران ماء الرديتر

السلام عليكم ورحمة الله وبركاته

كيفكم يارجال ؟

مابي اطول عليكم

صلوا على النبي ؟

كتبت موضوع قبل 3 ايام عن مشكلة الحرارة واللي يحب يطلع عليها هذا هو الرابط :

http://montada.haraj.com.sa/54640/%D8%AD%D8%B1%D8%A7%D8%B1%D8%A9-%D8%A7%D9%84%D9%81%D9%88%D8%B1%D8%AF-%D9%85%D8%AC%D9%86%D9%86%D8%AA%D9%86%D9%8A-/

للامانه الاخوان ماقصروا أتحفوني بأرائهم لكن المشكلة بالاخير طلعت دينمو المروحة

السيارة كانت بالبداية تشتغل تمام واروح واجي عادي

بس مع الوقت يضعف توزيع الدينمو للمروحة وتقوم الحرارة ويبدأ يفور الماء بالرديتر

االحمدلله غيرت دينمو المروحه بـ140 مع شغل اليد 70 وابشركم الحرارة الان تمام

نصيحة: انتبهوا من حقين الصناعيات اغلبهم يحاولون يكبرون المشكله علشان يستفيدون من القطع الباقيه

مثل ماصار معي في بعض المحلات وقالو لازم تغير المروحه كامله !! لكن لاتصدقهم لان فيه اشياء تبان معك بالعين المجردة

وبالأخير بيض الله وجه كل من رد على موضوعي وحاول يساعدني ومانزلت هالموضوع الا اني ابي الكل يستفيد اذا لاقدر الله وصار معاه نفس اللي صار معي

دمتم بود ,,