صار لي حادث رأيكم يااخواني

ميزه الفورد انه يدمر السيارات ولا يتأثر ماشاءالله :)

وثانيا .. قول الحق .. وقل الشارع مظلم ومافيه اناره واخر الليل و وواقفه بخطي 

كيف تبغاني اعرف ان فيه سياره 

والسياره هي اللي واقفه غلط وراعيها لو هو اللي موقفها كذا يتحمل قيمه سيارته وسيارتي

لانها مثل الصبات اللي بدون انوار او تحذير

لا صدمت فيها يعوضوك لانها بدون تحذير

وقلهم الموتر لا تحذير عنده ولا مثلث الخدر واقف وراه وظلام 

فانا وش ذنبي تتأثر سيارتي

طالب بحقك

لا تطالب بانه يسامحك 

خلك واثق انه هو الغلطان وما منها كلام

اضافه على ذلك انك تبي حقك

لا تطلع نفسك انت الغلطان

حادثك غريب 
والحمد لله على السلامه اخوي 

والاحتماليه نسبه الحادث تكون عليك 25 %  لانك ماتلافيت الرجال وكان تقدر تغير مسارك وماتتسبب بحادث 
وعلى الرجال 75% 

يعلم الله يااخواني اني شايل هم مايعلم به غير الله..

انتم تعرفون المرور ونظامه.. بالقوة تخارجت منهم

وخايف يلزموني الخطأ لاني اتوقع بشكل كبير ان سيارته بتروح تالف

اكيد مشغول بالجوال !

عموما اهم شي سلامتك والباقي امور دنيا مكتوبه من قبل ان يبعث البعث

في أوروبا وأمريكا سيتحمل صاحب الهوندا الحق 100% لوقوفه في مكان خاطئ بدون وضع مثلث عاكس لتنبيه السيارات الأخرى

للأسف تقدير الموضوع يكون من مسؤولية عسكري المرور والله وحده أعلم ما هو المستوى التعليمي للعسكري وعند تقدير التكلفة يتم التحويل لشيخ المعارض والله وحده أعلم ما هو مستواه العلمي أو الفكري

في الدمام وفي شارع الملك خالد - وهو شارع فيه ازدحام وعليه حركة - توقفت لكزس لمدة تزيد على أسبوع وأغلقت مسار وكادت أن تسبب في حوادث وأصبح الناس يستخدمون مسارين فقط والمرور يمر من هناك يومياً بدون ما يتخذ أي اجراء

في الحقيقة لدينا انفلات وفوضى غير طبيعية ولا يهم من المخطئ المهم أن نحمل أحد الأطراف الخطأ ونغلق ملف الحادث

وإلى الله المشتكى

اولاً حمد لله على سلامتك .. 
وقل لعلها خيره ودفعة بلا بإذن الله.. 
ثاني شي وبخصوص موضوعك  بعطيك اللي اعرفه ولعله يفيدك

انتظر تقرير المرور اولاً والأهم تتأكد بإن العسكري كتب في تقريره إن السياره متوقفه
بعدها في حال لا قدر الله حطوا عليك نسبة عليك اعترض وطالب بتشكيل لجنة وراح يتم دراسة الحادث في اللجنة
وفي حال لا قدر الله أقروا بنسبة عليك وحاس فيها ظلم اطلب تحويلها للشرع.
وانتظر موعد جلستك عند الشيخ. 

وحط في بالك وانا اخوك ان الحق ما يضيع ووراه طلاب.
خل إيمانك وثقتك بالله قويه واحذر من المحطمين ومن بعض الجهله في الأنظمة.
وتمنياتي لك بالتوفيق

اصبر الين مايجي راعي السياره 
ولا تتكلم الين ما يسمح لك الضابط وغيره خلك ساكت ابرك

الله يجزاكم خير جميعاً 

وبشوف عاد وش يصير بعد الدوام ان شاءالله 

أخوي لازم يوم تتكلم مع المرور تكون واثق من نفسك وتظهر لهم ان الغلط ماهو عليك ابداً 

وانا عن نفسي اذا صدمت واحد مواقف غلط اتركه وامشي محد قاله يوقف غلط ههههههههههه

للأسف الشديد نظام المرور عندنا مضروب 
راح تتحمل الحادث بنسبة 100% و اذا مشاها المرور راح تكون عليك 75% 
لانك تاخذ نفس مخالفة صدمك لجسم ثابت 
كنت شغال مع نجم و كذا مره حوادث مثل هذي فيكون اللي صدم هو الغلطان لان الطرف الثاني متوقف حتى و ان كان وسط الشارع مو يمينه 
نظام مدري وش يبي
كان الله في عونك

الله يكتبلك الي فيه الخير 
بس علمنا وش يصير معك

متااابع الموضوع 

انت م عليك شيئ بالمره ولا احد يقولك انت غلطان لانه واقف غلط وواقف ع مسار طريق 

اولا. اشكر كل من رد وابدى رأي.. طبعاً في بداية الامر رحت للمرور وكان العسكري متحيز ضدي رغم ان الطرف الثاني ماجا ولا يعرفرنه.. صار بيني وبين العسكري شد وارتفعت الاصوات.. يقول انت مثل اللي صادم جبل وتبي تعويض
قلت الجبل مايوقف في مسار من اسمه مخصص للسير.. وثانيا ماطلبت تعويض كل ماطالبت به هو انصافي وان لم تكن اهل لذلك حول المعاملة للضابط وانتهى الكلام بيني وبينه

طلعت اصلي الظهر بالمصلى عندهم لحالي وجا صلى جنبي شاب عسكري من الجيش.. خلصنا  وطلعت على اساس اشوف وضعهم ويدقون ع الرجال.. قال توه كان هنا يمكن تلقاه برى، وقال انه عسكري عرفت انه اللي بالمصلى طلعت له وكلمته قال انا ماادري وش صار ولا حتى شفت سيارتي لكن اللي تبيه ابشر به وانا من جهتي متنازل لو كان عليك شي 

الحقيقة استحيت منه كثير كان رجل محترم قمة في الخلق وبشوش 

قلت خير دخلنا لهم وانا عقدت النية اني متنازل لو يكون عليه الخطأ 100%
سألني عن سيارته قلت والله تأذت كثير قال فدا اهم شي السلامة
قال العسكري عليك 50% وعليه 50%

 مازايدت على الكلام ابد قلت متنازل لوجه الله وهو كذلك رغم انه ماشاف سيارته ابد 

انتهى الموضوع واخذنا اوراقنا وطلعنا 

عاد سيارتي متوقع تكلف مابين ٦٠٠٠- ٩٠٠٠ آلاف قطع وكاله

والحمد لله على كل حال.. ربما كانت دفعة بلا او صرف شر

واخيراً اشكركم جميعاً اخواني 

حمد لله عالسلامة والحديد يتعوض وانا اخوك..

حمد لله عالسلامة والحديد يتعوض وانا اخوك..

حمد لله عالسلامة والحديد يتعوض وانا اخوك..

حمد لله ع سلامتك ولله يبعد عنا وعنكم شر الحووادث

الحمد لله على سلامتك
ومعوض خير ان شاء الله