ونه الكارونه في الفورد

زيت الدفرنس تزيده مايغير

بعض الناس ايذا جا بيبيع يملاه وانتم بكرامه بالشحم يصير مايطلع صوت الكرونه

الله يعافيكم ي شباب 

الحين انا اذا صرت امشي 80 - 100 يطلع الصوت لكن لما ارفع رجلي عن الدعسه مايروح صوت الونه ؟! 

هل هو من الكرونه فعلا لان اسمع كثير يقولون اذا شلت رجلك من الدعسه واختفى فهو من الكرونه اكيد

وبرضو النصاب اللي زينتها عنده قال لي تحتاج وزن كرونه قلت له اوكي ووزنها 

إذا رفعت رجلك عن الدعسه في الغالب انها عكوس 
وترا العكس الامريكي يختلف عن الاصلي فنصيحتي لك 
توديها المخرطه يضبطها.

اذا شلت رجلك  الونه تروح... هذي من الكرونه وافضل حل وارخص تغيرها بدون الدفرنس كامل . بس تشرط عليه الصوت يروح لان اغلبهم ما يزبط ميزانية الكرونه وتبقى ونه خفيفه جدا . 

ترا في مشكلة في الفكتوريا وواجهتني انا شخصية مع ان الموتر جديد وماراح تصدق السبب

كان يجيني صوت مع الدعسة وديتها البيان الجديد ونظف السلف من الغبار وراحت وكله من خط الشرقية تأكد من تنظيف السلف

الله يعافيكم يا شباب 
انا اذا شلت رجلي من الدعسه ما يرؤح صوت الونه وغالبا على سرعه بين 60 الى 110 تقريبا عاد بعد ال120 

يروح الصوت 

انا اللي قاهرني اني وديتها لواحد مسوي فاهم وقام يتفلسف على راسي والصراحه انخدعت بكلامه 
ومن الشغل قال ابسوي وزن للكارونه

قلت له لازم جهاز صح ؟ قال لا مو لازم وسواها بيده المهم انا بديت اشك بعدها

يعني مادري الكارونه ضاربه عندي بالكامل ولا العكس بس
عاد بعدها عرفت ان الكارونه وزنها صعببببب جدا جدا جدا ومو اي واحد يسويها اه يا قلبي
قسم بالله اني الحين بديت اكره موتري مع ان مافيه الا العافيه قبل

المصيبه ان صوت الكارونه يزود ويزود كل شهر

ياليت احد يدلني على افضل واحد متخصص دفرنسات بالقصيم او ببريده

الله يعطيكم العافيه يا شباب 

الله يعافيكم ي شباب ما قصرتو ودي اقيمكم واعطيكم لايكات لكن باقي لي نقطه واحده بس ههههههههههههه

عطيتك هالنقطة

اشهر واحد بالقصيم الصمعاني بالتشاليح و شغلته الكوارين و الدفرنسات

الله يعطيك مليون عافيه وعطيتك احلى لايكات تستاهل 

والصمعاني هذا عنده ساعه الوزن حقت الكارونه وهل هو عنده مهندسين صح ولا اي كلام 
لاني والله ان الدفرنس هذا حساس ومو اي واحد يشتغل به