مشورتكم في جراند ماركيز

انصحك خذ 2005 اذا نظيف نظيف نظيف غير كذا اصرف النظر عنه 

وشوف دام القير ارضي فأتوقع بنسبه كبير الكارونة حقته اقوى من العادي وعزمه اقوى واحتمال يكون شكمانين حتى لو امريكي 

بالتوفيق 

هل هو مارودر اذا ماوردر خذه ولا تفكر 

بس انصحك خذ 2009 لانه  شكله اتغير وكثير اشياء تغيرت و 2009 له 7سنوات يكرف  ونظيف ومكينته و جربكسه ودفرنسه اجدد ومهي مكروفه كثير 
و2005 له 10 سنه يكرف ويمكن اللي قبلك ماكان مننتظم في تغير الزيوت ووووو ويمكن  مغير مكينته ولا دفرنسه وترا قليل القير الارضي وماهو مرغوب كثير ولا هو منتشر قليل الى اخر ذلك 

اذا مارودر خذه ونت مغمض الناس تدوره دوره ماتحصله

يعطيكم العافيه
ليس مارودر لاكن حتى 2009 فل كامل ولاكن ليست مثل مواصفات 2005 لأنه 2005 مواصفاته تحكم طاره +فتحةسقف + هيدروليك وهذه تعتبر نادره ولونه ملفت

وياليت تقولون وش رايكم في الأحسن

2009 اجدد واحسن لاتغرك المواصفات 
وتبي موتر ما يطلب شي طبيعي خذ الجديد بحكم فارق الموديل

إستخير الله. 
 2005 حلو ﻹنه فل والمطلوب دائماً الفل
خذ 2005 وتوكل على الله. 
والفورد عمره ما يخوف. 

اللي ترتاح له نفسك واتوقع 5000 مهي شي 


اذا احترت وكان كلها في مستوى واحد من النظافة

انا لو مكانك اخذ 2009 
بحكم اذا شريت بأستخدم ما ابيع 

اما لو تفكر تبيع خذ 2005  لانه مرغوب نوعاما 

لا جيت تبيع ما تلقى احد يشتري الجير الارضي
و سعره كثير

بس اقدر اركب مكيف خلفي لليقير الارضي 2005
وهل فيه مشاكل اذا حطيت المكيف او على القير الارضي. 
عامه 

اخوي بخصوص المكيف ما انصحك يبيلك توليف تكاية وشغلات وعموما مكيف الفورد بارد عندنا فورد ما فيه مكيف خلفي امريكي والبرودة توصل للي ورا وما فيه مشاكل 

وبخصوص القير هو نفس القير العلاق لكنه ديكور وفيه نفس رياضي لانه ارضي وحاطين لك ميزة للفورد ابو قير ارضي انه كارونته اقوا من العادي 

شكرا جزيلا لتفاعلكم 
بس الاكايه حق القير الارضي كيف يترهملو مكيف خلفي لانه تكايته
غير

2009" ممشاه اقل من 100 الف وب 35 وهذا لو البدي شد بلد سعره رخيص حيييل وصيده بنفس الوقت للمستخدم
عندنا يوصل فوق 50 الف 

نسيت مأقلكم كلها من دبي

كيف تدخلها السعودية !

أظن تبقى اللوحه زي ماهي بس الإستماره سعوديه بس ناسي بزبط كيف

يارجال خذ 2009 يكفيك سعره رخيص 35 الف عندنا المفروض فال 50 الف سعره وغير كذا ماشاء الله ما مشى كثير واجدد
ومعروف الماركيز الشكل الجديد احلى من القديمات 2005 وتحت غير ان الطبلون يختلف عن 2005 اللي مافيه عداد ظغط
غير كذا كلها تقرييا نفس العزم حتى لو 2005 اقوى شوي بحكم القير ارضي كارونته اقوى في الغالب سبورت
لكن القير الارضي يفرض شكله وهيبته للفورد وكذلك يعطيك مساحة اكبر قدام .

يعني تنصحني في 2009