شريت سياره وتفاجئت عند نقل الملكيه بأن لونها مختلف

هذا يمكن غلط حصل عند تسجيل السياره أول مره.

تقدر تراجع المرور و برقم الشاصي يعدلونه.

هذا هم الله وكيلك عندهم عمى الوان
بس ولايهمك 
الاامور ماشية

مراجعتها تطول ولا على طول تخلص من المرور
وقدر اسويها من أي مدينة ولا من نفس المدينة التي صدرت منها الاستماره

هذا حصل مع قريبي زمان
شراء كرولا 1993م في المعارض لونها رصاصي 
بعد نقل الملكية ما انتبه الا انه لونه ازرق رجع لصاحب المعرض قاله يفتح الله حسبي الله ونعم الوكيل
راح غير اللون الي بالاستمارة الى رصاصي أو فضي على ما أفتكر

قبل كل شيء تروح للمباحث تتأكد السيارة ماعليها بلاغات أو مشاكل وتطلع ورقه تفيد بذلك

وهذي أخوي الطلبات:-




1- تروح مركز المعلومات والوثائق في حي الروضة .(الرياض). مخرج 12 الدائري الشرقي .




2- راح تحصل مبنى لونه بني خلف المركز (تدخل على المهندس وتقول له ابي اغير لون السيارة), راح يطلب منك التــــالي :- 




أ- احضار السيارة المراد تغيير لونها.
ب- استمارة السيارة وبطاقه الاحوال.
ج- يجب ان تكون السيارة بأسمك ومايكون فيها صدمة قوية .




3-بعد كذا يعبي المهندس لك نموذج ويسالك عن اللون ويسجله لك ويطلع معك ويشوف السيارة ويتأكد من رقم الشاص ويوقع لك الورقة روحله 12 الظهر عز الشمس غالبا ما يطلع .




4-تدخل لمبنى المركز الرئيسي وتوقع الورقة مره ثانية من الضابط ويختمها لك .




5- في حاله تبغى تبدل لونها بعد ما ترش السيارة بوية ترجع بنفس الورقه اللي كانت معك وتعطيها المهندس ويطلع يكشف ويتأكد من لون السيارة الجديد ويتأكد من رقم الشاص.




6 -بعد كذا تدفع رسوم بدل فاقد للاستمارة مبلغ وقدرة 50 ريال عن طريق الصراف.




7- تدخل المبنى الرئيسي وتعطي الاستقبال الورقه واشعار السداد وياخذ منك الاستمارة القديمة ويبدلها لك بجديدة بـــ مدة لا تزيد عن 20 دقيقة فقط ..




8- مدة التصريح 20 يوم فقط هالعشرين يوم تروح ترش فيها اللون لو 10 مرات لين تركب الدرجه الي ببالك لين تضبط ولو مسكك دورية تعطيه التصريح يمشيك بس بعد ماتنتهي 20 يوم وانت ماطلعت 
الاستماره ماتنفعك الورقه ابد وينحجز موترك في المرور .




9- طبعا اللون لازم يكون رشه سواء لمعه او مطفي ,, التجليد ممنوع والنيكل ممنوع .

وموفق أخوي وان شاء الله تكون اخر الاحزان.

والله يعطيك من خيرها ويكفيك من شرها.
 

ابو حسين عز الله كفيت ووفيت واطنخ لايك 

تسلم يا أخوي منخشق
ماسوينا غير الواجب :)

بعض رجال المرور فيهم عمى الوان يشوف لون الفضي والرصاصي ازرق 
سيارتي لونها فضي لقيت مخالفة وقوف خاطئ وحاط اللون ازرق ههههه

اهلا




كانت عندي كامري لونها بني تقريبا و في الاستمارة رصاصي

و سوناتا لونها ازرق سماوي على قولتنا و في الاستمارة رصاصي

وعادي ما احد كلمني في تفتيش ولا شي حتى السوناتا طلعت بها الامارات ولا في مشكلة

انتبه عدل لونها ترا بعدين بفحص الدوري ماتمشي يردونك على الوان 

عندنا سياره لونها ذهبي وفي الاستماره فضي وعند التفاتيش يطالع في الستماره ويمشينا

غلط في الاستماره  عايدي


انا عندي انفنتي كوبيه. جي ٣٥ كاتبين في الاستماره كيو ٤

وعلى اللون

قبل كم سنه ابغا اصدر لكزس من الكويت لسعوديه   لونها احمر. جا شافها وكتب 

في البطاقه برتقاليه قلت ي الحبيب الموتر احمر قال لا برتقالي قلت يبن الحلال احمر وعيا

لين جو ثنين من حقين الجمارك قالو هاذي احمر وكتب حمرا   

عفوا استورد غلط مطبعي

وشلون يعني ، هل من اول فيها خطأ في الاستمارة ولا مع طباعة الكرت الجديد ؟؟؟

اذا مع طباعة الكرت الجديد عادي جداً الخطأ وارد مهب بس في لون السيارة حتى في المسمى بعض الاحيان كامري قراندي 99 اللي هنا في المنتدى يوم جاء يشتري السوناتا كاتبين له توسان مدري سنتافي ورجع لنفس الصالة وزبطوها له عادية


لأن اصلن كل شي مثبت رقم الشاصي يدل ان لون الموتر كذا والاستمارات السابقة وكامل البيانات يعني يبي لك بس تطبع كرت جديد يا انت ولا المعرض اللي زبطها لك


بالتوفيق