نجم و الاعتراض على التقرير

وش ذنب عياله تدعي عليهم

روحلهم بكره واعترض على التقرير زودو كثرو المحكمه والصدم من الخلف معروف مين الغلط عليه السياره الي بالخلف

والله انا احمل سواقك اقل شيء 50 % من الغلط

سواق ولا يتكلم عربي بصراحه من الاخير غشيم وقمة الغشامة

واكيد انه يمشي شوي شوي حتى اللي وراه ما امداه ينتبه له او يمسك فرامل

وطبيعي يلف على كيفه 

السواقين معروف ما يعترف بالمرايه

يدق اشارة ويلف مباشرة ما عليه من اللي وراه وش يكون 

طالما دق اشارة يعني بيدخل عليك غصب هذا الواقع اللي اشوفه

لا تروح تعترض ولا شيء وعلم سواقكم كيف يحترم الشارع وكيف يسوق زين

وعلى فكرة نجم عندهم خبرة بتقرير الحوادث افضل من المرور 

المرور مثل ما شفت اللي صدم من ورى الغلط عليه مهما كان

ولكن نجم عندهم طريقة ثانيه تمسك مسارك مثل الناس او تتحمل الخطأ

الشيء الثاني انا رحت لنجم قبل كذا وشفت اشياء عندهم كنت اجهلها

مثل لو ماشي بطريقك وفيه سيارة ملبقه على جنب وفتح الباب وانت صدمت بابه

يكون الغلط على اللي واقف بحالة انه ما كان موقف مخصص

وانت تعرف ما فيه موقف مخصص بشارع عام بيكون موقف عرضي ما تصدم الباب تصدم الشنطه ممكن

ولكن المرور يقول انت المباشر الصدمة يعني انت اللي صادمة انت الغلطان

يعني فيه طرق لتقدير الحوادث عند نجم افضل من المرور بكثير

والله انه كله نصب في نصب. سواقي بمساره ما تحرك منه لكن يشوف السيارة الي ما تضررت و يحكم لصالحه عشان عمولة شركات التأمين

لكن الله يبتليه بعذاب من عنده

وانت على اي اساس حكمت ان سواقك ما تحرك من مسارة وجالس تدعي على شيء ما شفته ومتأكد منه

ذكرتي بحادث حصل قدامي قبل سنوات

وقتها كنت بالحرس الملكي ومستلم على القصر بدورية من خارج القصر

وفيه شارع عام ولفت انتباهي الشارع مظلم ولكن فيه جمس مطفي النور ويمشي

جالس اطالع فيه شوي دق اشارة ويبي ياخذ اليوتيرن مباشرة لف

حتى ما امداه يلف مثل الناس من اول اليوتيرن خلاص من نهايته يعني كان بيتعدا الملف

ولف بالاخير وجاء وراه راعي كورولا وصدمة من ورى

طبعا ما امداه الصدمة تجي بالخلف مباشرة

جات على شمعة ورفرف الكورولا اليمين بصدام الجمس جهة السائق

واضح انه توه داخل بالمسار حق الكورولا ما امداه راعي الكورولا يمسك فرامل

وازفلت الرياض يزحلق وكورولا يعني فرامل ضعيفه 

انتظرت بالشارع حتى جاء المرور

ورحت كلمته قلت له الجمس مطفي النور ولازال حتى بعد الحادث النور طافي

ولف بالاخير وشوف مكان الملف كيف وشرحت له الوضع

وحط الغلط على راعي الجمس السواق

شوي جاء مرسيدس جديد كفيل راعي الجمس

وقاله كيف الغلط على السواق

وقاله هذا العسكري شاف الحادث وشاهد

قام يصايح وانت وش دخلك مشيت وخليته

يعني ماهو شرط صدمك من ورى الغلط عليه 

ما يحتاج نعرف بعض الناس سواء سواق او سعودي يلف عليك حتى لو بأخر لحظه

يارجال تحصل سواقك بلوه ابتليت فيه المسلمين جاي جديد لايعرف عربي وتحصله يتعلم في الشوارع

كل السواقين الجدد سواقتهم زي الخرى انت ليش تتهجم وتدعي وماشفت شي سبحان الله

يبتليه بعياله لاحول ولاقوة إلا بالله ترا الدنيا ماتسوى 

اخوي اذا صدم من الخلف بشكل مستمر في السير على نفس المسار معروف حكمها لصالح اللي في الامام و انصدم
لكن من الممكن كوني كنت شغال مع نجم الله لا يوفقهم عموما اذا سواقك انحرف بشكل مفاجئ على مسار الثاني و حاء واحد صدمه مباشرة فسواقك يشيل 100 اسم المخالفة انحراف مفاجئ لكن 50 في المية كيف حكم ذا امر محير حقيقة و في اضعف الاحوال ممكن يعطي عدم انتباه 25 لكن مو من حقه لان الحادث يا انحراف يا من الخلف و يسمى عدم ترك مسافة كافية رح لهم الادارة الرئيسية قسم الاعتراضات و انت و حظك مع الموظف غالبا لا يتم تغيير شي لانه بيدق على محقق الحادث و بيصر على كلامه خوفا من اشياء اخرى تحول عليه و الله يعينك و يعيننا على المفسدين

يا رجل انا متورط بنفس الحاله الآن اعترض علي راعي شاحنه ودخلت تحته وانا موقوف من المرور مظلوم مظلوم مظلوم واطالب بحقي واطالب بتعويض اصابات خطيره وتعويض السياره اللي انعجنت

انا بعد مظلوم بسبب نجم الله ينتقم منه 
كنت ماشي في شارع رئيسي في الشوارع الجانبية وجاني واحد من شارع فرعي ولا وقف ولا ناظر علي وصدم فيني 
والرجال نزل يقولي انا غلطان ودق على نجم وما كان معي تأمين وجا قالي عليك ٧٥٪‏ أقوله كيف وانا في الرئيسي يقولي مافي رائيسي الشوارع متساوي مع العلم ان الشارع اللي الرجال فيه كان فيه مطب واشارة قف يعني فرعي قالي موافق ولا معترض طبعا لان اول حادث لي جيت استفسر عن الاجراء المناسب ارغمني أوقع أني موافق 
وراح 

وبعد ما خلصنا جاني واحد شاهد هو و واحد ثاني وقت الحادث قالي انا ولد صدم نفس مكانك والغلط كان على اللي كان على اللي جاي من شارع فرعي ١٠٠٪‏ كيف حطو عليك٧٥٪‏  روح اعترض 
وانا اشهد انا واللي معي انو مو غلطتك 

حق نجم حول التقرير لمرور الغرب ورحت قسم المعارضه وقالي جيب ورقة تقرير من نجم 

الحين جبت تقرير نجم أعطيه المرور وش اللي أسويه حتى أخذ حقي منهم الله يهديهم

النجم حولنا للمرور ولماذا لم يحول التقديرات