حسبي الله على اللي ما يخلص في عمله - شوارعنا الجميله بالصور

40 11

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 8 سنه و 11 شهر

السلام عليكم ورحمة الله وبركاته
أسعد الله صباح / مساء , الجميع
كيفكم عساكم بخير إن شاء الله

اليوم وانا مروق على هالاجواء الجميله صحيت الساعه 7 ونص الصباح

قلت اباخذلي فره كذا و اروح افطر شيء خفيف

واطلع للسياره والاقيها مبنشره !! انا لله وانا اليه لراجعون !! ليه كذا 

واحسبه مسمار , واروح انفخه وينسم انفخ وينسم !! ياولد شسالفه , واتذكر امس انا دعست شيء من هنا ولا هناك ؟؟

واتذكر اني بس ركبت حفره , لان مع المطر امس نزل التراب و سارت الحفره حاده حسبنا الله ونعم الوكيل

صحيح انرجت السياره لكن ماهي اول حفره ولا اخر حفره اكلها , ودعيت عليهم واتحسبت عليهم وكملت طريقي

وسرت ما اهتم كثير لان خلاص روحي بتطلع من محلها من القهر والشوارع الزفت وتعتب صراحه , فسرت احاول ما اهتم لا ركبت حفره ولا مشيت في شارع رايح فيها , واشغل المسجل واعلي الصوت على شيله من هنا ولا هناك واخش جو معها عشان انسى الشوارع الاوربيه و الزقاق اللي فيها

فاقولكم ركبتها مثل اي حفره طبعا بدون قصد ولا انا اهدي دايم واركب بشويش ( يعني محافظ شوي ) , لكن مع المطر نزل التراب لانهم ( مسلكين لنا ) بتراب وسحبوا عليها اكثر من شهرين الله لا يسامحهم والمفروض يسونها باسمنت 

والمشكله في حي الملك عبدالله الله يرحمه , المتر ب 3000 الاف ريال الله لا يوفقهم , متر ب3000 اقل شيء وشوارع سارت زي الزفت والحي توه جديد والله حرام انا منقهر من هالعمال , والله حفر مليانه مغطينها بتراب و ساحبين عليها , خلصوا شغلهم ومشوا , طيب ياخي انت وياه خافوا ربكم و حطوا سمنت مثل العالم 

لكن من بعد ما مات ابو متعب سار حالنا في هالحي من سيء الا اسوء كله حفريات وتطول بشكل ما يعقل اول كانت الحفريه ماتكمل شهرين بالكثير والحين ساحبين عليها ولا فيه الا كم من عامل واول كان باص عمال

والحفر ما يسكرونها مثل العالم , وانا صورت كم من حفره , لكن بالصور تطلع عاديه  ,لكن لا قربت منها وشفتها بعينك تطلع كبيره جدا 

اذا ما فقعت كفرتك ممكن تخليه يحبل عليك ويفنجر وانت ما تدري ويسير حادث وممكن تتوفى لاسمح الله , واذا كانت السياره نازله بتكسر الصدام بالراحه او تحكه من اسفل , احنا اهل الحي عارفين هالحفر لكن فيه ناس مساكين ماهم عارفينها وياكلون اكل ضعوف !!

وفيه حفره حاطين فيها اسمنت ( ابو كلب ) وما كملت اسبوعين الا والاسمنت نزل ههههه  , حتى الاسمنت تحطون لنا ارخص الانواع واسوئها . والله ناس ما عندها لا ذمه ولا ضمير

وان كلمنا الامانه تسوي مطب , تحط اقوا الاسمنت , اللي تدعس فيها من اليوم لا بكره ولا ينزل ولا يسير فيه شيء , اما دفن الحفر يحطون اسمنت مش حالك وينزل بعد فتره او بس يحطون تراب ويقولون لنفسهم كثر الله خيرنا

واقسم بجلال الله ان فيه حفره موازيه لتكمله قصر الملك عبد الله وما حبيت اصور القصر لكن صورت الحفره

كانت عميقه جدا وتكسر صدامك لو مشيت فيه و فيه بي ام شكل 2009 الى 2014 اككلها خابور وتقطع قلبي عليه المسكين

 انعدم بطن موتره و تنتف بطنه كل الشارع قطع من سيارته و حتى القطعه اللي بالصدام الخلفي طاحت يعني بطنها راح  من اوله الى اخره , ويوم اني رجعت شفت نجم عند السياره ولا ادري وش اللي سار

 وجاء واحد وحط فيها سطل زباله اصفر و شالته البلديه جعل يدها الكسر و ركبها واحد شفته موقف سيارته وانا رايح للدوام من نوع النترا فل كامل وطايحه على جنبها اليمين شكل صدامه مع الجنط والكفر راح

وجاء واحد وحط فيه صبه بلاستيكيه , وجاء واحد بيض الله وجهه حط فيها تراب 

يعني شوفوا كيف لهالدرجه وصلت فيهم , وراحوا يشتغلون عند قصر ابومتعب رحمه الله وسحبوا على حالفره , قمة الوقاحه صراحه سارت ناس وصخه وهمها الفلوس  , حسبنا الله ونعم الوكيل

نكمل
وانزل راسي والاقي الصدام محكوك ومكسور من اسفل الله لا يسامحهم , والاقي الجنط مطعوج والكفر شكله انتف من الداخل والله يعوضنا خير

فحسبي الله المسؤول واتمنى الاقي احد يشوفلنا حل مع هالحفريات اللي يحطون بها تراب بس ,  اللي اكلت سيارتنا

يا انها تفقع لك كفر وتطعج لك جنط او انها تحبل بكفرك وبكره ينفجر عليك لا سمح الله 

حتى تطلع لك اصوات في بطن السياره اصوات وصوصه قويه جدا وشنيعه 

وتعدم وزينه السياره من كثر ما تتخضخض وتعدم عليك المقصات وجلد المقصات و الركب

حتى تطلع اصوات في الديكورات الداخليه 

موتر الوالد توه جديد 2014 ماكمل 21 الف اقسم بالله العظيم فيه اصوات وصوصه جهه المكيف يسار من شوارعنا الزفت

كل يوم نمر بالحفر والمشكله تكون حفره متصله من اول الشارع لاخره وحاطين بها تراب ولازم نمر من فوقها والله اعدموا مواترنا

وانا افكر اطلع موتر جديد لكن اقول على  الرياض كثيره عليه فوردي و يخب عليه , لو اخذلي موتر جديد وش بيسير فينا 

وانا كلامي هذا لان الحي راقي وغالي جدا وسعر المتر يوصل 4000 الاف ريال وشوارعه بدت تسير مثل شوارع بعض الاحياء العاديه  ,انا كنت ساكن بالربوه لكن بعذرها الربوه لها 35 سنه لكن الحي اللي الحين ساكن فيه توه جديد

واحنا شردنا من الربوه وشوراعها وطحنا الحين في نفس الناس اللي كانوا شغالين بالربوه و بايعين ذمتهم عشان فلوس وبدوا يخربون الشوارع , الربوه فيه شارع اسمه شارع الاربعين عليه محلات الجوالات , اللي رايح واللي جاي

لو تروح فيه وما ترقص انت وسيارتك سامري ما اكون انا ابو يزيد , لو موترك جديد ورحت هناك , بتطلع منه وعندك حذفه بالسياره , انا اراقص بالسياره و اشوف اللي قدامي هو وسيارته يرقصون من الحفر والتعرجات 

وكلها من سبب اعمال صيانه (الحفريات) يضايقونا سنه سنتين وما يخلوا لنا الا شارع او شارعين من 4 شوارع ويسببوا لنا زحمه ,  و بعد ما يخلصون يجون يسلكون لنا بسمنت ابو كلب بعد كم من شهر ينزل ويتعوج و احنا اللي ناكلها تبن

ليه احنا نتحمل اغلاطهم

وبس هذا اللي عندي وحبيت افضفض لكم من الغبنه

وسلامتكم

ملاحظه : لا تنسون تقرون سورة الكهف ( نور مابين الجمعتين ) وهذا رابط لها ماتاخذ من وقتك ربع ساعه :)
http://forums.fatakat.com/thread3390307

إبلاغ

الردود