احد يفيدني بخصوص. الفحص الدوري

عليكم السلام

اجارائات الفحص الضرورية البوري اللمبات تكون شغالة كلها كشافات عالي واطي فرامل المساحات الكربون القزاز لو فيه شطر وشيء اكيد يرجعونك على الكعكات والعدسات وقبل تدخل اغسل السيارة من تحت بستم

نصيحةً افحص موترك زي ماهو 
واذا فيه شي بيقولون اك تغيره
لن تعب نفسك وتغير وتصلح وباالااخير يرجعونك
اناً مرةً كل شي ضبطته باالموتر ونسيت لامبات اللوحة
ورجعوني ع شانة

مثل ماقالو الشبب واحذر من الورشات الي عند الفحص

يعطييكم العافيه جميييع. وبيض الله وجيهكم جميع. 

الزينون يسقط في الفحص عن تجربة



اذا انت من جدة روح للورش اللي قدام الفحص ياخذون 200 او 250 مع ضمان الفحص وريح راسك

بخصوص كلام باترول صحيح لا كان موترك به اشياء خفيفه ، لاكن لو كان عندك لو نفرض بعض القطع المكلفه
ونت ماتبي تغيرها وهي تحتاج تنظيف بس ورشها لك بخاخ اصفر هنا بتضطر انك تغيرها 

فكل انت الي تحتاجه اشياء بسيطه تسلك وضعك خصوصا لاكان الموتر يبي له قطع وشغل واجد 

الصدامات مايكون بها شق 
الانوار كامله شغاله ولا يكون في الشمعه كامله او الاسطب كسر
الزجاج الامامي يكون سليم 
المسااحات + رشاش الماء شغاله
اي تهريب زيت ماعدا لي التبخير تبع الدفرنس 
المساعدات سليمه 
الاذرعه  والمقصات سليمه 
مافيه حذفه ولا فضاوه بالدرسكون 
الفحمات واقمشه الجلنط تكون سليمه 
الجنوط تكون مقاس واحد 
ونسب الغازات تكون سليمه 
مايكون في الموتر رجه من كراسي مع انهم قد مشوني في كم كرسي بس للاحتياط 

هذا الي فحصوه لي بموتري ماركيز 99 مع انه كان رايح وطي شوي بس الحمدلله مشى الحال 
والكعكات يسقطون عليها والزنون والتظليل 


والي عنده شي زياده يضيفه نستفيد منه 

مشكورين على الافاده. والله. انا الحمد لله. السيارة جميع. اللمبات والقزاز سليم. بس عندي الصدام الامامي. بوه قطع. والكفرات والجنوط جديده. 

اللي اخبره اذا مركب عدسات وزنون عادي يمشونك فيها
الموتر فكتوريا

يعطيك العافية وزي ماقالو الاخوان بعد شوي بفحص والي بيطلع بنسويه