أضف سؤال أو موضوع جديد          

موضوعين - شراء اكسبديشن - العازل الحراري - مقارنه

up 8 down 4
camry grandi 99 7274
قبل 5 سنه و 11 شهر



السلام عليكم ورحمة الله وبركاته 

بسم الله الرحمن الرحيم 

كيف حالكم يا شباب المنتدى ومساكم الله بالنور والسرور يارب 

اليوم بتكلم في موضوعين واحد للأفاده والثاني للأستشاره 

الموضوع الاول : ولله الحمد والمنه تم شراء اكسبديشن جديد 2014 من توكيلات الجزيره 

المواصفات استاندر مطور : حساسات خلفيه وهذي مهمه بالنسبه لسيارة بهالحجم + كشافات ضباب 

+ تحكم بالدواسات + مرتبة السائق متحركه + تعتيم جميع المرايا الجانبيه والداخليه 

اضافةً الى المواصفات المعروفه في الاكسبديشن 

طبعا بعطيكم انطباع او مقارنة بين الاكسبديشن واليوكون 2014 اما 2015 ما جربتها 

طبعا انا جربت الاثنين 

وبعطيكم رأيي بكل صراحه وبدون انحياز 

الاكسبديشن يتميز عن اليوكون من وجهة نظري بالعزل والهدوء داخل المقصوره والرساوه افضل بكثير من اليوكن 

اليوكن يتفوق بالخفه في الوزن وتسارع السياره احسن بشكل ملحوظ بالنسبه لي

ولا اعلم ربما لان الاكسبديشن جديد تحت التمرين واليوكن مستعمل ؟؟

اليوكن يتفوق بالملفات الضيقه تحسه مرن اكثر من الاكسبديشن 

الليونه لصالح الاكسبديشن 

الارتفاع لصالح الاكسبديشن 

متعة القيادة لصالح الاكسبديشن في الطرق الطويله 

اليوكن امتع في الملفات واخف في القومه يعني لما تلف وتدعس تحس الموتر يطمر معك كأن معك فكتوريا 

الاكسبديشن مشكلته اذا لفيت ودعست له شوي اثقل يعني تحس وزنه اعلى لكن اذا مشى فوق ال80 يبدأ يخف في التسارع والعزم يزيد 

زبدة الموضوع ومن وجهة نظري وتجربتي ولا انقل كلام احد ....

تبي موتر راسي ومريح وفي المطبات ألين وفي المنعطفات على سرعات عاليه يتجاوب وهدوء داخل المقصوره 

وصوت المكينه اهدئ داخل المقصوره انصحك بالاكسبديشن 

اذا تبي شكل داخلي اجمل وشكل خارجي نسبيا من وجهة نظري اليوكن يتفوق على الاكسبديشن بنسبة 30% 

واخف وزن وامتع في القياده في الملفات والتجاوز انصحك باليوكن 

هالكلام من وجهة نظري واتمنى اني ما انحزت لشركه معينه 

طبعا الاعتماديه يتفوق الفورد اكسبديشن  موتر كرف على ما يقولون 

انتهينا من الموضوع الاول .....#

الموضوع الثاني التظليل العازل الحراري 

ياخوان انا ابي اظلل السياره من شركة معروفه وشغلهم نظيف 

طبعا الشركات اللي حددتها 

1 v-kool

2 lumar

3 draive 7

4 3m

5 auto jet 

أتمنى اني ما طولت عليكم واتمنى انك استفدتوا من موضوعي 

ارجوا الافادة بخصوص التظليل وشكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا مع الوالد اكسبدشن 2014 دبل استاندر بدون حساسات

ممتاز جدا في الوسع , اوسع من اليوكن بشكل كبير جدا , والمساحات بين الارجل وسيعه جدا للمراتب الخلفيه الاخيره عكس اليوكن

لكن عيبه العزم ماهو ذاك الزود اليوكن والتاهو افضل منه بالعزم

لكن الاكسبدشن يمتاز انه مرتفع بشكل ملحوظ وتحس ان انك فوق جبل و تحسه مليان وثقيل وراسي , تحس انه فعلا موتر 

البعض يحب الخفيف في القومه والخفيف بالسواقه ويحب خفة الدركسون والبعض العكس

يحب الموتر راسي وثقيل والطاره ثقيله وتحسه مليان وهذا هو الاكسبدشن

ميزته رخيص عكس اليوكن والتاهو وهو بنفس الكفائه تقريبا


up 2 down 0
ابو يزيد 000 8711
قبل 5 سنه و 11 شهر



وللعلم انا مضلل موتر الوالد عازل حراري امريكي مع حامي وجهه الماني وكلهم ضمان سنه ب 450 ريال شغل نظيف جدا والتضليل ممتاز جدا وعزله ممتاز وكل السعر طلع 450 ريال يعني التضليل يمكن ب 200 و حامي الوجهه ب 250 ريال , انا ما سألت بكم التضليل والحامي , قلت كم تحسبهم لي من الاخير وقال ب 450 ريال 

وفر الفلوس الباقيه في جيبك او عدل عليه في اشياء ثانيه

طبعا المحل بالغرابي وفيه اكثر من محل , واللي انا مسوي عنده افغاني ممتاز , و ركبت ارضيه بلاستك 5 ملم ب 180 ريال 


up 3 down 0
ابو يزيد 000 8711
قبل 5 سنه و 11 شهر



حياك اخوي ابو يزيد نورت الموضوع 

وفعلا كلامك ذكرتها انا في الموضوع يعني نظرتنا متساويه نسبياً ههههههه 


up 0 down 0
camry grandi 99 7274
قبل 5 سنه و 11 شهر



والله وانا اخوك يا ابو يزيد ودي اضلل بشركه لان الموتر اسود كامل وابي التظليل عازل بشكل ملحوظ 

فكرتك ممتازه لكن الموتر جديد وودي اسلمه لناس ثقه على ما يقولون وضمان 10 سنين 

لكن محتار بين الشركات

الشغل النظيف ووقت انجار العمل هذا مهم بالنسبه لي لاني مابي اخلي السياره عندهم ما اضمنهم 


up 1 down 0
camry grandi 99 7274
قبل 5 سنه و 11 شهر



انت ماشفت الحادث حق الاكسبدشن اللي صدم سيارات وعدمها كلها والاكسبدشن اللي يشوفه يقول حادثه بسيط !!

حديد الاكسبدشن اقوى ووزنه اثقل لكن مكينته اضعف من اليوكون
نظام تعليق الاكسبدشن مقصات عشان كذا تحس براحه وثبات 
العزل مستخدمين مواد خاصه بالعزل 

بخصوص التضليل يمكن اغلب الشركات زي بعض وكل واحد فيهم يتنافس مين يكسب زباين اكثر


up 2 down 2
شويخ من أرض مكناس 2823
قبل 5 سنه و 11 شهر



والله ياخوي انا مركب عازل جيوشيلد و اشوفه ممتاز بس مدري عن باقي الشركات ما جربتها و طبعا قلت ممتاز بمقارنة قبل و بعد الفرق ملحوظ مع العلم اني مضلل 01


up 1 down 0
shadowz33 1097
قبل 5 سنه و 11 شهر



معنا اكسبدشن 2013 موتر كفو صراحه 
لكن الرساوة بالخط ماهنا ذاك الرساوة مثل داخل المدينة 
بتلاحظ فيه رساوة عندك هنا لان المباني صادة الهواء
لكن بالخط تحتاج الى تثبيت الدركسون بيدينك الثنتين من سرعة 130 وطالع
وغير كذا تصميم المرتبة يتعب السائق 
اعلى الظهر بتحس بالام وكثير ملاحظين الشي هذا 


up 1 down 0
al_orainy 56
قبل 5 سنه و 11 شهر



شويخ من ارض مكناس 

هلا بك ونورت الموضوع وفعلا كلامك صحيح الاكسبديشن ثقيل ومكينته نوعا ما اقل عزم من اليوكن لكن عزمه حلو في القومه والتسارع 

بالنسبه للحادث شفته وفعلا ما رده الا جمس قديم اتوقع 93 او 94 ان ما خاب ظني

حبيبنا shadows

شكرا لك اضافة شركة للموجودة زادتني حيره اكثر هههههههههههه لكن هل هم متواجدين بالرياض لاني سمعت انهم في المنطقة الغربيه اكثر 

اخوي العريني 

شكرا لك على ردك انا ما جربته في خط لسى لكن مبدئيا مقبولة رساوته ولا تنسى انه رفيع ومن فئة truck يعني بيضرب فيه الهواء من تحت ويلعب في رساوته شيء طبيعي 

لكن مقارنة بالجمس .. الاكسبديشن افضل في الرساوه 


up 0 down 0
camry grandi 99 7274
قبل 5 سنه و 11 شهر



على البركه والله يعطيك خيره ويكفيك شره

بالنسبه للتظليل ظللت ماركيز 08 عند لومار ب 1300 ضمان 10 سنوات جبتها على المغرب استلمته بعد العشاء وانا واقف معهم
صراحه مو ذاك الزود ف الظهر اذا ركبت يالطييييييييييف تقل راكب فرن وفوق هذا كله المقاعد جلد 0_o"

ف انصحك تشوف غير لومار .. بالتوفيق



up 1 down 0
مورد الماء 321
قبل 5 سنه و 11 شهر



الله يبارك فيك ويطول عمرك 

الله يجزاك خير يالغالي 

والله وانا اخوك اكثر الناس من اصدقائي مدحوا لي لومار ههههههههههههه يقولون شركة امريكيه عريقه ومعروفه في السعوديه لها اقل من 20 سنه تقريبا 

انا بختار 3 شركات من اللي كتبتهم وبمرهم وبشوف الاسعار واللي برتاح له بركب عنده 

اتوقع drive7 - v-kool - auto jet


up 1 down 0
camry grandi 99 7274
قبل 5 سنه و 11 شهر



نفداك لومار حلو اكثر من واحد اعرفه نصحني فيه عشان كذا رحت عنده
انا ركبت تظليل خفيف وشكل نسبة العزل فيه مو ذاك الزود وفوق هذا كله عندي جلد ف السياره ومايحتاج احكيك انت اكيد استخدمت الماركيز وحسيت بالمعاناه ههههههههههه


up 1 down 0
مورد الماء 321
قبل 5 سنه و 11 شهر



ايه معروف جلد الماركيز حار بزياده وحتى الاكورد موديلات 2003 الى 2007 مو مثل السيارات الجديده الحين صارت افضل بكثير 

الاكسبديشن مراتبه قماش حتى مو مخمل كأنها حقت فورد بوليسي هههههههه والله لاعبين علينا هالوكلاء 

انا بركب تظليل ثقيل شوي تكون نسبة الوضوح 50% عشان العزل افضل 

انا بمرهم وبشوف والله يكتب اللي فيه الخير 

وشكرا لك اخي العزيز مورد الماء 


up 1 down 0
camry grandi 99 7274
قبل 5 سنه و 11 شهر



شوف والله ياطويل العمر اخوي مظلل في كول كتم والله العظيم عزل شيء خيالي 
ومركبه قبل ٥ سنوات تقريبا تخيل والين ذحين مافصه اللون ولا صار فيه اي شيء والله 

واخوي الثاني مركبه قبل ٣ سنوات تظليل عازل اعطوه الشركه فورد كوبون يروح يظلل وخصم بس مدري وش الشركه 
والله العظيم انه ضلل كتم ماخلص سنه ونص والا هو فاصصصخ ولاكان فيه تضليل ابد ورجع لهم وعلى الضمان وظللوا له كتم مجانا


up 1 down 0
do8sh 208
قبل 5 سنه و 11 شهر



احب اضيف ان اليوكن افضل من ناحيه صرف البنزين داخل المدينه 

ومبروك شراء السياره احسن ماخترت 

اما التضليل فكل شركه عندها انواع من ناحيه الجوده 


up 1 down 0
abofarah 1081
قبل 5 سنه و 11 شهر



اخوي do8sh الله يعطيك العافيه ما قصرت ع الرد وانا مفكر في شركة في كول وبروح لهم وبشوف 

اخوي ابو فرح شكرا على الافاده والله يبارك فيك ويجزاك خير 




up 0 down 0
camry grandi 99 7274
قبل 5 سنه و 11 شهر



من تجربة درايف 7 نانو سيراميك هي الافضل بمراحل ..
3 ام كريستال رهيبه وغيرهم ماجربتهم


up 0 down 0
الفراعنه 315
قبل 5 سنه و 11 شهر



الله يعطيك خيره ويكفيك شره ويبارك لك فيه
بالنسبة للتظليل انا مظلل سيارتي جيوشيلد ( ضمان مدى الحياة ) واشوفه ممتاز في العزل
تقريباً مركبه من 5 سنوات ماشكيت منه أبد ولله الحمد
والشركات كلها نفس بعض التضليل واحد ( أمريكي ) فرق السعر بسبب شهرة الوكيل أو الشركة
3M يتكلم من راس خشمه واسعاره غاليه والناس عليه مثل النمل .. ليه مدري ! :)


up 0 down 0
..original 219
قبل 5 سنه و 11 شهر