اكسبلورر 2009 و 2010

حياك اخوي اخذه امريكي يجي افخم بكثير يجي نوع اسمه ايدي بور او كنج رانش 
خذه ثمانيه سلندر  علشان ترتاح من مشاكل كوع الرديتر  للان السته سلندر شغله شوي
وقطع الغيار ممتازه ومناسبه بس خذ ثمانيه  عزم واريح الامريكي يجي فيه تبريد وتسخين مراتب
المقاعد الاماميه والمراتب قدام كهرب دعسه البنزين تقدمها وترجها كهرب
والسعر طايح فيه شوي السعودي زين ماعليه بس ناقص مواصفات وغالي شويات
عاد السعر مدري والله 

عيبه في القير والدفرنس من موديل ٢٠٠٣ الى ٢٠١٠ 
طبعا عيب مصنعي وقد لايظهر للبعض 
خذ لفه على ورش توضيب القيور اكثرها اكسبلورر من ٢٠١٠ وتحت 

ولو تبحث في قوقل راح يتأكد كلامي غير هذا السيارة رائعة ووسيعة وقطعها متوفرة واسعارها مناسبة 

اخذت امريكي 2008 بطاقة جمركية .. له سنتين معي ما شاء الله ما اشتكى من شي 

بس غيرت ثلاجة المكيف الباقي ممتاز ... و اهم شي يوم تاخذ بطاقة جمركية تطلب تقرير الكارفكس او اوتو شيك

بالتوفيق ان شاء الله

لاشك ان الامريكي افضل مواصفات مقابل السعر

وبالنسبة لرد اخونا لينكون 2011 ، اسمح لي بخالفك في نقطة معينة من قالك 8 سلندر افضل هو صحيح انك تاخذ ثمانية اريح واكبر حجم مكينة وافضل كتسارع


لكن حبيت اوضح لك معلومة ترى 8 سلندر مانزل عندنا في السعودية وحتى الخليج اعتقد وفيه بعض قطعه مهيب موجودة لأنه يختلف عن الاكسبدشن خوينا سأل عنه قبل ما يشتري

وجاب له ليمتد لؤلؤي جنط 18 فل مابعد مراتب ورا كهرب وتبريد الخ .... والحين له تقريبا 4 سنوات ماشاء الله ما اشتكى من شي حتى الحرارة عنده مايحتاج وهو بنفسه جايبه من امريكا لدبي ماخذه ماشي 93 والحين ماشاء الله دخل بحر 250 الف

تحياتي لك ياصاحب الموضوع

بارك الله فيكم جميعا ما قصرتو , اشكركم