هذا نصاب ولا يتهيأ لي
5
8
إضغط هنا للإخفاء
السلام عليكم و رحمة الله وبركاته
صبحكم الله بالخير والسرور
بدخل بالموضوع ..
هذا سلمكم الله .. لقيت واحد عارض ماركيز 2003 سعودي ممشى حول 195 كيلو
المهم الرجال طالب فيها 20 الف وبصراحة هذا سعر مغري
كلمت الرجال واتس من رقمي الاول
انا - السلام عليكم
هو - وعليكم السلام ( بعد 12 ساعه رد )
انا - كيفك اخوي عندك الماركيز 2003
هو - ايه نعم
انا - الايرباق سليم ؟
هو - نعم
انا - ايش فيها اعطال بامانه ؟
هو - علبة دركسون تكلفك 400
انا - في تهربيات او حنه او تفتفه ؟
هو - لا
انا - كم حدك ؟
هو - سيم فالموقع 18 وخارج الموقع 17500 وحدي 20
انا - اوك الله يرزقك واسف على الازعاج
_______
بعدين كلمته من رقمي الثاني
انا - السلام عليكم
هو - وعليكم السلام ( كان متصل وقتها )
انا - كيف الحال اخوي , الماركيز موجود
هو - حياك الله ايه موجود
انا - كم وصل السوم ؟
هو - 17500
انا - كيف المحركات ؟
هو - 100%
انا - جتها صدمه بالوجه ؟
هو - مدري
انا - الايرباق سليم .؟
هو - مدري
انا - المكينة مغيره ؟
هو - مدري انت افحص
انا - اوك مع السلامة
شوفوا التناقض بين المحادثتين ^
وبعدها سحبت عليه وشلتها من راسي لان واضح انه شريطي او ان السيارة ناشب له ويبي يفتك منها
الزبدة لا تنغر اذا شفت سيارة معروضه باقل من سعرها بالسوق وعلى طول تطمر وتشتريها
افحصها من الى علشان ما تقعد تولول ويصدع راسك
والسلام عليكم
إبلاغ
الردود
عرضتها في موقع حراج وجاني اكثر من 100 اتصال وعلق جوالي من الواتس
واغلب من يتصل ويراسل يقعد يسولف بالتالي كل ما تصل علي أحد اقوله إذا انت صامل تعال افحص وفكنا من السوالف
السياره ما اشرط فيها شي والفحص بيني وبينك
طبعا الصامل بيجي يعاين على الطبيعه ويعطي سومته ويلي متردد وخايف وموسوس بيقعد يستفسر من كذا رقم ويغثني فالخاص وفالعام وتاليتها ماراح يشتري
1
2
بعضهم فلوسه على قده ومايقدر يشتري الا موديل قديم وتلقاه يسأل البودي وكالة !!!
قبل 9 سنه و 6 شهر