أضف سؤال أو موضوع جديد          

تقرير عن كراون فكتوريا 2011

up 31 down 2
c a p r i c e ss 258
قبل 6 سنه و 5 شهر



                                          بِسْم الله الرحمن الرحيم
السلام عليكم ورحمة الله وبركاته ، مساكم الله بالخير
حبيت اليوم اعرض تجربتي بكراون فكتوريا ٢٠١١ وأتمنى تحوز على رضاكم وفي الاول والأخير هي وجهة نظر تحتمل الصواب والخطأ
طبعاً الموتر شريته برمضان الفائت من جده وكان ماشي ٥٣ الف كيلو والآن ماشي ٧٦ الف بعرض الايجابيات والسلبيات على شكل نقاط :
الايجابيات : ١) السعر العادل مقابل الخدمة والراحه
٢) صرفية بنزين معقوله لمحرك ٨ سلندر
٣) العزم والتسارع ( صراحةً بالذات ذَا الموضوع يعتمد على مقارنتك للسيارات السابقة لك ولكن اصنفه بعزم طيب  خاصةً بالسرعات العاليه والعقبات أمّا من الصفر لك عليه ) 
٤) الحراره ثابته على النص بجميع الأحوال والظروف 
٥) قطع غيار رخيصه بالنسبة لدرجة موتور كرفت أمّا الأصلي مرتفع ولكن جودة الموتور كرفت جداً ممتازة 
٦) الراحه تنقسم لاقسام : بالنسبة للمقاعد مريحه ولكن القديم موديل ٩٩ اريح وبالنسبه للمطبات يعتمد على نوع المساعد لانه في موديل ٢٠١٠ و٢٠١١ نزل الفكتوريا الاستاندر بمساعدات قاسيه للاستعمال الشاق وتعطي رساوه ممتازة ولكن جداً جداً قاسيه واسمها  heavy duty shock absorber
٧) النور مستوى إنارته طيب بالنسبة للموديلات القديمة ويعتبر مثل قوة إنارة معظم السيارات بشرط نظافة الشمعات وكونها الاصليه
٨) مساحة ووسع الداخليه والشنطه جداً ممتاز وفيه بعض الضيق للمقاعد الخلفية 
السلبيات :
١) حجمه كبير وينفع للسفر اكثر من داخل البلد 
٢) مافيه رساوه 
٣) عزل الهواء نص ونص ولكن حسب قوة الهواء 
٤) جودته طيبه لحد ممتاز ولكن بأمانه ليست بجودة الموديلات القديمة منه أبدا 
٥) دينمو القزاز يخرب وخاصةً بموديلات ٢٠٠٦ وفوق بدون سبب 
٦) خامة الجلد ليست عمليه أيضاً ويبين الوصخ على طول ولكن اللون له دور ( هلوز ) 

وفي الختام اسأل الله ان يوفقنا وإياكم لطاعته ويبلغنا رضاه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام و رحمة  الله  وبركاته

مساء النور

شف أخوي انت أصبت بكل شيء إلا الرساوة انا جربت موديل 99 و حياليا معاي 2005 للامانة فرق كبير بالرساوة لموديل 2005 لكن 99 معدوم الرساوة 

يعني امشي 170 ما شاء الله السيارة ثابته لكن موديل 99 مستحيل أتعدى 130 أتكلم عن رساوة الخط لكن منعطفات رساوة مقبولة و لاننسى أنها دفع خلفي يعني إذا بتأخذ منعطف على سرعة بتهج معاك مقارنة بالدفع الامامي اللي يتعبر أثبت بالمنعطفات بشكل أفضل من الخلفي لكن في الاخير الدفع الرباعي هو اللي ثابت بالمنعطفات

و مشكور على طرح تجربتك و عسى الله يبارك لك في سيارتك


up 5 down 1
عبيد البدر 58
قبل 6 سنه و 5 شهر



الرساوة بخط مستقيم ممتازه لكن بمنعطفات لو بسيطه اقولك الاكسنت افضل هههه

بالحراره صدقت ماشفت مثلها موتر اخذ موتر اخوي قديم موديل  2000 تنسى شيء اسمه حراره
انتظر بالساعات والمكيف شغال وبمواقف مافيها هواء  اشجار يعني لو فيه هواء راح تحجبها عنك السيارات والاشجار
وماشاء الله ماتتحرك الحراره ابد وهذي اعتبره ميزه إذا تحرك عداد الحراره تعرف ان عندك خلل بعكس بعض السيارات
طالع نازل  ماتدري وش الوضع الطبيعي هههه

بالعزم اشوفه ممتاز على وزنها ولاننسى انها مصنوعه للكرف وليست للسباق ومع ذلك عزمه طيب بالحيل
والراحه ليست الراحه المطلقه لكن الامريكي مركبه شيء اخر فيه كثير سيارات اريح وعزل افضل 
لكن الامريكي تخصص طرق وسفر 

والله يعطيك خيرها ويكفيك شرها 


up 5 down 1
المنطق يقول 728
قبل 6 سنه و 5 شهر



الفورد ضيق من الداخل صراحة
اذا قارنته بسيارات ثانية مثل الكامري

الفورد تصميمه كله شنطه و كبوت
اسيء تصميم و استغلال الداخلية





up 6 down 11
مخاوي الطرقة 394
قبل 6 سنه و 5 شهر



بعد تجربه طويله
الرساوه تعدلت في المديلات الجديده لكن ماوصلت للشكل المطلوب مع المنعطفات بسبب حجم السياره وكبرها
عندي الالنترا مع لفات الهدا اقصها افضل من الفيكتوريا والماركيز
لان الالنترا اصغر ونظام تعليقها مقصات 

الفورد اخاف اقص لفات بشكل قوي
الانوار سيئه لكن تحسنت شوي فالماركيز من 2006 لكن برضه ماتكفي الحاجه

بخصوص العزم فالقومه ضعيفه مره 
بس كان عندي مركيز 2006 امريكي كرونته X5 وشكمانين شد بلده

قومته بصراحه مجنونه وهذاك اللي تحسفت عليه ماهو مثل الباقيات

الراحه بصراحه المديلات الاقدم اريح وانعم
الجديده اقسى لكن اذا كان هيدروليك بتزيد راحته لكن مابتوصل مثل القديمه

سياره عمليه بحته كنت اصلح فيها بنفسي ماعاد بنلقى مثلها
الكرسيدا توقفت وكانت اخر سياره يابانيه عمليه درجه اولى
والان اعتبر الفيكتوريا والماركيز اخر سيارات امريكيه كانت عمليه


up 10 down 2
شويخ من أرض مكناس 2824
قبل 6 سنه و 5 شهر



يارجال اقسم بالله ان الفورد سواء ماركيز او كراون فكتوريا 
انه يسوى قيمته ريال ينطح ريال 
والشركة ما وقفت تصنيعه الا لانه يدوم ويدوم ويدوم ويدوم
بغض النظر سلبياته قليل ولكنه اثبت انه يعيش معك مع المحافظه 
وقطع الغيار رخيصه 
وكل واحد يعرف مشاكله ويصلحه


up 5 down 1
alssamer 36
قبل 6 سنه و 5 شهر



حياك اخوي عبيد البدر سلمت على الدعوة الطبيه انا ذكرت انه الموديلات الجديده فيها رساوه مقارنةً بالقديم وخصوصا في اللفات ولكن مازالت متدنية وسببها الحجم الكبير ولكن هي في الاول والأخير تحس انها للناس الرايقه اللي حبه حبه مع اللفات

اخوي المنطق يقول فعلاً رساوتها بالخط ولكن مع الهواء القوي تبدأ تلعب شوي وهذا طبيعي  وأما بخصوص الاكسنت فعلاً أرسى وعزم الفورد طيب جداً بالنسبة لي وانا من النوع اللي يثبت على ١٢٠ ويستمتع بالخط خصوصاً أني أسبوعيا اسافر وتطربني راحته ووسعه بالخط مع انه كما ذكرت فيه سيارات اريح وأرسى بكثير 


up 1 down 0
c a p r i c e ss 258
قبل 6 سنه و 5 شهر



حبيبي مخاوي الطرقة اسمح لي بمخالفة رأيك الفورد أوسع بالنظر او بالارقام والمساحات اما عن استغلال المساحه ففعلاً كلها شنطه وكبوت وكان بإمكانهم استثمارها شوي بالمقاعد الخلفية والاختلاف لايفسد للود قضيه

هلا بشاقح حياك فعلاً الالنترا جربتها إيجار مع الهدا جداً ممتازة وتقص اللفه وانت متحكم صح لكن الفورد بعض الأحيان يخذلني باللفات ماتدري الا وانت متوجه للصبات ههههه 
والأنوار لابأس للي نظره طيب ومواصفات اللي كان عندك جداً حلوه وعزم وفزه لأَنِّ اخوي عنده ٩٩ شكمانين وهيدروليك الصلاه على محمد عزم وراحه وانا اعتبرها اخر سياره للطيبين 

Alssamer حياك ربي كل اللي ذكرته صحيح بس اعجبتني كلمه يدوم ويدوم تحسها دعاية فيري هههههه الله يسعدك
  


up 3 down 0
c a p r i c e ss 258
قبل 6 سنه و 5 شهر



تم توزيع اللايكات للجميع 
تذكير : صلوا على من صلى عليه الملائكة اجمعين محمد صلى الله عليه وسلم 


up 4 down 1
c a p r i c e ss 258
قبل 6 سنه و 5 شهر



لاااااااااااايك


up 2 down 2
أأبو نوااف 1641
قبل 6 سنه و 5 شهر



انا اعشق الماركيز ٢٠٠٣ اللي جاه GSL شاص طويل اذكر اعلانات الحاج حسين عنها اللي تجيك فل كامل 


up 3 down 3
benz lover -77
قبل 6 سنه و 5 شهر



benz lover الماركيز GS ستاندر و GSL ستاندر لارج الفل كامل يجي LS ومايجي منه طويل كانت محصوره فقط في الستاندر سوا سعودي او امريكي 


up 1 down 1
abdulaziz al-malki 981
قبل 6 سنه و 5 شهر



شكراً لكل من شارك وأبدى رأيه او بِ لايك 

اخوي بنز لوفر الفورد مافيه أطول منه كمان شاص طويل اجل يبغالك كاميرات ٣٦٠ وحساسات ويالله الخراج 


up 1 down 0
c a p r i c e ss 258
قبل 6 سنه و 5 شهر



صادق والله واللنكولن تاون كار طويلة زيادة بعد قلق بالمواقف مرة وشكرا على موضوعك ياعسل


up 1 down 0
benz lover -77
قبل 6 سنه و 5 شهر



اخالف الشباب اللي يبغون الفورد زي تحكم الالنترا لو صار ذا الشي يطلع غلط
 الفورد لها ستايل نفس الرود ماستر والكابرس الامريكي يعطي السواق شعور السفينة
وهي اصلا تنافس هذه السيارات فقط الى ان بقيت وحدها في الساحة

اما المقاعد الخلفية الفورد اربع مقاسات واصغر مقاس هو الاكثر طلب
 (2) للفكتوريا والماركيز و (2) للتاون كار وافضلهم بالنسبة لي من ناحية الوسع ولمة السيارة التاون كار شورت

اما موتر كرافت ذكر الكاتب انها مو اصلي وهذا غير صحيح، نصف قطع السيارة لما تطلعها وكالة هي موتركرافت 
وهذا موضوع يوضح ماهي موتركرافت
http://www.ford4arab.com/vb/t85154.html



up 0 down 0
زوبعة 464
قبل 6 سنه و 5 شهر



استخدمت سابقا فكتوريا 2011 وكالة ... ممتازجدا لكن عيبه الرساوة ومفهومها لف بسرعه على مخرج او زاوية صعبه والله يعينك ... البريك سيء نوعا ما... المراتب الامامية ممتازة لكن الخلفية فيها ضيق وسببها عدم استغلال مساحة الشنطة.... لاحظت مع فترة استخدامي سنة زادت صرفية البنزين وسببها حساس الشكمان...لكن بالاخير تبقى الموديلات الاقدم من 2006 اريح بكثير وملاحظ


up 1 down 0
الفراعنه 315
قبل 6 سنه و 4 شهر



معي ٢٠١١
كيف اخليها مريحة لاقصى درجة
وش المتطلبات وكم التكلفة


up 0 down 0
majid.bo3 105
قبل 3 سنه و 8 شهر



ياجماعه هو مافيه تشغيل عن بعد ؟


up 0 down 0
ابونوافالسبيعي
قبل 2 سنه و 10 شهر



هل يركب له حساسات من غير ما يؤثر على الكهرباء حق السيارة


up 0 down 0
abukaled144 41
قبل 2 سنه و 6 شهر



الي يفرط في الفور كأنه فرط في أولاده... سياره قويه جدا وقطع غيار ببلاش تحتاج كفرات أمريكي اصلي وبس


up 0 down 0
0549858925
قبل أسبوع و 2 يوم