إستشارة وماخاب من استشار

وعليكم السلام ورحمة الله وبركاته

بالنسبة انك خايف ما احد يقدر يفيدك هنا وحنا ما نعرف الرجال

ولا تدري وش الظروف هذا انت كنت موظف وفصلت 

ولكن لو تسلم السياره لهم ولو طالبوك بدفعه عشان تقفل العقد وضح لهم انك ما تقدر تسدد اصلا

وانك بدون عمل الفترة الحالية واذا طلعوا حمير تكرم ما يفهمون مالك الا تقبلها 

ولكن لا تقبلها لواحد توه متوظف ما يدري وين رأسه من رجوله يحسب الراتب يكفي وبكرة يتورط

شوف لك رجل عاقل يعرف وش الصح والغلط وان شاء الله تتسهل

نظام البنك يأجرك سيارة وفي حال عدم الرغبة باكمال الاقساط يعملك حسبة تأجير نظامية
عدد الأشهر * ( وسطي تسعيرة ثلاث مكاتب تأجير لنفس السيارة )
ويقابل المبالغ بالمبالغ المدفوعة
طبعا بيطلع عليك مبلغ وقدره
في حال التنازل البنك بيعيد الحسبة على انها سيارة مستعملة يعني كإنه يبيع المستخدم الثاني سيارة مستعملة
طبعا النسبة بتختلف اكيد بترتفع
اذا في واحد يكمل الاقساط عنك خذ عليه الضمانات الي تبغاها وحط اسمه مفوض
بس بتقابلك كم مشكلة المخالفات بتنزل على اسمك وانتا المسؤول امام البنك في حال الحادث لا سمح الله
في حال لعب عليك وماكمل الاقساط بامكانك تلغي تفويضه
وترجع نفس العلة الأولى
الافضل انك تتنازل بدون مقابل او تنزل المبلغ المطلوب بحيث يتناسب معك ومع العميل الجديد اللي بياخذ السيارة
وربي يوفقك

الله يعطيكم العافية
حكاية أرجعه للبنك طلع المبلغ حول٣٠الف هذا مِن غير العداد وكمان فيها حسبة شركات التأجير
والمقدم ماراح يرجع ولا شي منه..