استفسار عن موستنج 2013 6 سلندر احمر

يعني طالعه عليك 89000 . و سته سلندر .. اشوووفه مبالغ جدا

مجموع الي رح تدفعه انت 
89 الف 
ممشی السياره واضح قليل
وزي ما تقول نظيف
لاكن 89 الف احسه غالي حبتين
لو تكلمه ينزل من مبلغ التنازل شوي يكون كويس !
موفق ياغالي

طب اخ حسن لو اخذتها من دون مقابل بس اكمل الاقساط؟ ممتازة صح ؟

وفي تفاوض انو مبلغ التنازل يكون 10000 ريال ؟

حدودها . للسبعين اجمالي ممتازه . 

اخوي نصيحه ابعد عنها الموستنق اذا ماجتك 8 سرندل مو موستنق مع احترامي للي معاهم 6 سرندل لانه لو اشتريها راح تحصل النترا 2000 cc شاطفك ههههه
وبعدين ترى قطع الـ 6 سرندل لازم طلبيه وفوق هذا شوي سعرها غالي عكس الـ 8 سرندل

ياعالم 
ترا تشتري سيارة كاش شي وتشتريها تمويل شي 

السعر حلو توكل على الله 

والي رد يقول غالي خليه يجيب ارخص ونشوف

ابتعددد عن ال ٦ سلندر نصيييحة

سياره سبورت و6 سلندر ماتصلح وراح تتوهق بعدين في حاله البيع خذلك سياره عمليه وسعرها يمسك في هذا المبلغ والله الموفق ..

السياره قيمتها كاش حدود 80 الف اللي مثلها

وهي بتطلع عليه اقساط 89 وين غالي بالعكس سعرها مناسب وصيده بعد

اللي يقول لو تطلع اجمالي 70 وين صاحي انت تبيها اقساط ارخص من الكاش بعد

بعدين 6 سلندر ماهي ضعيفه اعتقد حوالي 300 حصان ماهي حقت مقاومات ولكن تعتبر حلوه 

السعر مناسب يا راعي الموضوع حتى لو بنفس العرض اللي ذكرته تراها حلوه لا تنسى انها اقساط

اضافة الى هذا مأمنه تأمين شامل 

يعني قيمتها كاش حوالي 80 بدون تأمين شامل

هذي 89 مع تأمين شامل سنتين يعني سعرها اقساط بسعر الكاش

اترك عنك اللي يقولون غاليه ما بتحصل ارخص من كذا لو تجلس سنه تدور

2013 وممشاها 18000 الف تعتبر جديدة ماشاء الله

واذا بديها وكالة والموتر وقفته زينه ولا يشتكي من اي اعطال يعتبر لقطة ، ولا بتحصل مثل ممشاها وبنظافتها وسعرها لو بعد خمس سنوات


الحين حنا نشوفها قدام عينا 2008 كم تنباع عليه

لايهمونك اللي يقولون ستة سلندر ، الناس تسمع ان الستة ضعيف ومدري وشوا انا منيب جالس اقاوم خلق الله واخرب موتري انا الله حق في راسي الموستنق ولا افكر لو بشتري الا في الثمانية لكن مايدل ان الستة سيئة بالعكس عزمها حلو وتنفع للهادي اللي مهب راعي مقاوم واقتصادية كانت مع قريب لي ممتازة لابعد الحدود


خلاصة الكلام كانك مقتنع فيها وتبي الموتر توكل على الله تراها لقطة


بالتوفيق

لازلت اشوفها غاليه . لانه 2015 و 6 سلندر اسعارها تبدا من 90 الف . وهي جديده . هذي كوبيه و2013 و6 سلندر ويقولي 89 الف .....   مبالغ حتى لو هي اقساط

متأكد 2015 ب 90

حالياً فيه مبالغه بأسعار الموستنقات مدري ليه !! فرق الاسعار عن قبل سنه


برأيي موستنق ماهو 8 حرام تاخذ :) وبعدين بهالسعر تلقى لك 8 2013 من برا وحتى هنا او بالامارات تلقى

يا اخوان شاكر لكم جميعا ردودكم

و الله انا السيارة في نفسي بس حبيت اخد رايكم 

بس انا متحير ناس تقول ممتاز و ناس تقول غاليه هههههه

بس كيف موديل 2015 ب 90000 ريال مستحيل اخي الكريم

و انا اصلا ما ابي 8 سلندر اشوف 6 ممتازة و انا سقتها يوم كامل عن تجربة و ما شاء الله السيارة حلوة

ولكن صراحة خايف من قطع غيارها الاستهلاكية 

الموستنج سيارة عمليه ما كأنها سيارة سبورت 

اذا انت هاوي الموستنج اشتر وانا اخوك ولا تخلي شيء بخاطرك 

الواحد بيعيش مره وحده بهالدنيا فياخذ اللي يبيه ودامك مقتنع منها ان شاء الله انها طيبه وما منها خلاف 

بالنسبه للسعر اشوف انها مناسب بحكم ممشاها وانها اقساط اشوفه مناسب جدا

السلام عليكم اخوي
انا كان معي موستنغ 6 سلندر كشف وارد امريكي كانت ماشيه بحدود ال 120 الف اول 6 شهور كانت ممتازه ومن بعدها ابتدت المشاكل تكيف وكرونه ومساعدات ومشاكل في القير وبعتها وخسرت فيها حوالي الاربعين الالف مثل ماقالو الشباب سيارة حلوه ولكن ال 6 سلندر لانصحك بها لان قطعها غالية وعند البيع الكل يقلك 6 سلندر غير مرغوبه
وفي الاخر الله يخترلك الي فيه الخير يارب

انا معايا ٢٠١١ سته سلندر السياره ماشاءالله من ابدع مايكون من ناحيت قطع الغيار متوفره والحمدالله ماواجهتني اي مشاكل وتعتبر رخيصه ومعقوله ومن ناحيت العزم زي ما قالوا الاخوان ٣٠٠ حصان تقوم مع الثمانيه من الشكل القديم واغلب الي يقول ان العزم تعبان انا ابصملك انو ماركبها ولاجربها انا عارف ان راعي الاعلان يمكن اشترا وخلص بس حبيت ان الناس تستفيد الي تبغى تشتري