لمن لديه خبرة بالموستنق الكشف

لا تشتري سياره رياضيه مستخدمه بتعببك نصيحه

وعليكم السلام ورحمة الله 

الموستنج عشقي الابدي وكل ما جيت اقبل على شرائها اخاف من اصحابها وللعلم كان معي قيمة 2007 v8 لكن ترددت 

واللي رددني لأني ما اعرف كيف يستخدمها راعيها 

يمكن لاعب فيها لعب وتطيح في كبدي وانا من الناس اللي تحافظ اشد المحافظة عشان كذا ما اشتري الا نظيف ومضمون 

فقررت شراء سوناتا امريكيه من صاله صح العزم لك عليه بحكم انها 4 سلندر لكن سيارة تقضي اللزوم وعزمها مش بطال 

الموستنج شاريها شاريها بأذن الله امريكيه من صاله هذي تضمن استخدامها وبيجي عليها ضمان من الصاله 

اما الاستخدام السعودي ما ينبغى بريال خصوصا السيارات الرياضيه والكوابرس والدودج والكرايسلار 

اذا تبي موستنج خذ من صاله اريح لك وافحصها على راحتك 

وبعدين انت بنفسك تقول ال R فيه مشكله وحاط هيدرز غير الوكاله يعني الرجال لاعب فيها 

انصحك بالابتعاد عنها يا تاخذ شد بلد ووقت الفحص مافيها اي شيء والا ابعد 

انا انصحك بحكم اني احب هالسيارة ومابيك تكرهها بسبب استخدام الناس لها وانت الضحيه

فيه زر حول زر الدرايش تنزل القزازتين منه 

و الفحص يبين كل شيء 

اخوي نصيحه سياره سبورت لاتاخذها مستخدمه بتتعبك

فيه زر ثاني للقزازتين الخلفية ينزلها لكن تأكد يمكن خربان وتراه مايفتح لين تفتح الكشف

والافضل في المواتر هذي تاخذ عايدي افضل واطرب تتحكم بالنمر انت

والهدرز ماعندي علم عنه وشلون ترجعه وكالة ولا احب افتي لك

بالتوفيق

حسب علمي الموستنج 6 سلندر قطعها مو متوفرة مثل الـ 8 سلندر عندنا
كنت بشتريلي واحد قبل سنة تقريبا وسألت بس الـ 8 طلع غالي شوي وخفت الـ 6 يتعبني بصراحه
وشلت النظر عنه واخذتلي فكتوريا فل الفل الحمدلله
وزي ما وضحوا الاخوان صادقين موتر رياضي وعندنا بالسعوديه !!!
يا انه راعيه زر زر فيه لين قال بس
فلو تعيد النظر أفضل
مجرد رأي

الطقه الي تقولها هاذي في القير بعد فتره تفوا ولازم توضيي وشغله وماتزب انحش انا اول ما افحص السياره اشوف القير ايذا فيه طقه لو االموتر مافيه الا الطقه ذي ماخذته

يعطيكم العافية ما قصرتو يا رجال