فيروس .... تراني أعرف

اغلب الردود او الاراء بناء على تحارب مماثله حصلت 

وليس بالضروري ان يكون هو الحل الصحيح

مجرد احتمالات ان يكون الخلل نفسه بناء على التجربة الحاصلة سابقا

يعني يقربون لك الحل بدون مايتعلمون عليك السباكين

وان ماجاز لك كلام الاعضاء عندك الصناعيه خلهم يتعلمون عليك
وتعال بكره تبكبك عندنا هنا وافزعوا لي ووقفوا معي ودلوني

بخصوص كلامهم فهو اكيد مثل ما قال الأخ xpoldx هي بناءً عن ما سمعو من تجارب او تجارب واقعيه حصلت لهم

وبالعكس انا اشوف الغلط مو فيهم الغلط انه الي يطلب الحل يصدق كل كلامهم ويروح يجربه كله !! 

لكن الطريقه الصحيحه للإستفاده هي إن الجميع يشارك ويقول ما عنده 

وبعد كذا مع كثرة المعلومات تزيد خبرت السائل ويزيد وعيه ويبدأ يقرا اكثر في النت من ناحية التجارب والاسباب والاعطال
حتى يروح يشوف في اليوتيوب بعض المقاطع عن تركيب المكينه او السيارات ومكوناتها ويبدأ يتعلم اكثر

وراح يكتشف المشكله بشكل أفضل وأصح 

الطريقه الصحيحه انك تعرف مشكلتك بالضبط انك تعرف جميييييع اعراض المشكله واسبابها وجميييييع حلولها 

وبعدين تبدأ تفلتر هذه الأشياء 

لكن يجيك واحد برأي واحد وخلاص مافي الا هذا الصح فذا الكلام مستحييييييل خصوصاً إنك ما شفت السياره ولا جربتها
ولا فحصتها كيف تعرف المشكله بالتحديد 

لكن اعضاء المنتدى مطالبين بإعطاء المعلومات والتجارب وصاحب المشكله هو المطالب بتحديدها بعد أن إكتسب 
الكثير من المعلومات !! 

ياخي دخلت الموضوع مو عارف حل المشكله مو شرط تجاوب ، ما احد ضربك على يدك وقالك تعال رد على الموضوع وافتي من راسك 
يا دخل وتتشرف ساكت وتتابع الاخوان وتعرف حل المشكله ،، او تدخل تقرا الموضوع وتطلع ما احد درا عنك ،، بس تكفى لا تسوي فاهم وتسوي فيها معلم وعارف جميع الخرابات هههههه

+1 

بالمختصر المفيد اللي يرد من راسه يبي لايكات وبس زي اللي يقولك لمبة الماكينة مولعة يقلك موية الرديتر ناقصة الغباء لا دين له !

اخوي xpoldx :-
انا ما أقصد الاجابات اللي تجي حسب التجارب
اعطيك مثال : يجي واحد يقول سيارتي كل شوي تطفى ويجيك المدرعم يقوله حساس الكفر
ياخي ما تدخل الراس ، 
المقصد يا عزيزي من الافتاءات اللي قاعد اقراها ، 

اخوي ابديت :-
صادق والله بكل كلمة قلتها ، وبصراحه اسلوب اللي يجيك برأي واحد هذا اللي غابني والله
ما اقول الا الله المستعان

واحلى لايك احمد وبنز لوفر
بس مين اللي يفهم !!!

^^^ انا شفت ردك ع موضوع ومعاك حق ١٠٠٪ 

الله المستعان ... لكن لاتقولو غباء او شيء من هذا القبيل فكثير مسجلين هنا ليستفيدو من خبرة الناس الفاهمة هنا ... وأكثر الردود هنا نظف الفلاتر والثروتل وغير بواجي واسلاك بواجي وتروح المشكلة بأذن الله واذا ماصار شيء ارجع وبقول لك شيء ثاني ..


حتى هنا في سباكين تحت شعار الخبرة انا

صاحب الموضوع انا لا لا اتفق معك في هذا الموضوع
ابو يارا
لان مافيه احد يقدر يحل المشكله بمجرد السماع عنها

فعندما تحدث مشكله الشباب يطرحون حلول بسيطه ماتكلف ولا ريال ممكن يعملها صاحب المشكله قبل مايتخذ حلول كبيره

فبعض المشاكل تصدر من اوساخ داخل الثروتل مثل الكتمه والتقطيع
وصاحب المشكله تلقاه طرح المشكله وماحدد كم ممشى سيارته وايش الصيانات اللي سواها وكم مشى على البواجي و و و و
ويبغى الخبراء يعطونه الحل الجذري على طول !!!!

ياخي اذا كانت تحدث مشاكل وتروح الورش ويفحصون علاطبيعه ويعطونك حلول وخيسرونك واخرتها تبقى المشكله موجوده
فكيف تبغى الشباب يحلون وهم مايدرون عن سيارة صاحب هل مغير بواجي هل تحتاج تنظيف بخاخات وهل وهل

لذلك هم يطرحون الحلول السهله البسيطه ثم بداؤون بطرح الحلول الاكبر
انا قد طرحت مشكلة صارت معي القير صار مايعشق وتطلع ريحة كلتشاته ويفصل ومحد لقي حل لها غير توضيب او تغيير قير
واخرتها طلعت كلها فيوز غيرته وانحلت المشكله وبالصدفه انكشف هذا الفيوز

فيه عندك مشاكل تتشابه في نفس الخلل على المكينه ولها حلول كثيره
فمثلا تقطيع السياره وضعف العزم لها اسباب كثيره
1-استهلاك بواجي
2-اوساخ فالثروتل
3-تعرض البخاخات لشبه انسداد
4-اسلاك بواجي شبه مفكوكه + اسلاك كويلات
5-تهريب شرار من جلد الكويلات
6- حساس الدعسه
فلو طلعت هذي المشكله شلون تبغى الشباب يعرفون السبب من هذي الاسباب السته من اول لحظه !!

الشباب ماقصرو مجتهدين
يعطون الحلول البسيطه والسهله واذا مازبطت يعطون الحلول الللي بعدها

لاتتوقعون فيه احد وصلت فيه خبرته انه يعطيك حل بمجرد ماتشرح له المشكله
الا اذا كان سكوتي كيلمر فهذا شخص نادر وله 46 سنه خبره فوضعه غير

ياخي اذا كانت الورش بنفسها وفحصها عالطبيعه اقوات مايعطيك حل من اول مره وتروح لورشه ثانيه ويعطيك حل ثاني