هل جميع السيارات استخدام امريكي مرشوشه ؟

لكل سيارة سماكة معينة وهالمراكز تعرف سماكة بوية المصنع طبعا افضل جهاز يكشف الرش هو جهاز الهاندي الألماني لانك لو جربته على سيارة وكالة تحصله يعطيك نفس الرقم تقريبا على جميع السيارة فدام قالك المركز مرشوش بعد الفحص بهالجهاز فاعرف انه فعلا مرشوش ولكن مسألة مرشوش للتجديد ام لا فهو كاذب لانه ممكن يكون غير الرفرف كامل ورشه فكيف يعرف انه مغير ؟؟؟

حسب علمي معلومتك صحيحة بس اذا كانت مرشوشة في امريكا فجودة البوية قريبة جدا للوكالة لان ما عندهم بويات مصري وصيني في امريكا
اعتقد هم يرشون السيارات عشان تناسب المواصفات السعودية و اجوائها الحارة
اذكر زمان كانت كل السيارات الأستخدام ما تطول و تشهب بويتها والآن لا

ليست كلها الرش يتم رش الصدمات الامامي والخلفي لنها يوم يتم شحنها بالعبرات تكون السيارات صدماتها متلاصقه ببعضها وترش هنا اما البدي مثل الفورد تعرف اذا مرشوش لنه في كل مكان استكر ورقم للهيكل اذا انرش راح يروح الاستكر وهو في الصدمات من داخل وفي الابواب والرفرف 

أنا شريت فورد بطاقه والحمدلله فحصته مرنتين قبل ما أشتريه فحص عند شيخ المعارض وفحص عند مركز ونتيجة الفحص مطابقه والحمدلله مافيه ولا رش

خذ شوري ونصيحتي وانا اخوك

أغلب السيارات الإستخدام تجينا مروشة رشة نظافة ويمكن مع معجون بسيط جدا ولكن مو رش كامل 
ممكن رفرف او باب او اكثر
واغلبها تنرش صداماتها هنا

اجهزة الفحص المستخدمه تختلف من جهاز لجهاز
وكل جهاز له مقياسه الخاص
وكلهم بنفس التقنية

بعض مراكز الفحص عندها الاجهزه لكن اللي يفحص ما يفهم يقل لك مرشوشه وهي ماهي مرشوشه او يقول لك ماهي مرشوشه و هي مرشوشه
خصوصا اذا كانت القطعة مغيره
مثلا يجيك رفرف جديد و مضروب بلون السياره و تجيك سماكته اقل من سماكة السيارة كامله و يجيك الفاحص يشوف الرقم ناقص مو مرتفع فما يقل لك شي
يمكن يقول السيارة كلها مرشوشه ما عدا الرفرف

يعني ما عنده سالفه

الفحص ما يعتمد على الجهاز فقط ولكن يعتمد على اللي يستخدم الجهاز اكثر

و الرش في امريكا مو لازم يكون مضبوط مثل رش الوكالة..لا تفكروا يا شباب ان الشغل في امريكا لا زم يكون مضبوط

و التجار هنا ما يجيب النظيف السليم من الرش لانه ما حيتكسب فيه المكسب اللي يبغاه
لان النظيف في امريكا غالي
فيجيب المرشوش واذا جا هنا عطاه صنفره خفيفه مع طبقة تلميعه كامله حتى تشوف الموتر يلق

اماكن الرش مثل ماقالو الشباب ممكن تنكشف بالاستكرات
و في واحد معلم في مركز كارتك في الرياض يقول الياباني فيه ميزه..تفتح الابواب الامامية تلقى جلده سوده خفيفه مهما كان لون السيارة ونوعها

و معلومه باعطيكم اياها
اذا جيت تفحص السيارة المستورده اطلب من الفاحص يفحص السقف!!
ليش؟؟
لأنه بعض التجار ينقل في الكونتينر الواحد 4 سيارات 2 تحت و 2 معلقه
ومع النقل و التحميل و الشيل و الحط ممكن تتأثر الأسقف من الخارج و تدخل على جوه او تنجرح و يصير يبغالها سمكره
او احيانا تكون السيارة في ولاية ثلجية ويجيها دقات برد من فوق فتلقى السقف مطقق فالتاجر يضرب السقف بويه مع تعديل المشكله بالمعجون إذا ما كان فاهم
و إلا طقات البرد تروح بجهاز الشفط او بالثلج

حبيبي باعطيك العلم الأكيد طريقة الرشة بالمصنع تختلف عن الرشات بالورش وخلافه وحتى بامريكا فتجد سماكة البوية تقريبا ثابتة على معظم اجزاء السيارة لأن المصنع يستخدم الكمبيوتر في طلاء السيارة وهذا الكمبيوتر يحدد سماكة البوية ولهذا السبب صنعوا اجهزة الفحص ولايغرك اللي يقول الجهاز مايطلع لانوا الجهاز لو اختلف الرقم فاعرف ان السيارة مرشوشة وانا بنفسي رحت الوكالة وفحصت الاكورد وحصلت كل السيارة 4 ملم من قدام وورى والرفارف وفحصت كذا سيارة بس اهم شي تعرف ان سماكة البوية تختلف من مصنع الى اخر ومعظم السيارات المستوردة تجينا مرشوشة اجزاء منها او كاملة والله اعلم

يعطيكم العافية جميعا