X موضوع فيه فائده للجميع بإذن الله واتمنى من الكل الدخول X
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمة الله وبركاته
كيفكم عساكم بخير ان شاء الله
الوالد طلع له اكسبدشن 2014
وبما ان السياره جديده , فلابد يغير زيت المكينه بالمقاس الموصى به من المصنع , وهو (siz(20w5 اللي يمشي 10 الاف كيلو
مشا على زيت الوكاله اللي كان موجود بالسياره 5 الاف كيلو , و من الاهتمام قال بغيره , وراح عند أكثر من محطه وكان السعر تقريبا 300 ريال
6 علب مقاس (20 دبليو 5 ) من شركة والله نسيت اسمها لكن معروفه , مع سيفون موتر كرفت اصلي ب 300 ريال تقريبا , ابو 10 الاف كيلو
طبعا سعر العلبه كان ب 45 ريال , وكانت الاسعار من 40 ريال الى 60 ريال على حسب الشركات لمقاس ( 20 دبليو 5 )
اخذ النوع اللي تقريبا وسط ب 45 ريال العلبه مع سيفون اصلي ب 25 ريال وكلفته تقريبا 300 ريال كأي سعر محطه اخرى لا هو غالي لا رخيص ( طبيعي )
ومشاه فعلا 10 الاف تقريبا بدون نقص ولا قلب لونه وممكن يمشي اكثر لكن الوالد من زود الاهتمام كل 10 الاف بالكثير
وقال ابغير بنفس الرقم هذا , لانه كويس ويمشي 10 الاف كيلو ونفس المقاس الموصى به من الوكاله
وكان بيستمر عليه الى الابد
لكن انا قريت رد لاخوي ( سكودر ) بخصوص الزيوت , وما راح انسا جميله ومعروفه ابدا , وكان بالامكان أنسب هذي الطريقه او الاكتشاف لنفسي
لكن لاعتراف بما قدمه لنا الآخرون ولو كان مجرد قول او نصيحه ما كلفته شيء , يبقى واجب علي الاعتراف به , لانه يبقى معروف و بمثابة عمل خير أسداه أحد أصحاب القلوب الطيبة إلى آخر من دون انتظار جزاء ولا شكر
واشكر اخوي ( العضو سكودر ) من هذا الموضوع
طبعا كلمته بالخاص , وعلمني المحلات اللي تبيع الزيوت بالجمله , باسعار جدا مغريه خصوصا الزيوت الغاليه اللي العلبه ب 40 وطالع
وكلمت الوالد بخصوصها , وفعلا راح لها والموقع بالصناعيه ( إم الحمام ) بمدينه الرياض
وتدورن بكم الكرتون فيه ( 12 علبه ) مقاس 20 دبليو 5 !!! >> ب 180 ريال فقط
وتدورن من أي شركه !!! >> من شركة موتر كرفت ( فورد ) أصلي " حق الوكاله "
يعني العلبه طلعت ب ( 15 ريال فقط والشركه موتر كرفت فورد والمقاس الموصى به من قبل الوكاله ) >> بدلاً من 45 ريال ومن شركة اخرى
والسيفون اخذه ب ( 15 ريال أصلي موتر كرفت ) بدلا من 25 ريال
وراح غيره عند اقرب محطه , وكلفته :
6 علب ( 6 علب × 15 ريال ، قيمة العلبه الواحده ) يساوي = 90 ريال
السيفون = 15 ريال
قيمة التغير ( شغل اليد عند محلات تغير الزيوت اللي بالمحطات ) = 15 ريال
المجموع :
90 ريال ( قيمة العلب السته ) + 15 ريال ( قيمة السيفون ) + 15 ريال ( قيمة شغل اليد )
90 + 15 + 15 = ( 120 ريال )
____________________________________________________________
السعر السابق لدى المحطات ( محلات تغير الزيوت واسعارها )
6 علب ( 6 علب × 45 ريال , القيمة المتوسطه للعلبه ) يساوي = 270 ريال
السيفون ( المتوسط التقريبي 25 ريال ) يساوي = 25 ريال
المجموع
270 ريال ( قيمة العلب السته ) + 25 ريال ( قيمة السيفون ) = 295 ريال
______________________________________________________________
والاسعار من محطه واخرى تختلف , مثلا السيفون تحصله احيانا ب 25 واحيانا ب30 لانه اصلي موتر كرفت
والزيت مقاس 20 دبليو 5 تحصله هنا ب 45 وهناك ب 50 ريال وهو نفس الشركه وفيه شركات ب 60 ريال
والآن السعر اصبح 120 ريال ( نفس مقاس الوكاله "20 دبليو 5" + زيت الوكاله "موتركرفت" + سيفون الوكاله"موتركرفت" + يمشيك 10 الاف كيلو )
وانتم اغلبكم يغير الزيت ب 120 و 130 و 140 ريال , كل 3500 الاف لانك تخاف من الزيت لانه ماهو حق الوكاله بالاظافة الى ان حده 4 الاف الى 5 الاف ويقلب لونه واحيانا ينقص
فنصيحتي للكل وخصوصا راعين الفوردات لان الفكتوريا و الجراند ماركيز والاكسبدشن و اغلب الفوردات واللنكون بعد , مقاسها نفس المقاس 20 دبليو 5
وايضا حتى جيوب المازدا ينفع لها ونفس المقاس , لان زيت القير لشركة مازدا مشترك مع موتر كرفت , وسيفون زيت المكينه للفورد ايدج نفس سيفون المازدا
فنصيحتي لهم ولاي شخص مقاس زيته الموصى له 20 دبليو 5 , ياخذون هالزيت ويوقفون غش المحطات وطمع التجار , بالاظافه الى انه يمشيك مسافه عاليه 10 الاف
وايضا زيت المصنع زيت الوكاله , افضلك لك وافضل لسيارتك
تخيل كنا نغيره مثل العالم ب 300 ريال والان ب 120 ريال فرق 180 ريال , !!
*ملاحظه هامه جدا : السياره بعد تغير زيتها بالزيت الاصلي اللي كلف 120 ريال , اصبحت ناعمه جدا وهاديه , وما تسمع لها صوت ما شاء الله
واللي بيسوي نفس هالطريقه راح يحس ان شاء الله بالفرق
وايضا هذي معادله بسيطه :
[ 10 تغيرات من المحطات , اللي ب 300 ريال ] = ( تعادل ) = [ 25 تغيره بزيتها الاصلي ]
10 تغيرات × 300 ريال = 3000 ريال &&& 25 تغيره × 120 ريال = 3000 ريال
10 تغيرات >> توصلك 100 الف كيلو &&& 25 تغيره >> توصلك 250 ألف كيلو
حاولت اقدم كل اللي عندي ( وانت بكيفك ) لان الخيار بيدك ( انت )
تعبت هالموضوع فاتمنى انه ما يروح سدى , والله هدفي الاول والاخير اني ابغا الخير لكم جميع وابغا اوصله للجميع فلا تنسوه من اللايكات
مثل ما استفدت من هالموضوع وبإذن الله انك استفدت , ففيه غيرك يبغا يستفيد منه الله يسعدك , فتمن الخير للجميع , وعطوه اكبر قدر من اللايكات عشان يكون في قائمه افضل المواضيع واي شخص يدخل المنتدى يقدر يشوفه , ولا يندفن مثل مواضيع مفيده جدا اندفنت لان ما لقيت الدعم
خلونا يد وحده نحارب غلا الاسعار و طمع التجار اللي اكلونا بقشورنا , واللي يقول لا تقطع رزقهم , انا هنا ما اقطع رزق احد , و لست انا من يرزقه , فكيف لي ان اقطع رزقه !! وكلمة , لا تقطع رزق الرجال هذي من الكلمات اللي درمتنا , اللي تبغا تخليك سلبي في مجتمعك بالضغط عليك للسكوت عن الخطأ
وفي المقابل ما ابغا منكم الا الدعاء لوالدي فقط , اذا ماعليكم كلافه , تكفون لا تنسوهم من الدعاء , يالله انك تطول في اعمارهم وتمدهم بالصحه والعافيه والرزق وتجلعني والجميع بارين بهم وترحم من توفى منهم
اللهم امين
آخر صوره لسيارتي مع الاجواء الجميله جدا ما شاء الله تبارك الله , يارب لك الحمد على هذه الاجواء :)
ملاحظه آخرى : لا تــنــســوا تــقــروا ســورة الــكــهــف ( نور مآ بين آلجمعتين ) أدخلوا على الرابط واقروها , والله ما تاخذ من وقتك كثير , كلها ربع ساعه بس
http://forums.fatakat.com/thread3390307
![إبلاغ](https://montada.haraj.com.sa/images/alert.gif)
الردود
اشكر لك موضوعك وتعبك والله يجعله في ميزان حسناتك
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 9 سنه و 5 شهر