لزوجة الزيت
4
3
إضغط هنا للإخفاء
السلام عليكم ورحمة الله
يا اخوان كلنا نعرف ان الفكتوريا زيتها من الوكالة 5w20 وطبعا مع أجواءنا الباريسيه هذي
الأغلب بعد فترة يستخدم 10w30
والسبب كثرة الممشى وتحمل أكثر وحرارة الجو ...
وانا اسمع واقرا كثير من مواقع او من ناس ان السيارة لو ماشية كثير تستخدم زيت ثقيل أفضل ، بس ماني متأكد من هالمعلومه
وانا يا اخوان عندي فكتوريا وفيها جلد بلوف ممشاها حول 350,000 كيلو وكنت مواضب على موتوركرافت 10w30
وسمعت كثير من مستخدمي فورد يمدحون زيت بترومين الترا سفن
وغيرت من موتوركرافت 10w30 الى بترومين الترا سفن 20w50
وسبب التغيير نقص زيت بمقدار نص علبه كل 500 الى 700 كيلو وكثرة الدخان من الشكمان بعد وقوف فترة طويلة
ولاحظت بعد التغيير لاترا سفن الدخان من الشكمان بعد الوقوف تقريبا اختفى صار خفيف جدا ، ومافي نقص في الزيت مشيت عليه للآن حوالي 1500 ومالاحظت نقص في الزيت ابدا
بس بداية التشغيل الصباح اسمع صوت تكتكه وعزم الموتر صار اثقل بشوي ...
هل زيت الترا سفن 20w50 يضر المكينة ولا هو أفضل بحسب ممشى السيارة ؟
وطرمبة الزيت هل ممكن اواجه مشكلة بسببها ؟؟
اعطونا نصايحكم يالمجربين والخبره
واللي ماله علم الله يرضى عليه خليه يقرا ويستفيد بس ...
إبلاغ
الردود
انا الى اعرفه ان لزوجه الزيت مالها
علاقه نهائيا بالممشي
مشكله الدخان من جلد البلوف غيرها
وتروح والنقص اذا مافيه تهريب
من تغير جلد البلوف باذن الله يروح
لاكن تحط زيت ثقيل غلط
طرمبه الزيت تتاثر والتاكل بالمحرك
يزود عندك مع الوقت
وجلد البلوف دايما بالفورد تخرب وتتغير
الله يهونها عليك وتعالج الامور بابسط الحلول
بالتوفيق ان شاء الله
1
0
ولكن لو كانت ثقافة التغيير موجودة اول لوجه المكينة ماكان اظطروا لفكرت الزيت الثقيل مع زيادة الممشى
ارى ترجع للزيت الاول 10 30 وخذ سوبر بترومين او موتر كرفت
حتى وان كان فيه نقص
صوت التكتكه بداية التشغيل ان الزيت الثقيل مايطلع بسرعة وهذا مع اللايام فعلا بيضر طرمبة الزيت
الحين تقدر تقول انك زيت المكينة بهذا الزيت الثقيل
وارجع للخفيف .............. بشـــــــرط تغير جلود البلوف افضلا من انك تجهد المكينة بالزيت ثقيل ؟
بالتوفيق
1
0
1
0
الافضل تغير جلد البلوف سعرها اصلي 300 - 350 ريال
والتركيب من 500 - 700 ريال
بعدها ارجع لزيت موتر كرافت
موفق
0
0
وان شاءالله برجع للزيت الخفيف وأحل مشكلة البلوف
يعطيكم العافيه نفرا نفرا
0
0
الزيت ثقيل وهذا سبب عدم النقص فيه وانقطاع الدخان
ولكن يتعب المكينه و صرف البنزين يزيد بنسبة بسيطه
انا اشوف ترجع للزيت الخفيف منها المكينه مرتاحه ولو تحسبها بالفلوس
صرف البنزين مع الزيت الثقيل تقارنه بقيمة نصف علبة زيت كل 700 كيلو قد تكون النتيجه لصالح الزيت الخفيف
وحتى لو صرف البنزين نفسه تدفع كل حوالي 1500 كيلو قيمة علبة زيت 15 ريال ولكن المكينه مرتاحه افضل
قبل 10 سنه