أضف سؤال أو موضوع جديد          

لزوجة الزيت

up 4 down 3
Abu-Saad-212 387
قبل 7 سنه و 2 شهر



السلام عليكم ورحمة الله
يا اخوان كلنا نعرف ان الفكتوريا زيتها من الوكالة 5w20 وطبعا مع أجواءنا الباريسيه هذي
الأغلب بعد فترة يستخدم 10w30 
والسبب كثرة الممشى وتحمل أكثر وحرارة الجو ...
وانا اسمع واقرا كثير من مواقع او من ناس ان السيارة لو ماشية كثير تستخدم زيت ثقيل أفضل ، بس ماني متأكد من هالمعلومه
وانا يا اخوان عندي فكتوريا وفيها جلد بلوف ممشاها حول 350,000 كيلو وكنت مواضب على موتوركرافت 10w30
وسمعت كثير من مستخدمي فورد يمدحون زيت بترومين الترا سفن
وغيرت من موتوركرافت 10w30 الى بترومين الترا سفن 20w50 
وسبب التغيير نقص زيت بمقدار نص علبه كل 500 الى 700 كيلو وكثرة الدخان من الشكمان بعد وقوف فترة طويلة
ولاحظت بعد التغيير لاترا سفن الدخان من الشكمان بعد الوقوف تقريبا اختفى صار خفيف جدا  ، ومافي نقص في الزيت مشيت عليه للآن حوالي 1500 ومالاحظت نقص في الزيت ابدا

بس بداية التشغيل الصباح اسمع صوت تكتكه وعزم الموتر صار اثقل بشوي ...

هل زيت الترا سفن 20w50 يضر المكينة ولا هو أفضل بحسب ممشى السيارة ؟
وطرمبة الزيت هل ممكن اواجه مشكلة بسببها ؟؟
اعطونا نصايحكم يالمجربين والخبره
واللي ماله علم الله يرضى عليه خليه يقرا ويستفيد بس ...








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

الزيت ثقيل وهذا سبب عدم النقص فيه وانقطاع الدخان

ولكن يتعب المكينه و صرف البنزين يزيد بنسبة بسيطه

انا اشوف ترجع للزيت الخفيف منها المكينه مرتاحه ولو تحسبها بالفلوس

صرف البنزين مع الزيت الثقيل تقارنه بقيمة نصف علبة زيت كل 700 كيلو قد تكون النتيجه لصالح الزيت الخفيف

وحتى لو صرف البنزين نفسه تدفع كل حوالي 1500 كيلو قيمة علبة زيت 15 ريال ولكن المكينه مرتاحه افضل


up 2 down 0
ابراهيم التركـي 1067
قبل 7 سنه و 2 شهر



وعليكم السلام
انا الى اعرفه ان لزوجه الزيت مالها
علاقه نهائيا بالممشي
مشكله الدخان من جلد البلوف غيرها
وتروح والنقص اذا مافيه تهريب
من تغير جلد البلوف باذن الله يروح
لاكن تحط زيت ثقيل غلط 
طرمبه الزيت تتاثر والتاكل بالمحرك
يزود عندك مع الوقت
وجلد البلوف دايما بالفورد تخرب وتتغير
الله يهونها عليك وتعالج الامور بابسط الحلول
بالتوفيق ان شاء الله


up 1 down 0
االخاالدي 3898
قبل 7 سنه و 2 شهر



معلومة الزيت الثقيل للمكينة الي ممشاها كثير ، لسبب منع التهريبات فقط بحكم الزمن ..
ولكن لو كانت ثقافة التغيير موجودة اول لوجه المكينة ماكان  اظطروا لفكرت الزيت الثقيل مع زيادة الممشى

ارى ترجع للزيت الاول 10 30 وخذ سوبر بترومين او موتر كرفت 
حتى وان كان فيه نقص 

صوت التكتكه بداية التشغيل ان الزيت الثقيل مايطلع بسرعة وهذا مع اللايام فعلا بيضر طرمبة الزيت 

الحين تقدر تقول انك زيت المكينة بهذا الزيت الثقيل 
وارجع للخفيف .............. بشـــــــرط تغير جلود البلوف افضلا من انك تجهد المكينة بالزيت ثقيل ؟

بالتوفيق


up 1 down 0
aziz..747.. 2421
قبل 7 سنه و 2 شهر



ما دام إنك استخدمت زيت ثقيل أكيد العزم بيقل


up 1 down 0
الصـاعدي 129
قبل 7 سنه و 2 شهر



الزيت الثقيل حل مؤقت 

الافضل تغير جلد البلوف سعرها اصلي 300 - 350 ريال 

والتركيب من 500 - 700 ريال 

بعدها ارجع لزيت موتر كرافت 

موفق 


up 0 down 0
abdulaziz al-malki 981
قبل 7 سنه و 2 شهر



ما ننعدم منكم والله ، مشكورين على النصايح
وان شاءالله برجع للزيت الخفيف وأحل مشكلة البلوف 
يعطيكم العافيه نفرا نفرا 


up 0 down 0
Abu-Saad-212 387
قبل 7 سنه و 2 شهر