الفيوجن افظل او الماركيز

ماركيز فئه سيارات المريحه والعمليه
فيوجن فئه سيارات الصغيره 4 سلندر
طبععا اكيدد ماركيز قطعها متوفره ورخيصه ومعروفة صيانتها
بس الشكل  فيوجن شملها شبابي اذا كانت الشكل الجديد 
وانت اللي تطلعها وكاله
راح تمشي معك 5 سنوات بدون خراب ان شاء الله اذا كنت مهتم

ماركيز

الفيوجن مجربه 2008

كنت ابترزق الله فيه بهذلبي بالقطع غلطة الحياة

ماتنباع قطعه الا بالوكاله وقطعه ناار صدام امامي حول 1500 ريال بالوكاله من غير الرش

ومحلات قطع الغيار ماحصلت الا اقمشه خلفيه عند واحد بس

اصرف النظر عنه واللي مايصدق كلامي يروح محلات قطع الغيار ويسال عنه وعن اسعار قطعه

يالبى قطع الهونداي والتويوتا متوفره ومريحه بكثره عندنا بالبلد

خذ المنتشر افضل لك حتى تحصل له دعم وقطع غيار ....الخ

ولو تاخذ فكتوريا افضل وافضل خرابتها اقل من الماركيز
وصباره .

يا yussuf ممكن تثبت لي كيف الماركيز خراباته اكثر من الفكتوريا ؟؟؟

كلها تشترك في نفس القطع والنظيف يفرض نفسه

اخوي اذا بتطلع الفيوجن وكالة .. انتهى الموضوع خذها لا يعلى عليها تمشيك الين تتخرج بالراحة وزود شوي
اما بتاخذها مستعملة اكثر من سنة ... فلا انصحك بتاتا بتندم صدقني .. قطع غالية ترا يوم تسير تطلب ومصممه ترا 5 سنين وخلاص 

اما الماركيز يصبر معاك ما شاء الله سيارة عملية من الدرجة الاولى صدقني ... اهم شي خذ نظيف وبترتاح والله 
يعيبه شوي صرف البنزين لكن تتعود عليه شوي مع الزمن ولو رجلك هادية ما يصرف ان شاء الله
وطبعا تحافظ عليه من زيوت وفلاتر وخلافه .. صيانه بوقتها واهتمام = راحة بال
اهم شي الزيت تاكد اصلي خذه من محلات الجمله ارخص واضمن ...

اذا عندك قيمة الجديد خذ الفيوجن

ماتقدر على الجديد خذ مركيز
يا امير قبل ماترمي معلومه تاكد منها
اذا صدام الفيوجن ب 1500
انا اقولك الفايير حق واجهة المركيز والفيتكوريا ب 1800 وكاله وهو كله قطعة بلاستك
هونداي الي تمدح فيها
عندي شمعة الالنترا ب 2800 قبل الخصم ونزلت عن فاتورتها صوره قبل كذا
حاول ماتقارن عن قطع اسعار البدي لانها غاليه فكل السيارات
وباين ان سيارتك مديلها قديم
الفيوجن الجديده اسئل عن قطعها الاستهلاكيه وبتلقاها عاديه

الله يعطيكم العافيه على آراءكم الاكثر من رائعه ولا هنتو

اخ شويخ انا متاكد من صحة معلوماتي الفيوجن

روح محل قطع الغيار واسئل عن قطعها

والفيوجن غير متواجده بكثره بالشوارع نادر مااشوفها وانا اروح لعملي

اما الماركيز والكراون فكتوريا متواجده بكثره

وقطعها اسعارها معقوله مقارنه بغيرها وعلى حجمه وحتى بالتشاليح بتحصل

الفيوجن لفيت التشاليح حقت حاير ابي اركب لها صاجات وصدام وابيعها وافتك منها ماحصلت الا 3

ومتغلين فيها لان ماهي متواجده بكثره بالشوارع

والموتر اللي ماترغبه الناس اكيد يكون فيه بلا

والفيصل بيننا للفيوجن محلات قطع الغيار وانتشارها بالبلد ماراح تحصلها الا نادر جدا

الي يقول شمعاتها النترا 2800 انا معي سوناتا 14 خذيت اثنين ب1350 من 
محل قطع هونداي مخرج 18 قدام الوكالة طوالي