ناوي اسافر الرياض

كم فلوسك !!

النظيف ما تحصل الا 2010 وفيها 

وسعر 2010 حوالي 40 الف الى 50 الف ريال

والنظيف النظيف راح تحصله بالشرقيه

مواتر اهل الشرقيه ما شاء الله تبارك الله نظيفه

تحصل 1997 يلق لق ما شاء الله

راح تحصل مرادك بالشرقيه وشيك على الموقع عن فوردات بالشرقيه

والله يكتب لك مافيه الخير

انا حدي 40 الف 
بحصل 2010 او 11 
بهذا السعر؟

 الشرقية أفضل من الرياض بالنسبة للمواتر النظيفة محافظين ماشاء الله عليهم ولاكن بالرياض في ميزه الامريكي منتشر بشكل كبير فا ان شاء تحصل مرادك انصحك ب ٢٠١٠ سعره من ٤٠ الى ٥٥ على حسب النظافة والممشى واهم شي تفحص الموتر 

40 ألف ما اتوقع بتحصل 2010


لاكن بنصحك باللون السمني والداخلي هلوز وانتبه من كهرباء الفورد
اذا ملعوب فيه ترا بيتعبك مبروك مقدماً

هذا 2011 عنابي بودي نظيف مافيه الا حك ب 50 الف http://haraj.com.sa/116843063

http://haraj.com.sa/116637487 هذا 2010 اسود بودي نظيف بس حك بياع ب 40 الف لكن ماشي 220 لكن على نظافه

دور وبتحصل 

والسوق اكيد مليان

40 الف تجيب لك 2009 الى 2010 

معارض الشفا على طريق ديراب ومعارض النسيم في حي النسيم
بس اﻻفضل الشفا وتعال على اﻻربعاء اذا امداك تدور او تبدا
من يوم الخميس والجمعه لان الناس اجازه واللي بيجلب موتره
بيجلبها بهاليومين .

شوف معرض محمد الجهني يجيب فوردات وكالة http://haraj.com.sa/users/export

اخوي اهم شي افحص 300 ريال بالكثير 

وعليكم السلام . 
اهم شي افحص السياره ،،

وتروح وترجع بالسلامه 
الله يعطيك خيرها ويكفيك شرها ، ومبروك مقدما

مثل ماقال لك أخونا l-kaled-l شوف معرض محمد الجهني سياراته نظيفه ومضمونه ( أوتو تشيك- كارفاكس ) أسعاره مرتفعه نوعاً ما لكن تستاهل سياراته لأنها نظيفه ومضمونه والخيار الأول والأخير لك ولاتنسى الإستخاره .

ايه معروف الجنوب اسعار السيارات فيها طايرة
السيارة الي قيمتها تسوئ40 عندكم ب 60 
خاصة السيارات المعروفه والمطلوبه مثل الكامري والافالون والفورد 
شوف الرياض او جدة بس يبغالك وقت حتئ تحصل النظيف 
ويفضل تكون نازل للمعارض في يوم الجمعه 

روح جده افضل من الرياض واقرب لك وفيها فوردات بالهبل بحكم قربها من المينا ء

عليك بي اعلانات المووقع بعض الاحيان تكون في صيدات بسعر مغرري بس اهم شي افحص وفحص وفحص وفحص شامل ولو فيها تعديل شاص او صدمه قويه كنسل ع طول لو انها رخيصه

انا 5 اشتري فوردات وابيع
وشريت اكسبدشن وتورس وغيره
لفيت حراج الطايف جده الرياض الشرقيه

عشان تلقى نظيف تحت يد واحد سعودي هذي يبغالك فيها معجزه 
النظيف تحصل اذا كان بطاقة جمركيه اسهل واسرع من انك تبحث فواحد مستعمل عندنا

وانصحك حسب خبرتي
لاتحدد اخيتارك على مواصفات معينه ( لون خاجري لون داخلي وخلافه)
لانه ممكن تحصل نظيف بس مو نفس المواصفات اللي تبيها
ولاتحصر خياراتك على المركيز فقط
لانه ممكن تحصل فيكتوريا بس ماتحصل مركيز انت وحظك

حسب خبرتي مافي شي اسمه جده الرياض الشرقيه من ناحية المستعمل اللي عندنا كلها اغلبها مضروبه وتتعب عشان تلقى

اما البطايق الجمركيه فجده والشرقيه تلقى اكثر من الرياض وبرضه الرياض فيها
الطايف لاقتربها لان الاسعار شبوبه نااار

موقع حراج شاحطين ام ام الاسعار على غير
واغلبهم يقولك سميت برا وهي لاسيمت ولا 

لكن افضل انك تدخل الصالات اللي تستورد تلقى بعض الاوقات عندهم فوردات 2006 2007 بطايق جمركيه مابيعت

انا قبل 5 شهور كنت فالطايف ولقيت واحد 2006 فل كامل ابيض مطلوب فيه 43 بطاقه جمركيه

اذا فلوسك 40 الف والله ماتجيب لك 2010 لو تطير الا اذا كان مصدوم وحالته حاله 

لفيت  المعارض اقل سعر شفته للماركيز 2010 ب51 الف وكان الصدام مرشوش 

شوف 40 الف يمكن بالمعارض تلقى 2008 نظيف وممشاه قليل ويمكن تلقى 2009 بس ممشاه عالي شويتين 

40 الف تجيب لك 2008 او 2007 صفطه نظيف

2010 مستحيل حتى لو انه ستاندر طايرين بها عشان متوقف انتاجها

لكن مهب شرط بتحصل في يومين الويكند موتر ترى يبي لك تصبر وتشوف ولا تستعجل وانا من رأيي اذا كنت تعرف احد في الرياض توصيه يدور لك كم واحد عشان تجي في الويكند تفحص والنظيف تكتبه وتتوكل على الله

لكن مثل ماقلت لك الارجح ب 40 الف 2008 حتى 2009 اذا هو نظيف مهب جايك ب 40

بالتوفيق

الله يعطيكم العافية جميع 
انا خوي يوم عرف بالموضوع عند واحد من اصدقائة معرض 
اعطاني فورد 2011 سعودي اصفار لونة ازرق جنزي 
حسبة لي ب 87 الف وخوي قال بيساعدني ويدفع الباقي 
كيف تشوفون سعرة مناسب ؟
خوي يقول صيدة اخوانة الاصفار فوق 100 الف هل ذا صحيح ؟

دامك بتوصل للسعر هذا طلع جديد وموديل السنة فيه سيارات واجد احسن من الفرد مع احترامي كشكل وكثبات وقيادة وعزم وعزل

عندك الكادينزا والازيرا وطقتها ، يعني حرام كل هالمبلغ في فرد لو انه 50 ولا نقول 60 مايخالف


لكن ادفع 90 الف في 2011 موقف له ثلاث سنوات ونص اقل شي حرام

هذي وجهة نظري