اكسسوارات اكسبدشن ... وانصحوني

وش لونه ؟

إذا اسود 

فأنا امس بالليل شفت واحد , ماشاءالله مغسل ويلمع , ومركب الكشافات الاماميه زينون وقوي جدا ما شاء الله وطالعه رايقه عليه

ومضلل ممكن زيرو 2 اسود لكامل السياره , و مركب لمبات زينون للوحات الخلفيه , ومركب الشنكار النيكل بالصدام الخلفي

ما تعب عليه ولا خسر عليه لكن ما شاء الله طالع ملكي 

طبعا اللي انصحك فيها

تركيب بلاستك لارضيه السياره بالكامل مع الدعاسات يكلفك 300 ريال تقريبا بالغرابي 

لا يضحكون عليك راعين المحلات الفخمه ويقولون ب800 وحولها

والتضليل امريكي ضمان سنه من الغرابي ب 300 ريال اي درجه تحبها

والتضليل ب3 ام ب 2500 وشوي وليمار ب 2000 وشوي والله تخلف وهي هي والله نفسها 

وركب لك حامي وجهه الماني مع القوائم ب 350 ريال بالغرابي عند اطلق محل وتحصل بارخص ان كانك تسافر

وشاشات ايباد خلفيه ان حبيت مثل اللكزس سعرهم الطقم ب 1200 مثل حجم اللاب توب وتطلع فخمه وبلون السياره 

أخوي أبو يزيد في محل محدد بالغرابي أو في كتير محلات قصدك غرابي الرياض صح ؟

أي نعم غرابي الرياض

اول ما طلع الوالد الاكسبدشن حقه 

رحت للغرابي 

وركبت له حامي وجهه الماني مع القوائم طبعا + تضليل امريكي مدرج خلفي زيرو 3 وسط زيرو 2 امامي زيرو 1

ب 450 ريال لان سبق وتعاملت معه من قبل

فالاسعار من 450 الى 600 ريال 

والشغل والله نظيف وكانه من الشركات الغاليه

أبو يزيد ممكن تدلني على المحل لإطلع شوفه ... عرفت الدعاميات يلي قدام بتنحط متل حقات الشرطه وين ممكن حصل

والله اني ناسي اسم المحل لكن هو بالبدايه بالزوايه , وبسأل الوالد مره ثانيه اذا جاء لانه هو اللي دلني عليه 

والدعاميه مثل حقت الشرطه معروفه وسعرها تقريبا 650 ريال وتجي تفصيل وتجي جاهزه

اكتب بقوقل دعاميه للاكسبدشن وراح تحصل ناس يمدحون محلات معينه تفصل لك على كيفك والسعر تقريبا 650 ريال او تاخذلك  جاهز

الله يعطيك خيرره ويكفيك شرره وابو يزيد ماقصرر ^_^

الله يعطيك خيره ويكفيك شره 

عز الله انك شريت موتر ماشاء الله تبارك الله 

نصيحتي لك خلها وكاله لا تضيف لها شيء 

انا وجهة نظري للسيارات العائليه تكون شد بلد احلى وافخم واجمل من التضبيط 

اذا تبي تعدل ركب تلبيسة للمقاعد عشان تحافظ عليها 

وركب بلاستيك للارضيه 

وضلل من شركة سواء لومار او 3 ام او درايف 7 اهم شيء يعطونك ضمان 10 سنوات وشغلهم مضمون وما يحتاج 

وترا الغرابي كله نصب مافيه مثل تضليل الشركات المعروفه 

ضلل وحده تكون فاتحه شوي لا تغمقها عشان ما تخرب منظر الموتر وعشان تشوف لو سافرت بالليل 

هذا افضل شيء تسويه للسياره 

وبالنسبة للاضائه اذا انت راعي خطوط ركب عدسات وزنون الوكاله حق الليمتيد عشان ما يصير فيه تقطيع كهرب وخرابيط 

بالتوفيق ان شاء الله 

وبالنسبه للمحلات اذا انت بالرياض الشركات حقت التضليل تسوي لك تضليل وبلاستيك للارضيه بعد 

حامي الوجهيه البلاستيك اذا انت ما تسافر كثير ما انصحك فيه ترا يعدم عليك الوجهيه بعد فتره وهالكلام من تجربه ومن شركة 3 ام بعد